il milanese usato in questa pagina risale all\u2019inizio del XX\u00b0 secolo<\/p>\n
\u00a0Mort Ottone, Matteo, che di sostanz e de la potenza che l\u2019aveva ereditaa dal zio, ghe n\u2019aveva minga assee, el pensa de fa spos\u00e0 so fioeu Galeazz cont la sor\u00e8lla del merches d\u2019Este, Beatrice, che, fra parentesi, l\u2019era la vedova d\u2019on nevod del famoso conte Ugolino, mort de famm nella muda de Pisa. Magnifica l\u2019\u00e8 stada l\u2019entrada in Milan de Beatrice d\u2019Este, sposa al Geleazz. Dusent giovinotti de la nobilt\u00e0, ins\u00e8mma a tanti uomini d\u2019armi e ai ambasciator di cittaa sogg\u00e8tt ai Viscont, ghe faseven scorta d\u2019onor. Beatrice l\u2019\u00e8 entrada in Milan sotta on gran balducchin e s\u00e8ttada su on cavall tutt quattaa de scarlatt, che allora l\u2019era minga on color sovversiv. Intanta che la se avviava al palazz del Brol\u00e8tt v\u00e8gg, dove stava de c\u00e0
\nMatteo, gh\u2019era gioster e torn\u00e8i, per tegnilla su allegra. Parl\u00e8mm poeu no del disn\u00e0 de spos! Bocca cosa te voeuret! I invidaa eren… dom\u00e0 mila e a ognidun gh\u2019\u00e8 staa regalaa on vestii e minga c\u00e8rt de lan\u00e8tta n\u00e8 de cotonina. Per vott d\u00ec l\u2019\u00e8 staa… ca Litta in Borgh, come se dis. E qu\u00e8st el succedeva nel 1300. Matteo, forsi istigaa da Galeazz, el se d\u00e0 a di gu\u00e8rr inutil e rovinos nel territori de Novara e Pavia. Intanta a Cremona gh\u2019era l\u00e0 in armi, aspettant el momentin bon de saltagh adoss ai Viscont, i Torriani Erecco, Martin e Guido. El moment tanto desideraa el ven, la sommossa la s\u2019cioppa a Milan nel d\u00ec st\u00e8ss che i Torrian vegnen a Lodi e a Matteo non ghe r\u00e8sta che fa quij b\u00e8i gamb\u00e8tt.
\nEl fila a Nogarola, su\u2019l mantovan, e Galeazz, cont le miee e i fradei, el va a Ferrara e Guido Torriani el ven acclamaa dai milanes capitani del popol. Guido, che\u2019l podeva corr a Nogarola e desfass del Matteo che l\u2019era l\u00e0 senza soldaa e senza danee, se ne guarda ben, ma dopo quattr\u2019ann el g\u2019ha de pentiss e amarament de la soa lealtaa.\u00a0 Tutt stii robb ghe impedissen minga per\u00f2 a Francesco Petrarca de nass a Ar\u00e8zzo in del 1304. In del 1310 ven in Italia el Re tedesch Enrico VII\u00b0, cont di ottim intenzion e cio\u00e8, qu\u00e8ll de m\u00e8tt on poo de paas fra i cittaa visin, passandegh su ai Guelfi e ai Ghibellin. El prog\u00e8tt l\u2019\u00e8 b\u00e8ll, ma el pussee l\u2019\u00e8 qu\u00e8ll de pod\u00e8 riuss\u00ec a m\u00e8ttel in pratica.\u00a0 Per\u00f2 tanti speraven in la riussida e, fra qu\u00e8sti, Dante Alighieri che l\u2019era vegnuu a
