il milanese usato in questa pagina risale all\u2019inizio del XX\u00b0 secolo<\/p>\n
S\u00e8mm donca in del 1002 e precisament al vintitrii de Gennar e l\u2019\u00e8 propi qu\u00e8ll d\u00ec che moeur Ottone III\u00b0. Siccome.. il milanese usato in questa pagina risale all\u2019inizio del XX\u00b0 secolo S\u00e8mm donca in del 1002 e precisament al vintitrii de Gennar e l\u2019\u00e8 propi qu\u00e8ll d\u00ec che moeur Ottone III\u00b0. Siccome.. \u201cmort el Re evviva el Re\u201d, ven incoronaa Re d\u2019Italia, Arduino, marches d\u2019Ivrea. Ma pur tropp in su\u2019l trono el ghe sta pocch,\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2809","post","type-post","status-publish","format-standard","hentry","category-meneghino"],"yoast_head":"
\n\u201cmort el Re evviva el Re\u201d, ven incoronaa Re d\u2019Italia, Arduino, marches d\u2019Ivrea. Ma pur tropp in su\u2019l trono el ghe sta pocch, perch\u00e8 in del 1004, Enrico, Imperator de Germania, el ven in Italia, el manda coi g\u00e0mb a l\u2019aria Arduino e da la Dieta de Pavia el se fa proclam\u00e0
\nRe d\u2019Italia cont el titol di Enrico I\u00b0. Subit el ten on parlament a
\nPontelungo, che l\u2019\u00e8 on paes tra Pavia e Milan, e l\u00e0 el ricev el giurament di Lombard. Ma purtropp s\u00e8tt mes dopo Milan el g\u2019ha ona visita inasp\u00e8ttada e minga c\u00e8rt desiderada: la p\u00e8ste cont tutt i so b\u00e8i amenicoi. In del 1008, l\u2019Arciv\u00e8scov Arnolfo, faa dopo la mort dell\u2019Arciv\u00e8scov Guidone, e cio\u00e8 in del 998, el tira apr\u00e8ss on c\u00e8rto numer de gent armada, la porta a
\nAsti contra el V\u00e8scov Olderico e le m\u00e8na a Milan presonee.
\nAnca Enrico I\u00b0 el fa lavor\u00e0 la z\u00e8cca battend moneda d\u2019argent cont le leggende: Mediolanum – Henricus rex e i cos\u00ec detti ottolini finissen de v\u00e8gh cors regolar. Des ann dopo moeur l\u2019Arciv\u00e8scov Arnolfo e al so post ven el\u00e8tt
\nAriberto da Intimiano. In del 1025, Aribert el fa ona scappada a Costanza a trov\u00e0 Corrado il Salico, cont l\u2019intenzion de riconossel Re d\u2019Italia.
\nDopo duu ann, Aribert, el voerr imponegh a Lod on prelato de so gust, ma che i lodesan el voeuren nanca rostii cont i scigoli, come se dis; str\u00e8tta la citt\u00e0a d\u2019assedi Lod ghe tocca ced, purtropp, ma in del coeur di lodesan c\u00f2va on odi terribil e g\u2019hann minga tort. Corrado il
\nSalico el ven incoronaa Re in del 1028. In del 1030 Benedetto Ronzone e
\nFerlenda, soa miee, fonden la gesa de la S. Trinit\u00e0, incoeu S. Sepolcher.
\nCorrado el fa la soa entrada a Milan dom\u00e0 in del 1037, ma per la veritaa i milanes g\u2019hann minga faa troppa b\u00e8lla cera.\u00a0 Allora lu, per riconoscenza, el fa presonee e port\u00e0 a Piacenza l\u2019Arciv\u00e8scov
\nAribert el qual, dopo duu mes, cont on strattag\u00e8mma el ri\u00e8ss a scapp\u00e0 de preson e torn\u00e0 a Milan, dove el ven ricevuu a brasc av\u00e8rt, ma i milanes g\u2019hann una paura malarb\u00e8tta de
\nCorrado e impienissen de monizion i cent torr che circondaven la cittaa.
