il milanese usato in questa pagina risale all\u2019inizio del XX\u00b0 secolo<\/p>\n
Lucchin e Giovann Visconti gh\u2019aveven donca el governo de Milan, ma chii propi verament tegneva in man i reden l\u2019era el Lucchin. Giovann, essend staa faa Arciv\u00e8scov de Milan dopo v\u00e8ss staa v\u00e8scov de Novara, el lassava fa tutt al frad\u00e8ll, el qual l\u2019era jndifferent, vizios, e la soa manera de viv l\u2019aveva nauseaa i milanes fina al ponto che aveven tentaa… coi b\u00e8i maner de spedill al mond de l\u00e0.
\nLa congiura, per ved\u00e8 de desfesciass del Lucchin, l\u2019era capitanada da Franc\u00e8sch Pust\u00e8rla, che\u2019l gh\u2019aveva i so bon reson de av\u00e8ghela su a mort cont Lucchino. Fatalitaa voeur che\u2019l Viscont 1\u2019av\u00e8ss de scopr\u00ec la congiura e tucc i congiuraa hann dovuu lassagh la p\u00e8ll.
\nE l\u2019\u00e8 staa precisament in del 1341 che g\u2019hann tajaa via el coo a
\nFranc\u00e8sch Pust\u00e8rla, ai so duu fioeu e a soa miee Margherita
\nVisconti, cusina de Lucchin e per conseguenza anca de Giovann. Gh\u2019\u00e8 chii sosten che a sping el Pust\u00e8rla a m\u00e8ttes a la t\u00e8sta de la congiura per fa mazz\u00e0 Lucchin, la sia stada la miee per ambizion, ma gh\u2019\u00e8 anca chii assicura che\u2019l sia staa per vendic\u00e0 el so onor minacciaa da Lucchin che\u2019l ghe faseva el broccol e de malad\u00e8tt alla miee. Bisogna per\u00f2 convegni che dopo la scop\u00e8rta de la congiura, Lucchin l\u2019\u00e8 staa ciappaa da on fio fio, volgarmente detto spaghetto, che le faseva cammin\u00e0 ben drizz e l\u2019era diventaa anca benefich. E guardee che hinn minga stori perch\u00e8 quand \u00e8 vegnuu qu\u00e8ll\u2019orrenda p\u00e8stilenza in del 1348, lu l\u2019ha savuu salv\u00e0 Milan, e poeu l\u2019ha daa svilupp al commercio e a tanti alter b\u00e8i robb. Ma savii el proverbi: Che el loff el p\u00e8rd el pel ma mai el vizi, per conseguenza l\u2019ha comenciaa a odi\u00e0 i so trii nevod Matteo, Bernab\u00f2 e Galeazz, per el motivo che je credeva anca lor complici in la congiura del Pust\u00e8rla, ma de proeuv ghe n\u2019era no, e malgrado qu\u00e8st, dopo quattr\u2019ann, essend aument\u00e0a in lu la diffidenza, l\u2019ha pensaa ben de esiliai. La soa mierina cara, che l\u2019era Isab\u00e8lla del Fieschi de G\u00e8nova, on ann prima la gh\u2019avuu el caprizzi de and\u00e0 a Venezia per ved\u00e8 la gesa de S. March.
