il milanese usato in questa pagina risale all\u2019inizio del XX\u00b0 secolo<\/p>\n
In del 1198, i milanes stuff di v\u00e8ssazion di nobil, creen el partii politich intitolaa \u201cCredenza di S. Ambrogio\u201d, ma \u201cpeso el taccon del buso\u201d, avarien ditt i venezian, perch\u00e8 i discordi, invece de fin\u00ec, cressen e fann p\u00e8rd a la nostra repubblica la libertaa insc\u00ec tanto desiderada, e cont qu\u00e8sta va anca a fass bened\u00ec la grand\u00e8zza del paes. I nobil hinn costr\u00e8tt a lass\u00e0
\nMilan, I popolan troven tanta simpatia in la famiglia Della Torre, feudataria de la Valsassina e ghe par minga vera de pod\u00e8 m\u00e8ttess sotta de lee. I nobil, che eren staa casciaa via come tanti can, ciamen ajutt nientemen che a Ezzelino da Romano e cont lu ciapp\u00e8n ona battosta a Cassan. El scior Ezzelino da Romano, essend vera p\u00e8ll de fa consci\u00e0, el merita che se ghe spanda adree ona quai parola de p\u00f9. Lu, el
\nBuoso de Duera e Oberto Pelavicino eren i trii pussee famosi ghibellin d\u2019Italia. Ma per quanto vun el fud\u00e8ss a stanga e l\u2019alter a balanzin,
\nEzzelino l\u2019era el pussee sciatton, el faseva semper la part del leon. El ved la mal parada su l\u2019Adda, el tenta de scapp\u00e0 a Monza, ma i monsciasch g\u2019hann daa la p\u00e8stada; el tenta d\u2019impadroniss del Cast\u00e8ll de Tr\u00e8zz, ma gh\u2019\u00e8 su\u2019l gatt, come se dis, e su\u2019l Pont de
\nCassan el ciappa la mastegada in pien. El trasporten, ferii de malad\u00e8tt, a Soncino e l\u00e0 moeur senza on sospir, senza on lament, senza d\u00ec ona parola e senza on pret qu\u00e8ll car Ezzelino da Romano che a tucc el faseva paura pussee del diavol. E gh\u2019aveven minga tort, quand se pensa che\u2019l gh\u2019avuu el fidegh de d\u00e0 l\u2019ordin de macell\u00e0 vundesmila padovan e che, quand l\u2019ha conquistaa el Fort de Friola sul Vicentin, el g\u2019ha faa brus\u00e0 i oeucc a tucc qu\u00e8i che ghe borlava in di man. Domandi mi, se on esser simil, l\u2019ha minga de fa v\u00e8gn\u00ec su la pell d\u2019oca dom\u00e0 a sent\u00ec nominall! Sconfitt e mort Ezzelin,
\nMilan l\u2019istituiss duu poteri noeuv: on Anziano della Credenza, Marun Della
\nTorre, e on Capitano generale d\u00e8l Popolo, Uberto Pelavicino, nominaa
\nGovernator civil vun e militar l\u2019alter. Abbiee pazienza e torn\u00e8mm indree. In d\u00e8l 1187, moeur a Ferrara papa Urbano t\u00e8rz, Arciv\u00e8scov de Milan, e ven nominaa, al so post, Milone da Cardano. Com\u2019\u00e8, disarii, l\u2019era Papa e Arciv\u00e8seov de Milan?… Sigura. Urbano III\u00b0 non l\u2019era che Uberto Crivello, milanes, che per quanto. Papa l\u2019ha vorsuu conservass lu la sede Arciv\u00e8scovil. Siccome l\u2019usura in quij temp l\u00e0 l\u2019era al massimo grado, insc\u00ec i noster consol ghe m\u00e8tten on fren cont ona leg prog\u00e8ttada da Pagano Della Torre, consol de la Repubblica, da Ugone Camerario, consol de Giustizia e da Uberto Diano, consol di Mercant. Finalment, e l\u2019era ora, se conclud la paas coi lodesan e qu\u00e8st l\u2019\u00e8 per merit de: Corrado Giudice, Alcherio Bonvesino e Jacopo da Sesto. Trii bon milanes. Ma purtropp, qu\u00e8ll che se fa incoeu ven desfaa doman e per conseguenza i milanes tacchen sotta ancam\u00f2 cont qu\u00e8i de Besate, de Pavia, de Cremona, de Vigeven e finissen a fa paas in del Luj del 1201 sotta i podest\u00e0: Tazio da Mandello,