\nVattafarti!… Corrado.. se le m\u00e8tt minga in saccoccia, el se porta cont on es\u00e8rcit in vicinanza de Milan, tra Porta Cines e Porta Romana, ma i milanes fann prodigi de valor, specialment on c\u00e8rto Eriprandi
\nVisconti. Corrado, vist che gh\u2019\u00e8 p\u00f9 nient de fa, el se ritira pussee che a la sv\u00e8lta sotta Corb\u00e8tta e l\u2019assedia el cast\u00e8ll de proprietaa dell\u2019Arciv\u00e8scov Aribert. Corrado, podend minga batt el cavall el batt la s\u00e8lla.Papa Benedetto IX\u00b0, che me dispias a dill, l\u2019\u00e8 de scandalosa memoria, istigaa da Corrado, el scomunica
\nAribert, ma a lu ghe fa come Rosina; el sona a raccolta e l\u2019inventa el
\nCarroccio del qual parlaroo pussee avanti. El trii de Giugn del 1039 Corrado el moeur e i milanes riacquisten la paas e la tranquillitaa e qu\u00e8i gh\u2019\u00e8 minga danee che je paga. In l\u2019ist\u00e8ss ann se fonda la gesa de S. Giovann sul Mur. Ma la tranquillitaa l\u2019\u00e8 de poca durada perch\u00e8 trii ann dopo s\u2019cioppa la gu\u00e8rra civii. I milanes hinn stuff dei giogo che je costring a servit\u00f9 e ri\u00e8ssen a mand\u00e0 via i nobil e anca l\u2019Arciv\u00e8scov, ma qu\u00e8sti troeuven di mercenari e strengen d\u2019assedi Milan e i continov scaramocc duren la bell\u00e8zza de trii ann. On c\u00e8rto Lanzone, nodar e giudes del sacro palazzo che l\u2019aveva biasimaa i nobil dandengh reson al popol, el ven, dal popol st\u00e8ss, acclamaa come capp. Perch\u00e8 i assediaa pod\u00e8ssen resist a longo, la cittaa la ven divisa in ses rion che ciappen el nomm di port principai che hinn: la Romana, la Ticinese, la Vercellina, la Comasina, la Nuova e la Oriental. Ven, come m\u00e8sso regio, mand\u00e0a da l\u2019Imperator de Germania, per quanto minga nancam\u00f2 incoronaa Re d\u2019Italia on c\u00e8rto Adelgerio per ved\u00e8 de conclud la paas tra i nobil e el popol, ma gh\u2019\u00e8 nient de fa, perch\u00e8 se vun l\u2019\u00e8 dur, l\u2019alter l\u2019e pussee dur anm\u00f2. In del 1044
\nLanzone, capitani del popol milanes, vist de pod\u00e8 minga seguit\u00e0 a tegn\u00ec t\u00e8sta ai assediant, el se travestiss e el va foeura de la cittaa per and\u00e0 da l\u2019Imperator Enrico. Ricordand per\u00f2 che anca i can m\u00e8nen minga la cova per nient, el ghe porta on bord\u00e8ll de regai de valor. L\u2019accoglienza l\u2019e bona e i prom\u00e8ss hinn tanti, ma ritornand a Milan l\u2019ha d\u2019ave pensaa che fidass \u00e8 bene e fidass no l\u2019\u00e8 mei ancam\u00f2, insc\u00ec el cerca de ottegn\u00ec on abboccament coi nobil che assedien la cittaa e infatti cont lor el sottoscriv i preliminari per la paas. On ann dopo moeur Ariberto e ven nominaa Arciv\u00e8scov
\nGuidone da Velate. Ven poeu a Milan on c\u00e8rto Azzone, che\u2019l d\u00e8rva el so bravo tribunal in nomm de Re Enrico, propi in Cordus, in la c\u00e0 dove stava Arivaldo, giudes de la cittaa. Finalment tucc i cittadin se radunen a consilli general per opera de Lanzone in d\u2019on local che l\u2019era on antico teatro romano, minga de la \u201cSuvini e Zerboni\u201d, propi in faccia a la gesa de S. Vittor al Teater. La paas la ven stabilida definitivament a la Dieta de Roncaglia, president Enrico II\u00b0 de Germania, in del 1055.