\nE fina chi’ nient de mal. L\u2019\u00e8 vera o no? Ma l\u2019\u00e8 ben che l\u2019\u00e8 andada cont on tal corteo che ghe l\u2019avaria nanca avuu on\u2019Imperatrice e, stand a qu\u00e8ll che se diseva, par che i damm e i cavalier del seguit n\u2019abbien faa d\u2019ogni \u00e8rba on fass e che anca la sciora Isab\u00e8lla la sia minga stada indree. La roba la gh\u2019\u00e8 andada a or\u00e8ggia al Lucchin che l\u2019ha daa foeura com\u00e8 on arian, minacciand de malad\u00e8tt la dolce met\u00e0. L\u2019Isab\u00e8lla, per la maronada, ghe s\u2019\u00e8 incominciaa a strenges quaicoss e prusmand che\u2019l mari per vendicass l\u2019avaria poduu anca fagh, la p\u00e8ll, ghe s\u00e8ccava on ciccin e a furia de pens\u00e0 e ripens\u00e0… la de av\u00e8 conclus che puttost de lee, el saria staa m\u00e8i che la p\u00e8ll ghe l\u2019av\u00e8ss fada a lu. E difatti, senza di n\u00e8 vun n\u00e8 duu, l\u2019ha pensaa ben de avvelenall. Insc\u00ec Lucchin el moeur a cinquantas\u00e8tt ann in del 1349… avvelenaa da la soa dolce met\u00e0. \u00c8 r\u00e8staa sol a govern\u00e0 el,frad\u00e8ll Giovann che, a onor del ver, l\u2019\u00e8 staa el segond e l\u2019ultim bon princip ‘de la famiglia di Viscont. El comencia a fa torn\u00e0 indree i nevod che Lucchin l\u2019aveva esiliaa e ci\u00f2e:
\nMatteo II\u00b0, Galeazzo II\u00b0 e Bernab\u00f2. L\u2019ha stabilii che a la soa mort el domini el passass minga dom\u00e0 ai so trii nevod, ma a tutt i mas\u2019c discendent per linea legittima da Matteo I\u00b0. Dopo l\u2019ha pensaa anca a liber\u00e0 Lodrisio e i so fioeu ch\u2019eren in preson a S.
\nColomban. Per rinforz\u00e0 la casa Visconti cont del b\u00e8ll parentori el ghe d\u00e0 per miee a Bernab\u00f2, Regina de la Scala, al Galeazz,
\nBianca de Savoja e a Matteo ona Gonzaga.\u00a0 Coi danee di pover milanes che moriven soffegaa dal pes di gab\u00e8ll, l\u2019ha compraa Bologna perch\u00e8, a quanto par, allora se comprava i cittaa come and\u00e0 a compr\u00e0 on polaster al mercaa e siccome per ambizion el ghe stava indree a nissun, el g\u2019ha faa gu\u00e8rra ai Venezian, ai Carrares, ai Scaligeri, ai Estensi e ai Gonzaga. Insomma, basta di che l\u2019\u00e8 riussii, dal port de Genova, a spieg\u00e0 sul mar, per la prima volta, el Bisson destand invidia e paura ai alter princip d\u2019Italia. L\u2019ha poeu tentaa de fa rappacific\u00e0 i d\u00f2 repubblich, qu\u00e8lla de Genova e qu\u00e8lla de Venezia mandand, come ambasciator dal Doge Andrea Dandolo, nientemen che\u2019l Petrarca, ma \u00e8 staa conclus nagotta. Allora la flotta de Genova ghe la fada di a qu\u00e8lla de Venezia che l\u2019aveva tentaa de abbass\u00e0 el Bisson che, come gi\u00e0 tucc s\u00e8mm, l\u2019era el st\u00e8mma Visconteo.
\nGiovann Viscont l\u2019ha poduu god pocch de la vittoria perch\u00e8 l\u2019\u00e8 mort in del 1354 lassand la Signoria ai trii nevod, che se l\u2019hann divisa insc\u00ec: al Matteo, che l\u2019era el primm, gh\u2019\u00e8 toccaa: Lod, Piacenza,
\nParma, Bologna e Bobbi; a Bernab\u00f2: Bergom, Brescia, Crema e Cremona; e a Galeazz: Comm, Novara, Vercelli, Asti, Alba, Alessandria e Tortona.