\nMilan apposta da Firenze per salud\u00e0 el Re. El Re Enrico, per\u00f2, el gh\u2019eveva on\u2019altra mira. Siccome lu el gh\u2019aveva avuu la corona argentea in Germania el vorreva v\u00e8gh, a Milan, qu\u00e8lla ferrea e a Roma qu\u00e8lla aurea de l\u2019Impero. De gi\u00e0 che l\u2019era adree… el cercava de v\u00e8gh tucc i tr\u00e8 i coronn! El vorreva fa ona spesa sola insomma. Ai milanes, bisogna d\u00ec la veritaa, qu\u00e8ll Re tedesch l\u00ec, dopo tanto temp che ne\u00a0 vedeven p\u00f9, el ghe d\u00e0 sui n\u00e8rv e speciaiment a Guido Della Torre che\u2019l prusmava che\u2019l vegn\u00e8ss chi.. a rompegh i oeuv in del cavagnoeu. Matteo invece, che l\u2019era on filon, el cerca de pel\u00e0 la gaina senza falla cri\u00e0, el ven a Milan app\u00e8na entraa Enrico el qual, pur savend de v\u00e8ss on poo sui crost ai milanes, se ne impipa de l\u2019Olanda, e in principi del
\n1311 el se fa incoron\u00e0, cont soa miee, in S. Ambroeus; Oltre che
\nEnrico l\u2019era vegnuu gi\u00f2 a mongiom, bisognava fagh anca on regall, perch\u00e8 insc\u00ec se usava, e lu c\u00e8rt el vorreva minga rinunciagh e per paura che\u2019l vegn\u00e8ss minga… spontani, el manda al Consilii on so minister cont el so bravo nodar a domandagh cosa pensaven de regalagh. Ven stabilii on regall de cinquanta mila fiorin d\u2019or e subit el nodar l\u2019ha ciappaa nota. S\u00e8 sa… carta canta e villan dorme!
\nQu\u00e8ll margnifon de Matteo Visconti che a Re Enrico el vorreva andagh in la manega a tutt i costi, el dis che se podeva minga lass\u00e0 senza on regall la Regina e siccome i danee hinn minga so, ma de l\u2019eterno pantalon, el ghe fa d\u00e0 des mila fiorin anca e le\u00e8. Guido Delle Torre, che\u2019l bujva, el p\u00f2 p\u00f9 sta in la p\u00e8l e, cont on\u2019aria de toeu in gir, el ghe dis a Matteo perch\u00e8 l\u2019ha minga propost de fa cifra tonda e daghen cent mila adrittura.El nodar el sent a d\u00ec cent mila, el marca cent e lassa che la vaga e ghe nanca staa pinco che sia staa bon de fagh cambi\u00e0 la cifra. Milan l\u2019ha dovuu poeu pag\u00e0 i cent mila fiorin d\u2019or, vun dessora via de l\u2019alter!\u00a0 La roba, come se podeva sp\u00e8ttasela, la fa nass on malumor d\u2019inferno. I soldaa tedesch se m\u00e8tten a saccheggi\u00e0, i Della Torre; vegnen bandii per semper, me el mal l\u2019\u00e8 che el Re el comencia a fidass minga nanca di Viscont e je manda via anca lor,\u00a0 ma la soa lontananza l\u2019\u00e8 durada pocch. Bisogna tegn\u00ec present che Matteo Visconti, quantunque v\u00e8gg, l\u2019era fina andaa a Asti da Enrico VII\u00b0 a dichiarass ghibellin riussend poeu a strappagh foeura di man el vicariaa de Milan per lu e qu\u00e8ll de Piacenza per so fioeu Galeazz, sbattend a mar insc\u00ec el pover
\nGuido Torriani che l\u2019ha dovuu scapp\u00e0 a Cremona dove l\u2019\u00e8 poeu mort de cr\u00e8ppacoeur. El modo de ag\u00ec del scior Matteo Viscont l\u2019\u00e8 minga c\u00e8rt d\u00e8gn de stima e se capiss propi no perch\u00e8 gh\u2019av\u00e8ssen daa el soranomm de Magno. Ma anca per el scior Matteo ghe se prepara minga c\u00e8rt di d\u00ec de gioia. So fradell Marco, so cusin Lodrisio e Simone Crivello, ambizios puss\u00e8e del bisogn, me l\u2019ingolfen denter in d\u2019ona lotta pi\u00e8na de pericol.