\nIn del 1056 moeur Enrico II\u00b0 e va sul trono Enrico III\u00b0 de des ann. Siccome su on Re de qu\u00e8ll\u2019etaa l\u00ec gh\u2019\u00e8 pocch de fa assegnament, Milan el se regg a repubblica. In del 1066 la cronaca la fa cenno diffusament a c\u00e8rti contrad che quai voeuna la gh\u2019\u00e8 ancam\u00f2 incoeu… riveduda e corr\u00e8tta, come qu\u00e8lla di: Spadari, Manganatori, Cappellari, Orefici, Mercanti, Bindellai, Pescheria
\nVecchia, ma ne parlar\u00e8mm a so temp. Causa la scostumat\u00e8zza di pret, Arialdo e Erlembaldo predichen contra a tanta immoralitaa, fasend nass di torbid che duren ona cialada… des ann app\u00e8na. In del 1061 on incendi el distrug la basilica de S. Lorenz e moeur l\u2019Arciv\u00e8scov Guidone; e in del 1073 on alter incendi el distrug la basilica de S. Steven anticament ciamada S. Zaccaria. On t\u00e8rz incendi el distrug anca qu\u00e8lla de S. Tecla, d\u00e8tta estiva, perch\u00e8 a quanto par, allora, gh\u2019era i ges d\u2019estaa e i ges d\u2019inverno. Ven el\u00e8tt Arciv\u00e8scov de
\nMilan Tebaldo castiglione el scisma del qual, per\u00f2, l\u2019\u00e8 mai staa riconossuu da la Curia Romana e insc\u00ec Milan el ven sottopost a lu e interd\u00e8tt. In del 1085 Tebaldo el c\u00e8ssa de viv e ven consacraa Arciv\u00e8scov Anselmo III\u00b0 de Rho. Milan el ri\u00e8ss a sottrass a la dipendenza de l\u2019Impero sotta Enrico IV\u00b0 e V\u00b0 per quanto riguarda i affari governativ e in del 1093 tutt se riconcilia cont la Curia Romana sotta el Papa Urbano II\u00b0. Ven poeu a Milan, come Re d\u2019Italia, Corrado, fioeu d\u2019Enrico de Germania, incoronaa a S. Ambroeus propi da l\u2019Arciv\u00e8scov Anselmo de Rbo che, pover diavol, el moeur el quatter de Dicember e al ses ven faa Arciv\u00e8scov el milanes Arnolfo
\nII\u00b0 che\u2019l g\u2019ha anca lu la malinconia de mor\u00ec dopo quatter ann, per lassagh el post a Anselmo IV\u00b0 da Bovisio. S\u00e8mm in del 1100, in piena repubblica, a la t\u00e8sta de la qual gh\u2019\u00e8 l\u2019Arciv\u00e8scov
\nAnselmo, che\u2019l ciama el consens del popol rappresentaa dai consol, sc\u00e8lt da trii ordin de elettor. I capitani eren i pussee nobil, i valvassori i men nobil e i cittadin eren i pleb\u00e8i. Ottegnuu el consens de quasi cincent mila omen sotta el so comand, qu\u00e8ll del V\u00e8scov de
\nPavia, di duu frad\u00e8i Landolfi, vun prevost de S. Ambroeus e l\u2019alter de San Nazzar e de Alb\u00e8rt cont de Briandate, parten poeu tucc per l\u2019Asia, a la liberazion dei Luoghi Sacri. On ann dopo, in ona battaglia contra i saraceni, l\u2019esercit lombard, tradii da Alessio Comueno, Imperator de Costantinopoli, el ven quasi distrutt e el noster Arciv\u00e8scov el ghe lassa l\u00e0 pell e l\u2019e anm\u00f2 staa assee s\u2019hann poduu dagh d\u00e8gna sepoltura in del monasteri de S. Nicolao in Costantinopoli.