\nDomenico Borro, Danesio Crivello, Ildebrando de Canavesi e Manfredo degli
\nOsii. In del 1206 moeur l\u2019Arciv\u00e8scov Filippo da Lampugnano per iassagh el post a Uberto da Pirovano che poeu el moeur anca lu per lass\u00e0 and\u00e0 Arciv\u00e8scov de Milan el Cardinai novares Gerardi Sessa, in del 1211, ma dopo on ann el moeur anca lu a Cremona. Se introduss a
\nMilan ona forma noeuva de governo, cio\u00e8 dodes podest\u00e0, ma i milanes se dichiaren apertament per Ottone IV\u00b0, per quanto el sia on scomunicaa, e cascen via i canonich ordinari de la metropolitana. Se p\u00f2 immagin\u00e0 come el sia andaa in furia Papa Innocenzo III\u00b0.
\nSe continoa semper a m\u00e8n\u00e0 i man, come se dis, fina a la vegnuda de Uberto de Vidalta, on bolognes, staa faa podest\u00e0 de Milan e che con molto tatto l\u2019e staa bon de m\u00e8tt a post i r\u00f2bb, conciliand i partii. E l\u2019era ming\u00e0 ona roba facil. Intanta gh\u2019era sta faa Arciv\u00e8scov
\nEnrico da Settala. In del 1215, quantunque Rogerio el sia staa bon de fass incoron\u00e0 Re dei romani, i milanes cons\u00e8rven i so simpatij e la soa fed a Ottone IV\u00b0. Tra gu\u00e8rra e paas vegnom al 1220, propi in l\u2019epoca che i fraa Domenican pienten el tribunal de l\u2019inquisizion in S. Eustorg. El capp de l\u2019Inquisizion l\u2019era Pietro da Verona, domenican, che, per av\u00e8 miss al bando come eretich Stefano Confalonieri d\u2019Alliate, l\u2019hann coppaa tra Barlassina e Meda. El corp l\u2019\u00e8 staa portaa a Milan e sott\u00e8rraa a S. Eustorg e col temp, poeu, l\u2019\u00e8 diventaa S.
\nPeder Martir. In del 1223 ven el\u00e8tt podest\u00e0 Pace da Manerbio, brescian. In del 1225 tra el noster popol e l\u2019Arciv\u00e8scov Enrico, ven conclus la paas che la dura.. – finch\u00e8 la dura. Tra i governant di cittaa lombard se rinnova la lega contra Federico II\u00b0, nevod de
\nBarbarossa e ambizios all\u2019ecc\u00e8ss, sta faa Re delle due Sicilie, de Germania, d\u2019Italia e Imperator. La paas de Costanza la ghe dava molto sui n\u00e8rv, quindi el vorreva minga risp\u00e8ttala assolutament.
\nIn del 1227 moeur el Papa Onorio III\u00b0 e ven faa Papa, cont el nomm de Gregorio IX\u00b0, Ugolino, v\u00e8scov de Ostia. In del 1230 i milanes osteggen el cont Tomaso de Savoia andand fina in Piemont, ma perduu in battaglia Uberto da Ozeno, che l\u2019era qu\u00e8ll che je guidava, i milanes se ritiren. Moeur Enrico da Settala e ven el\u00e8tt Arciv\u00e8scov
\nGuglielmo da Rizolio. In del 1233 ven fabbricaa el Palazz de la Ragione in Piazza Mercant. Ma i gu\u00e8rr finissen p\u00f9 e i podest\u00e0 continoen a cambiass. I milanes invaden anca el staat del Marches del Monferraa, ciappen el Cast\u00e8ll de Chivass, ma p\u00e8rden, trafitt da ona sa\u00e8tta, Ardigoto Marcellino che je guidava. Tornen anca su\u2019l territori de Cremona che manden a foeugh e fiamm tanto che i modenes corren in ajutt di cremones. Intanta se istituiss on\u2019altra societaa militar d\u00e8tta dei Forti a la custodia del Carroccio; Enrico da Monza l\u2019\u00e8 ‘l capp.