\nStracch, finalment, el se riduss in d\u2019ona c\u00e8lla del convent de Crescenzagh e l\u00e0 el rend l\u2019anima a Dio, minga prima per\u00f2 de av\u00e8 istigaa i so quatter fioeu Marco, Stefano, Lucchino e Giovanni Arciv\u00e8scov, contra i avversari coi quai ghe l\u2019aveva a mort. Qu\u00e8st el succed in del 1322. Per stagh adree a Matteo in tucc i so b\u00e8i robb, sont andaa in oca de di che in del 1313 \u00e8 nassuu a Paris Giovanni Boccaccio, fioeu d\u2019on mercant fiorentin. Tutti, o pocch o tant, el conossom per av\u00e8 leggiuu i so nov\u00e8ll… oppur per av\u00e8ll sentii… in oper\u00e8tta che l\u2019\u00e8 per\u00f2 minga la st\u00e8ssa roba. S\u00e8mm semper in piena gu\u00e8rra. Galeazz, a mal partii, l\u2019invoca l\u2019ajutt de Lodovico il Bavero e l\u2019otten podend insc\u00ec tegn\u00ec dur e batt i soldaa del Papa che assediaven Mil\u00e0n, i quai alla fin, hann dovuu ritirass a Monza, dove Galeazz je distrug. Dato poeu el b\u00e8ll caratterin de
\nGaleazz, se p\u00f2 immagin\u00e0 cosa ghe ne fa pass\u00e0 ai monsciasch.
\nA dimostr\u00e0 la soa gran bontaa d\u2019anim basten i orribil preson che l\u2019ha faa costru\u00ec in la torr de Monza, ciamaa el Forno. Ma el Signor l\u2019\u00e8 giust perch\u00e8 Galeazz st\u00e8ss, de quij preson, l\u2019\u00e8 staa costr\u00e8tt a sentighen el savor. Lodovico el Bavero el ven a
\nMilan e chi el se fa incoron\u00e0; intanta el frad\u00e8ll de Galeazz.
\nMarco, e so cusin, Lodrisio Visconti, ambizios de fa part del Governo, ghe m\u00e8tten al Bavaro de cattiv oeucc Galeazz. Lodovico, senza tanti compliment, el fa m\u00e8tt in del Forno de Monza Galeazz coi fioeu e duu frad\u00e8i. E qu\u00e8st in del 1327. Castruccio Antelmelli, Signore di Lucca, l\u2019interced per Galeazz, pregea da Marco, che\u2019l s\u2019era pentii de av\u00e8ll faa m\u00e8tt in del Forno, anca perch\u00e8 a lu el gh\u2019aveva portaa nissun vantagg e la libertaa la ghe ven conc\u00e8ssa. App\u00e8na
\nGaleazz el ved el s\u00f2, el se m\u00e8tt sotta la bandera del so benefattor e el va a Pescia dove i disagi, i rimors e i dispies\u00e8 ghe procuren la mort a cinquantun ann in del 1328. Mort Galeazz se fa viv so fioeu Azzone che, ghe tegni subit a di, che l\u2019era on bon princip nel vero sens de la parola. Conossuu el debol lu l\u2019ha savuu tant a fa, on poo coi b\u00e8i maner e on poo coi palanch, a conquistass i simpatij de
\nLodovico che\u2019l g\u2019ha daa el vicariaa de Milan e de Monza. Ma in del 1330 el se dim\u00e8tt de vicari imperial per qu\u00e8ll de Signore Generale de Milan e dopo el s\u2019\u00e8 vist, padron de Vercelli, Bergom, Cremona,