\nMilan e Genova eren per\u00f2 sogg\u00e8tt a tucc e trii, staa riconossuu vicari imperiali da Carlo IX\u00b0 incoronaa a Milan, da dove per\u00f2 l\u2019\u00e8 filaa pussee che impr\u00e8ssa per el spavent che l\u2019ha ciappaa quand l\u2019ha vist l\u2019enorme milizia di Viscont. Se av\u00e8gh on soci l\u2019\u00e8 gi\u00e0 ona roba difficil and\u00e0 d\u2019accord, disi poeu mi av\u00e8ghen duu! Per conseguenza el triumvirato l\u2019\u00e8 duraa pocch. Matteo l\u2019ha comenciaa a p\u00e8rd Bologna che la gh\u2019\u00e8 andada in di man a Giovanni
\nVisconti da Oleggio. Matteo el gh\u2019era on poo in sui crost a Galeazzo II\u00b0
\ned a Bernab\u00f2, e siccome, salvo eccezion, l\u2019\u00e8 giust el prov\u00e8rbi: amor de frad\u00e8ll amor de cort\u00e8ll, lor, da buoni fratelli, eren pront a mazzass vun cont l\u2019alter. Matteo el moeur on ann dopo a Monza, e cio\u00e8 el vintinoeuv Settember 1355. Se la vita scioperada che\u2019l faseva Matteo l\u2019\u00e8 stada la causa de la soa mort, se p\u00f2 per\u00f2 minga esclud che i so duu frad\u00e8i, semper per el gran ben che se vorreven, l\u2019abbien \u00e0juta\u00e0 and\u00e0 al mond de l\u00e0 cont del vel\u00e8n. L\u2019era forsi ancam\u00f2 cald el Matteo, che i alter duu s\u2019hinn divis subit l\u2019ereditaa. A Bernab\u00f2 gh\u2019\u00e8 toccaa:
\nBergom, Brescia, Cremona, Lod, Cr\u00e8ma, Soncin, Valcamonica, la Riviera del Garda i cast\u00e8i de Caravagg e Vaprio; a Galeazz inveci: Comm,
\nAlessandria, Tortona, Vigeven, Asti, Bobbi, Piacenza, Monza e col temp anca Pavia. \u00c8 r\u00e8staa ancam\u00f2 in societaa Genova e Milan.
\nGenova, per\u00f2, ghe l\u2019hann avuda per pocch, perch\u00e8 i genoves, che di Viscont ghe n\u2019 aveven pien i scatol, s\u2019hinn rib\u00e8llaa e hann elegiuu a Doge Simon Boccanegra. I Viscont, credendes i padron del mond, vorreven fagh gu\u00e8rra a tucc, insc\u00ec i hann ciappaa su a Pavia difesa dal Marches del Monferraa, dal Conte Lando, che l\u2019era el capp d\u2019ona banda de masnadieri e da la grand\u2019eloquenza del fraa Jacopo Bussolari che, pover diavol, l\u2019ha finii su\u2019l patibol. In quattr\u2019ann la cittaa l\u2019\u00e8 stada ciappada e p\u00e8rsa quatter volt, fina che el Lando e i Beccaria, padron de m\u00e8zz Pavia, s\u2019hinn lassaa corromp dai palanch e Galeazz el se s\u00e8tta gi\u00f2 de padron in del 1357. App\u00e8na in poss\u00e8ss de Pavia, Galeazz el compra, l\u2019\u00e8 la parola, la man de Isab\u00e8lla per so fioeu, tosa del Re de Francia, Giovanni II\u00b0 di Valois, che\u2019l ghe d\u00e0 in dota la Contea di Vertus in Sciampagna e al g\u00e8ner
\nGian Galeazzo el ghe assegna el titol de Conte di Virt\u00f9. Galeazz, per non p\u00e8rd l\u2019abitudin, l\u2019era semper in gu\u00e8rra cont tucc e specialment cont el Marches del Monferraa, mandand insc\u00ec in ruvina la Lombardia. Basta di che in voeuna de stii gu\u00e8rr, el Marches del
\nMonferraa l\u2019aveva miss al soldo la cos\u00ec d\u00e8tta \u201cCompagnia
\nBianca\u201d, composta da masnadier ingles, normanni, borgognoni, ted\u00e8sch e spagnoeu che dove toccaven taccaven, come se dis, portand de per tutt strage, devastazion e la p\u00e8stilenza per gionta e hinn ming\u00e0 ball, perch\u00e8 in del 1361, dom\u00e0 Milan l\u2019ha sott\u00e8rraa la bell\u00e8zza de settantases\u00a0 mila mort. St\u2019ultima gu\u00e8rra l\u2019\u00e8 finida in del 1364 per v\u00e8sses miss de m\u00e8zz l\u2019Imperator
\nCarlo IV\u00b0 e i Re de Ungheria e de Francia. Pandolfo Malatesta, Lucchino
\nDal Verme, Giovanni Caimi e l\u2019ingles Aucud eren i capitani de ventura al soldo de Galeazz.\u00a0 Se Galeazz l\u2019era on tiranno, on omm senza coeur, capace de tutt fasend soffr\u00ec i pover milanes cont el soffegai de tass e gab\u00e8ll per pod\u00e8 fa su palanch, Bernab\u00f2 l\u2019era el so d\u00e8gn frad\u00e8ll. Intanta che a Milan regnava la p\u00e8stilenza, lu se ne stava tranquill come on papa in del so cast\u00e8ll de Marignano.