\nSemper in del 1233 ven conclus ona lega tra i milanes ed Enrico Re dei romani che\u2019l s\u2019era rib\u00e8llaa a so pader Imperator el qual, per vendicass, le fa m\u00e8tt in preson dove el moeur dopo on ann. I gu\u00e8rr se p\u00f2 di che continoen semper. In del 1237 i milanes tacchen ancam\u00f2 coi paves e fann di dagn. Ciappen poeu Lom\u00e8ll e Garlasch. Torna
\nFederico II\u00b0 in Italia, l\u2019inonda Brescia de truppa imperial, ma Brescia la risp\u00e8tta el giurament faa ai milan\u00e8s. El vintis\u00e8tt
\nNovember 1237 Federico el fing de ritirass, el s\u00e9 stend su la riva dell\u2019Oglio, ma i milanes, cont la compagnia dei Forti comandada da Enrico da Monza, ghe tajen la strada, combatten e salven el Carroccio. Ma i milanes finissen col p\u00e8rd. Federico ne fa strage, el liga el noster podest\u00e0
\nPietro Tiepolo e trionfalment l\u2019entra in Cremona. I milanes e alleaa perden des mila personn. Federico el porta i presonee in Puglia dove proeuven tutt i supplizi. In del 1238 Federico el va adree a fa conquist. I pover milanes hinn costr\u00e8tt a vegn\u00ec a patti, ma Federico insuperbii el voeur che Milan el sia sotta de lu, ma i milanes giuren de mor\u00ec tucc puttost de sub\u00ec on simil avviliment. In del 1239 Gregorio IX\u00b0
\nel scomunica Federico, al qual par che la scomunica la ghe faga n\u00e8 cald n\u00e8 fr\u00e8gg, tant \u00e8 vera che\u2019l torna nel noster t\u00e8rritori e Melegnan, Landrian e Bescape je conscia de sbatt via.
\nI milanes ascolten el consilii de Ottone da Mandello e se m\u00e8tten in armi e cont lor se uniss fraa e pret armaa come tanti d\u2019Artagnan, se accampen a Camporgano e comencen a p\u00e8st\u00e0 gi\u00f2 cont tal furia che Federico el se ritira a Cassino Scanasio dove ne ciappa s\u00f9 tant d\u2019alter. I imperiai se sbanden tra Casorate e Rosate ma v\u00e8gnen ancam\u00f2 ciappaa dai milanes dei quai senten per la t\u00e8rza volta el savor e i presonee che ven faa hinn on bord\u00e8ll. Sta vittoria di milanes la costring Federico a lass\u00e0 la Lombardia. E l\u2019\u00e8 in del 1240 che, causa i continov gu\u00e8rr, la finanza l\u2019\u00e8 in ribass, el governo de la repubblica el d\u00e0 foeura la carta monetada.
\nI d\u00f2 repubblich de Venezia e Genova fann alleanza cont qu\u00e8lla de Milan, intanta i milanes, riconoscent a Pagano Della Torre, l\u2019elegen podest\u00e0 ma l\u2019ann dopo el moeur e i milanes el piangen su\u2019l seri.
\nElegen a podest\u00e0 Filippo da Piacenza e a Arciv\u00e8scov Leone da Perego. I paves tornen a romp i scatol, v\u00e8gnen in del noster t\u00e8rritori e fann presonee div\u00e8rs milanes. Goffredo Castiglioni, v\u00e8scov de Sabina, el ven faa Papa cont el nomm de Celestino IV\u00b0.