\nLod, Vigeven, Piacenza, Brescia e metaa Pavia. Intanta per\u00f2 l\u2019er\u00e0 andaa in rotta cont Lodovico per c\u00e8rti leg che a lu ghe andaven no. Azzone l\u2019aveva introdott ona polizia e on ordin che fin allora se saveva nanca cosa eren. Lu l\u2019\u00e8 staa l\u2019unich di Viscont che se dichiarass vero Sovrano e che\u2019l battess moneda cont el so nomm. Ven poeu trovaa mort so zio Marco e se sa minga in che manera.\u00a0 Azzone el fa costru\u00ec ona noeuva cinta a la cittaa, el sposa Caterina, tosa del cont de Savoja, el se uniss ai alter princip per fren\u00e0 l\u2019ambizion de Giovanni de
\nBoemia, el se impadroniss de div\u00e8rs cittaa tra i quai qu\u00e8lla de Br\u00e8scia, che l\u2019era stada tolta a Martino della Scala el qual a Azzone el manda contra Lodrisio Visconti cont i Scaligeri e ona quantitaa de avventurier e farabutt che minaccen Milan da la part de Parabiagh. Par che la vittoria la sorride e Lodrisio, ma tresent savojardi v\u00e8gnen come el formagg sui maccaron a sconfig Lodrisio e compagnia b\u00e8lla, propi in del moment che staven fasend man bassa. Lucchino Visconti, che l\u2019era cont Lodrisio, el ven faa presonee e ligaa a ona pianta de nos, e dopo de lu ven faa presonee Lodrisio e duu di so fioeu. Bisogna confess\u00e0 che l\u2019era tanto poca la speranza de veng, che la vittoria l\u2019hann ciamada on miracol de S. Ambroeus, anzi gh\u2019\u00e8 staa chii sostegneva de av\u00e8 vist el Sant che batteva i barbari e tal e tanta l\u2019era sta convinzion che a qu\u00e8ll post hann fabbricaa ona gesa a lu dedicada. Azzone l\u2019avaria poduu inciodai tucc quij car so parent che l\u2019aveven tradii, ma lu, de anim bon e generos, el ghe d\u00e0 a tucc la libertaa. Lodrisio sol, cagion de tutt el mal, el scunta per tanti ann el so delitt in d\u2019ona torr del
\nCast\u00e8ll de S. Colomban. Azzone l\u2019era la delizia di milanes e quand l\u2019\u00e8 mort, gioven, perch\u00e8 se gh\u2019\u00e8 ona persona bona al mond la moeur pr\u00e8st, tucc l\u2019hann sincerament piangiuu. Mort a trentas\u00e8tt ann, in del 1339, quand inveci per Milan gh\u2019era bisogn che\u2019l scampass almen cent!\u00a0 Durant el so breve regno l\u2019ha faa tanti b\u00e8i robb come, per esempi, el pont de L\u00e8cch, l\u2019arcada de
\nS. Peder martir in S. Eustorg e la faa rifabbric\u00e0 la soa residenza che non l\u2019\u00e8 alter che l\u2019attual Palazz Real e i stanz i ha vorsuu pitturaa, par, da Giotto. Siccome Azzone el gh\u2019aveva minga de fioeu, ven nominaa al so post i zij Giovann e Lucchin Visconti, duu bon anca lor de fa tossich, come se dis in bon milanes, ma specialment el second.<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo \u00a0Mort Ottone, Matteo, che di sostanz e de la potenza che l\u2019aveva ereditaa dal zio, ghe n\u2019aveva minga assee, el pensa de fa spos\u00e0 so fioeu Galeazz cont la sor\u00e8lla del merches d\u2019Este, Beatrice, che, fra parentesi, l\u2019era la vedova d\u2019on nevod del famoso\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2808","post","type-post","status-publish","format-standard","hentry","category-meneghino"],"yoast_head":"