\nArciv\u00e8scov de Milan ven consacraa on c\u00e8rto Grossolano, gi\u00e0 vicari de l\u2019Arciv\u00e8scov Anselmo, ma el dura pocch. In del 1105 prete
\nLiprando l\u2019accusa l\u2019Arciv\u00e8scov Gross\u00f2lan de delitt de simonia e el domanda la proeuva de pass\u00e0 in m\u00e8zz ai fiamm, perch\u00e8 i giudes gh\u2019abbien de v\u00e8ss persuas che l\u2019accusa fada a l\u2019Arciv\u00e8scov l\u2019era vera e la proeuva la ven accordada.\u00a0 Fann su ona catasta de l\u00e8gn su la piazza de S. Ambroeus, longa des brazza e larga quatter, lassandegh per\u00f2 in m\u00e8zz ona specie de busa dove pod\u00e8ss stagh denter in pee on omm. El Liprando v\u00e8stii de pret e tranquill
\n\u2018m\u00e8 on papa, el va in la busa, m\u00e8ttend foeura \u2018el coo e cantarelland
\n\u201cDeus, in nomine tuo salvum me fac…\u201d. Ghe ven daa el foeugh che\u2019l dura per on poo de minut e quand tuce creden che\u2019l sia brostolii se\u2019l veden a vegni foeura tranquill e sorrident senza nanca ona scottatura.. come el fuss staa al bagn. El Papa Pasquale II\u00b0 cont el\u00a0 consilli Lateranense, per quanto abbien dichiaraa che la proeuva l\u2019era minga assee, el Grossolano l\u2019ha poeu dovuu lass\u00e0 el v\u00e8scovaa e and\u00e0 a pellegrin\u00e0 in Terra Santa. Tanti me domandarann in cosa el consist el delitt de simonia.
\nEcco chi. Simone di Samaria, d\u00e8tto il mago, el gh\u2019aveva off\u00e8rt a S. Peder di danee credend de pod\u00e8 compr\u00e0 da lu la potenza di miracol, per conseguenza a tucc qn\u00e8i che tentava de mercanteggi\u00e0 in roba sacra ghe diseven simoniaci. Cosa la voeur di la superstizion!
\nL\u2019ann dopo brusa, per la segonda volta, la gesa de S. Lorenz. Bisogna di, per la verit\u00e0a, che i milanes, semper sott al giogo diria de la schiavit\u00f9, app\u00e8na hann sentii el dolz de l\u2019indipendenza…
\n\u201cvattafarti!…\u201d gh\u2019\u00e8 p\u00f9 bon nissun de tegnij… e voeuren vendicass! Tacchen sotta con Lod, el devasten; assalten Comm, el brusen; la toeujen coi Paves e ghe dann la mastegada a Marcinago; vann contra Cremona e fann presonee el V\u00e8scov Albert. Ma a Lod, a Comm, a Pavia e a
\nCremona, cova el foeugh sotta la s\u00e8nner..\u00a0 e ghe preparen a
\nMilan la soa t\u00e8rza e gran catastrofe. L\u2019\u00e8 inutil nascondel, stavolta i milanes s\u2019hinn creduu i padron del mond e s\u2019hinn lassaa and\u00e0..
\nda la birra. Ma purtropp la pagarann cara e a faghela pag\u00e0 ghe pensar\u00e0..
\nFederico Barbarossa. S\u00e8mm in del 1112 e ven faa Arciv\u00e8scov
\nGiordano da Clivio. I milanes per\u00f2 andaven d\u2019accord come… i tradizionai cann d\u2019orghen e succed lit e question d\u2019inferno tra i partigian de l\u2019Arciv\u00e8scov
\nGiordano e qu\u00e8j de i\u2019Arciv\u00e8scov Grossolano ch\u00e9\u2019l voeur sta in carica a tucc i costi ma, come hoo gi\u00e0 ditt, el dev lass\u00e0 a la fin l\u2019arciv\u00e8scovaa. In del 1116 Giordano el ciama i milanes a raccolta in piazza S. Ambroeus, el minaccia la chiusura di ges e la sospension de tucc i Sacrament se ven minga dichiaraa gu\u00e8rra a mort ai comasch.