\nInsc\u00ec per rid s\u00e8mm arrivaa a la porta de la gran epoca viscontea e c\u00e8rtament la soa storia l\u2019\u00e8 molto pussee conossuda. Credi, lassemm almen sta speranza, de v\u00e8gh faa vegn\u00ec la barba a nissun e che la storia de Milan de 1250 ann dopo Cristo, pur ridotta ai minim termin, l\u2019abbia poduu anca interess\u00e0 on ciccinin. C\u00e8rt che me sont limitaa ai robb pussee important. Me pareva inutil a diff, per esempi, che in del 580 sotta Papa Pelagio II\u00b0, v\u00e8gnen introdott le litanie maggiori! Che in del 875, compar ona com\u00e8ta, cont ona cova che la finiva p\u00f9 e in del 990 on\u2019altra cont cova idem. Che in di ann 1076 e 1082 l\u2019inverno l\u2019\u00e8 staa tant fr\u00e8gg che ai pover milanes.. e affini, d\u2019allora, ghe gelava via la ponta del nas. Che on\u2019altra com\u00e8ta, anca lee cont la cova interminabil, l\u2019\u00e8 comparsa in del Febbrar del 1107. Che in Luj del 1136 \u00e8 vegnuu gi\u00f2 ona temp\u00e8stada che s\u2019era mai veduu la compagna. Che l\u2019uso de fa son\u00e0 la campana maggior de la metropolitana, l\u2019\u00e8 comenciaa in del 1173. Che in Agost del 1222, oltre l\u2019apparizion d\u2019ona com\u00e8ta, gh\u2019\u00e8 staa ona scossa de t\u00e8rremott, on\u2019inondazion e per complet\u00e0 l\u2019opera, gh\u2019\u00e8 andaa denter el mal anca in l\u2019uga. Che on alter inverno de malad\u00e8tt i milanes ghe l\u2019hann avuu in del 1234. Ad ogni bon cunt, ad\u00e8ss savii anca qu\u00e8st. Come ho ditt s\u00e8mm a la porta del domini di Viscont, che preparen a la repubblica milanesa, qu\u00e8ll che i Medici eren adree a preparagh a la repubblica fiorentina. Sui primm se fann ved\u00e8 bon, de manega larga, ma a pocch a pocch la… manega la strengen e poeu fann sent\u00ec el savor de la soa… gran bontaa.
\nMa and\u00e8mm avanti per ordin. Prima di Viscont, ona vera sovranit\u00e0 ghe l\u2019aveven i Torriani e se l\u2019hann conservada ona trent\u00e8nna d\u2019ann.
\nIn del 1250 moeur Federico II\u00b0 e la gu\u00e8rra che lu l\u2019aveva faa ai Guelfi de Lombardia l\u2019\u00e8 durada la bell\u00e8zza de quindes ann e l\u2019aveva ridott sta nostra povera t\u00e8rra lombarda in guisa tal de fa piet\u00e0 ai sass e pi\u00e8na de malvivent. Intanta a Venezia, in del 1250, nass Marco Polo. On ann de malad\u00e8tt l\u2019\u00e8 staa el 1257. Gh\u2019era el foeugh sotta la s\u00e8nner che covava e a fa s\u2019ciopp\u00e0 el bugnon, come se dis, l\u2019\u00e8 staa el nobil Guglielmo da Landriano el qual l\u2019era debitor vers on popolan, c\u00e8rto Guglielmo da Salvo.