\nOn b\u00e8ll d\u00ec andand a caccia, el troeuva su\u2019l pont del Lamber duu fraa mandaa dal Papa el qual, giustament, ghe l\u2019aveva su cont i duu
\nViscont e cont Bernab\u00f2 pussee amm\u00f2, per tutt i infamitaa che comm\u00e8tteven. I duu fraa el fermen, e ghe consegnen la pergamena che\u2019l Papa el ghe indirizzava. Bernab\u00f2 el ghe d\u00e0 ona oggiada e vist i rimprover e i minacc de Innocenzo VI\u00b0 el se volta ai duu pover fraa cont c\u00e8rti oeucc e ona faccia de fa paura, el ghe domanda, mostrandegh la pergamena, se gh\u2019 aveven famm, e l\u2019acqua del Lamber se gh\u2019aveven set! Per falla curta, ve disaroo che quij pover duu fraa hann dovuu, se vorreven minga fin\u00ec in del Lamber, mangiass la pergamena, la bolla de\u2019piomb che gh\u2019era taccaa e anca i so duu bravi cordonitt de seda che la tegneven ligada. Vun de quij fraa, l\u2019era Guglielmo da Grimvaldo de Marsiglia, staa poeu faa Papa, cont el nomm de Urbano V\u00b0. Se p\u00f2 immaginass, come l\u2019infamia de Bernab\u00f2, se l\u2019av\u00e8ss ligada al dit. Se capiss come c\u00e8rti robb se poda minga perdonai nanca v\u00e8ss Papa. Galeazz, semper per acquistass… simpatia e benevolenza, je pensava de nott per fai del d\u00ec, infatti l\u2019ha creduu ben de invent\u00e0 on supplizi noeuv tant per tegn\u00ec su on poo allegher la gent, ciamaa poeu: Quaresima de Galeazz. Credi che infamia,pusse\u00e8 de qu\u00e8sta l\u2019avaria minga poduu pens\u00e0 el peggior tiranno. L\u2019era on supplizi che’ durava quaranta d\u00ec… e scusee se l\u2019\u00e8 pocch. El primm d\u00ec se ghe dava al condanaa cinqu c\u00f2lp de corda, el segond d\u00ec el se lassava ripos\u00e0, per pod\u00e8, al t\u00e8rz, tajagh via i or\u00e8gg, on alter d\u00ec se ghe cavava on oeucc, el d\u00ec dopo l\u2019alter, poeu se ghe tajava la man d\u00e8stra, dopo la sinistra e via via per quaranta d\u00ec. Roba addirittura de fa vegn\u00ec su la p\u00e8ll d\u2019oca. Se Dio voeur Galeazz el cr\u00e8ppa el quatter
\nAgost del 1378 in del cast\u00e8ll de Pavia. Sper\u00e8mm che\u2019l Signor ghi abbia faa pag\u00e0 tucc carna salada. Per\u00f2 Pavia la ghe dev al gran interessament de Galeazz se l\u2019ha ottegnuu da l\u2019Imperator Carlo
\nIV\u00b0 on diploma in data tredes April 1361 col qual se creaven, oltra a qu\u00e8lla de Diritto che ghe l\u2019aveva gi\u00e0, alter Facolt\u00e0 noeuv e per l\u2019Universitaa de Pavia, stada fondada in del 825 da Re Lotario, l\u2019era minga ona roba de nagotta. L\u2019era la vita d\u2019ona cittaa perch\u00e8
\nGaleazz l\u2019aveva miss l\u2019obbligh a tucc i student del so domini che i studi dov\u00e8ssen fai a P\u00e0via.<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo Lucchin e Giovann Visconti gh\u2019aveven donca el governo de Milan, ma chii propi verament tegneva in man i reden l\u2019era el Lucchin. Giovann, essend staa faa Arciv\u00e8scov de Milan dopo v\u00e8ss staa v\u00e8scov de Novara, el lassava fa tutt al frad\u00e8ll, el qual l\u2019era\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2807","post","type-post","status-publish","format-standard","hentry","category-meneghino"],"yoast_head":"