\nGiordano el moeur in del 1120 e ven nominaa Arciv\u00e8scov el milanes
\nOlrico. Siccome S. Lorenz el voeur minga p\u00e8rd l\u2019abitudin de brus\u00e0 ogni tant, in del 1124, causa on incendi a Porta Giovia che se estend fina a Porta Cines, la gesa de S. Lorenz la brusa per la t\u00e8rza volta, moeur l\u2019Arciv\u00e8scov Olrico in del 1126 e ven nominaa Arciv\u00e8scov
\nAnselmo V\u00b0 della Pusterla. L\u2019ann adree i milanes, jutaa da la milizia de Asti, Cremona, Piacenza, Parma, Mantova, Ferrara, Bologna, Modena, Vicenza, e, come el fudess minga assee anca de qu\u00e8lla de la Garfagnana, se porten a l\u2019assedi de Comm e, dopo av\u00e8ll battuu tant da la part de t\u00e8rra come da la part del lagh, se impadronissen de la cittaa e la distruggen.\u00a0 E insc\u00ec, se Dio voeur, g\u2019ha fin la gu\u00e8rra di des ann. Ma illud\u00e8mes minga per caritaa!… perch\u00e8 dopo on qnai ann de tregua … se torna peg de prima e la proeuva ghe l\u2019hemm in del 1132, qnand i milanes batten i Paves e ne fann presonee on bord\u00e8ll.
\nIn del 1133, a Milan, gh\u2019\u00e8.. ris e zoccor fra l\u2019Arciv\u00e8scov
\nAns\u00e8lmo che\u2019l Papa l\u2019aveva scomunicaa e i partigian del Papa Innocenzo
\nIII\u00b0. Dopo av\u00e8gh avuu tanti mort e minga pocch ferii, i discordi finissen.. per la mort dell\u2019Arciv\u00e8scov Anselmo. On ann dopo, i cos\u00ec d\u00e8tt Umiliati, che non eren alter che fraa Benedettin, fann su el propi monasteri in del quartier de Brera del Guercio d\u2019Algisio. Lor el fann su ma, a so temp, Barbarossa ghe le trar\u00e0 gi\u00f2. Siccome poeu l\u2019invidia l\u2019\u00e8 mai morta, dis el prov\u00e8rbi, i seguaci de S. Bernard preghen i milanes de tir\u00e0 su di palanch e ri\u00e8ssen a fond\u00e0 anca lor el so bravo monasteri nominaa: S. Maria di Chiaravalle a quatter mi\u00e8tt foeura de Porta Romana. Intanta Roboaldo, v\u00e8scov de Alba, el ven nominaa Arciv\u00e8scov de Milan. E tutt qu\u00e8st in del 1135. L\u2019ann dopo l\u2019Imperator Lotario de Germania, se capiss, el ven in Italia, el se ferma a Mantova dove el raduna ona Di\u00e8ta de lombard che decid in favor di milanes in la controv\u00e8rsia che g\u2019hann coi cremones, ai quai, Lotari, el ghe fa l\u2019obbligh de consegn\u00e0 ai milanes i presonee che tegneven, ma i cremones voeuren minga sav\u00e8ghen.
\nAllora Lotari je m\u00e8tt al bando dichiarandegh gu\u00e8rra. In del
\n1137 i milanes ghe la fann di ai cremones e fann presonee el so v\u00e8scov
\nUberti che, coraggiosament, el se batteva come on moschettier. In del 1141 ven riedificaa la gesa de S. Peder in Sala e duu ann dopo i fraa erigen el campanin che gh\u2019\u00e8 a destra de la basilica de S. Ambroeus. In del 1145 se incomencia a fabbric\u00e0 l\u2019Ospedai del Broglio. Al vintitrii de Dicember moeur l\u2019Arciv\u00e8scov Romualdo e al vintitrii de Gennar, de l\u2019ann dopo, ven el\u00e8tt Arciv\u00e8scov, Obe-to da Pirovano.
\nIn on document che porta la data del vintun Marz 1147, ven citaa, per la prima volta, el corp di \u201cveggion\u201d de la collegiada de S. Giorg al Palazz.