\nOn b\u00e8ll d\u00ec l\u2019invida el so creditor and\u00e0 al cast\u00e8ll a ciapp\u00e0 i danee e el Guglielmo da Salvo, c\u00e8rt, se le fa minga di d\u00f2 volt. El molla l\u00e0 pussee che impr\u00e8ssa, el ghe fa onor a la s\u00e8nna che g\u2019hann preparaa e dopo che stoo pover diavol l\u2019ha ben mangiaa e bevuu, propi in del moment de la digestion, cont on sigurin, Guglielmo el nobil, el ghe spacca el coo. On sist\u00e8ma de pag\u00e0 i debit come on alter. El cadaver, staa trovaa in d\u2019on pajee, l\u2019hann portaa a Milan e l\u2019hann espost per la strada. I milanes n\u2019hann vorsuu p\u00f9 e tucc i nobil hinn staa, e minga c\u00e8rt cont i b\u00e8i maner, casciaa foeura de la cittaa. Durant tutt stii bord\u00e8i moeur l\u2019Arciv\u00e8scov Leone, ma per cinqu ann hinn minga bon de trovagh on succ\u00e8ssor, tant andaven d\u2019accord, e insc\u00ec el Papa el crea
\nArciv\u00e8scov de Milan Ottone Visconti. Vattafarti! Martino che l\u2019era el nevod de Pagano Della Torre e che l\u2019era anca Rettore e Anziano della
\nCredenza, el se oppon e cont lu el clero; se refuden de riconoss qu\u00e8ll\u2019Arciv\u00e8scov faa dal Papa a la sordina, decr\u00e8tand la confisca di beni arciv\u00e8scovij cont el relativ esilio del prelato. Ven nominaa poeu, tant assee per m\u00e8tt fin ai insult che sta povera repubblica la riceveva da tutt i part, come ona specie de Podest\u00e0, ona volta vun e ona volta l\u2019alter, se capiss, el marches de Incisa, Uberto Pelavicino e Carlo d\u2019Angi\u00f2. E qu\u00e8st l\u2019\u00e8 staa el primm pass che Milan l\u2019ha faa v\u00e8rs la monarchia.
\nMalgrado qu\u00e8st per\u00f2 i Torriani eren semper i padron de la melonera. On alter celebre Torriani l\u2019\u00e8 staa Napo, al qual tucc doveven giuragh obbedienza assoluta. Siccome Ottone Visconti l\u2019era sta faa Arciv\u00e8scov de Milan in del 1262 a la sordina e savend lu st\u00e8ss de v\u00e8ss… in gesa a disp\u00e8tt di sant, el fa lega coi nobil che eren staa casciaa foeura de Milan i quai, rabbios de pod\u00e8 no entr\u00e0 in cittaa, se vendichen mazzand a tradiment Paganino Della
\nTorre, fradell de Napo e podest\u00e0 de Vercelli. El so cadaver, portaa a Milan, l\u2019ha d\u00e8staa tanta indignazion tra i milanes i quai g\u2019hann vist p\u00f9 e a la soa volta s\u2019hinn vendicaa massacrand cinquantacinqu tra fioeu e fradei dei fuorusciti che se trovaven in preson. Napo Torriani el disapproeuva assolutament ona tal vendetta e per non ved\u00e8 el supplizi de tanti pover disgraziaa el lassa Milan addoloraa perch\u00e8 qu\u00e8ll sangu innocent el se saria poeu riv\u00e8rsaa c\u00e8rt su de lu e i so fioeu. E, pover diavol, l\u2019ha minga sbagliaa. Quantunque
\nNapo el fuss staa el\u00e8tt Vicario imperial de Milan da Rodolfo e che
\nMilan la sia stada sciolta de l\u2019interd\u00e8tt e Gregori X\u00b0 el v\u00e8gniss benignament a visit\u00e0 la cittaa, l\u2019elezion de l\u2019Arciv\u00e8scov
\nOttone Visconti la stav\u00e0 ferma<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo In del 1198, i milanes stuff di v\u00e8ssazion di nobil, creen el partii politich intitolaa \u201cCredenza di S. Ambrogio\u201d, ma \u201cpeso el taccon del buso\u201d, avarien ditt i venezian, perch\u00e8 i discordi, invece de fin\u00ec, cressen e fann p\u00e8rd a la nostra repubblica la\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2805","post","type-post","status-publish","format-standard","hentry","category-meneghino"],"yoast_head":"