\nFraa Daniele, Umiliato de Brera, el porta da Palermo la industria de la seda e l\u2019\u00e8 la prima volta che la ven introdotta in Lombardia, cio\u00e8 in del 1148. S\u00e8mm in del 1153, e dom\u00e0 tir\u00e0 man qu\u00e8lla data me ven la p\u00e8ll d\u2019oca. Gh\u2019\u00e8 chi el Barbarossa. Me pias per\u00f2 a v\u00e8ss giust. Siccome l\u2019hemm quasi vorruu nun, insc\u00ec l\u2019\u00e8 propi el caso de di: \u201cChi voeur, nient ghe doeur\u201d. I milanes ghe n\u2019aveven faa tropp ai comasch, ai paves, ai cremones e specialment ai lodesan, l\u2019era quindi ona roba umana che qu\u00e8sti av\u00e8ssen de vendicass a la prima occasion. Capissi che la miglior vend\u00e8tta l\u2019\u00e8 el perdon, almen insc\u00ec disen, ma i lodesan, specialment da qu\u00e8ll\u2019or\u00e8ggia li ghe senten minga, tant \u00e8 vera che duu de lor vann in de l\u2019Imperator de Germania, Federico Barbarossa, a domandagh giustizia. L\u2019\u00e8 qu\u00e8ll che cerca l\u2019orb de ved\u00e8gh!…
\nBarbarossa, che l\u2019\u00e8 on omm energich e d\u2019ona ambizion che passa i limit, ghe par nanca vera. El comencia a mand\u00e0 a Milan on c\u00e8rto
\nSicherio intimand ai milanes de dagh on tai de torment\u00e0 i lodesan.
\nMa ai milanes, la forma on poo arrogante, la ghe fa and\u00e0 la mosc\u00e0 al nas, ciappen el decr\u00e8t e ghe\u2019l strascen su la faccia al Sicherio.
\nEl Barbarossa, fiol d\u2019ona pipa, n\u2019ha vorsuu p\u00f9 e, senza m\u00e8tt temp in m\u00e8zz, el passa le Alpi, e el ven a incomenci\u00e0 l\u2019interminabil gu\u00e8rra lombarda e tucc sann che\u2019l Barbarossa n\u2019ha faa… pussee de qu\u00e8ll che\u2019l podeva fann. La prima gu\u00e8rra la g\u2019ha prencipi in del 1155 e strada facendo, tant per non p\u00e8rd temp, el Barbarossa el comencia a distrug Tortona, colpevol dom\u00e0 de v\u00e8ss alleada coi miianes. El ven intorna a Milan e le fulmina cont di gran decr\u00e8tt.
\nE fina l\u00ec l\u2019era minga on gran mal; ma vist per\u00f2 che l\u2019era come parl\u00e0 arabo, el devasta tutt el territori in gir a Milan, e la cittaa la m\u00e8tt in staat d\u2019assedi. Milan, per\u00f2, el ten dur. I milanes scaven ona gran foppa intorna a tutta la cittaa, che l\u2019\u00e8 poeu quella che incoeu ghe corr denter l\u2019acqua del navilli. In qu\u00e8lla hann faa i so bravi pressidi che ciamaven i terragg che quaivun gh\u2019\u00e8 ancam\u00f2, preparandes a difend Milan. Ma per dur che t\u00e8gnen, per la carestia e i bon paroll del cont Guido de Briandate, i milanes hinn costr\u00e8tt a lass\u00e0 gi\u00f2 el sacch e arrendes. Se firma la paas in del Settember del 1158, ma Milan el r\u00e8sta sogg\u00e8tt al Barbarossa. Credarii minga che abbien faa paas su\u2019l seri, \u00e8h!…
\nMa che! Vun el fing pussee de l\u2019alter. Se fann, l\u2019\u00e8 vera di gran mojnn, di gran gentil\u00e8zz, di gran dimostrazion d\u2019amicizia, ma tutt \u00e8 fals pussee che Giuda. L\u2019odi che bujva de denter, el s\u2019cioppa quand el Barbarossa el voeur umili\u00e0 Milan imponendegh on so rappresentant, ma i milanes el voeuren minga assolutament. Anca qu\u00e8sta, Federico, se le liga al dit e ghe le fa purg\u00e0 con on altra gu\u00e8rra che la dura duu ann. El comencia a assalt\u00e0 Crema perch\u00e8 anca lee, come Tortona, la ten per i milanes. Per\u00f2 a Carcano, el scior
\nBarbarossa, l\u2019\u00e8 sconfitt dai miianes e dai brescian. Vist insc\u00ec, el Barbarossa el se ritira a Pavia preparandes a vendicass di miianes, quantunque ghe n\u2019av\u00e8ss gi\u00e0 faa prov\u00e0 on poo de tutt i sort. In del 1161, dopo av\u00e8 distrutt tutt i campagn, el se ritira momentaneament a Lod ma siccome l\u2019inverno l\u2019\u00e8 on poo de malad\u00e8tt, el Barbarossa l\u2019\u00e8 obbiigaa a sta quasi coi man in man. Bisogna ben che anca lu el cerca la mnera de pass\u00e0 el temp e le troeua tormentand i presonee e cio\u00e8 asendegh cav\u00e0 i oeucc a Arnoifo, a Ubertino da Melgate, a Waderico Verto, a Giordano Crivello e a Lanzecurto da Roncate.
\nA Lugone da Ogeno el se limita a fagh cav\u00e0 on oeucc sol, ma in compens el ghe fa taj\u00e0 el nas, e a sto pover disgraziaa ghe, ven affidaa i \u00e0lter cinqu de men\u00e0 a Milan. In d\u2019on d\u00ec sol el fa taja via vinticinqu man che hinn qu\u00e8i de g\u00e8nt de coeur che, impietosii da la famm che pativen i milanes, cercaven de mandagh gi\u00f2 de la roba per non lassai mor\u00ec. Milan l\u2019\u00e8 a la disperazion e i milanes piangen come forsi hann mai piangiuu, vedendes costr\u00e8tt a la resa. El primm Marz 1162 i Consol milanes: Ottone Visconti, Arrivabene da Porta Romana, Anselmo da Mandello, Gotifredo Mainero, Arderico Cassina,
\nAnselmo Dell\u2019Orto, Aliprando Giudice e Arderico da Bonate, vann a Lod e, cont i spad al coll, in atto de servit\u00f9, se presenten a Barbarossa e fann att de sottomission a nomm de la Repubblica. Federico l\u2019\u00e8 gongolant. L\u2019obbliga i milanes a consegnagh i ciav de Milan, el Carroccio i bander e tutt i ins\u00e8gn consolar. La cerimonia, commovent e imponent in l\u2019ist\u00e8ss temp la ghe pias molto al Barbarossa che per avvil\u00ec de p\u00f9 i milanes, l\u2019ordina che la sia ripetuda. Anca el bis l\u2019ha voruu… stoo animal cont su \u2018l zuccher!… E l\u2019\u00e8 el colmo. Dopo el bis, Barbarossa, el se ten in ostaggio quattercent cittadin e l\u2019ordina la demolizion de tutt i oper de fortificazion e la consegna de tutt i cast\u00e8i in potere di milanes. El desdott Marz, l\u2019Arciv\u00e8scov Oberto, l\u2019arcipret
\nMilone, Galdino arcidiacon e Algisio cimiliarca de la metropolitana, avend sentii qu\u00e8ll che gh\u2019\u00e8 adree a capitagh in sui spall a stoo pover Milan, creden ben de m\u00e8ttes al sicur dandeghen ona f\u00e8tta e a la sordina vann a Genova e da Genova in Francia, in compagnia del Papa
\nAlessandro III\u00b0. El desnoeuv Marz, i milanes riceven l\u2019ordin de Barbarossa de sgombr\u00e0 Milan. Ubbedissen e se spanteghen in di quatter borgh de Nosedo, Vigentin, Carraria e S. Peder a la Vepra, distant on para de mia de Milan. A governai ven nominaa da Federico: Pietro da Curien, Marguardo di Venibach e el cont Grumbach. El vintises Marz Federico l\u2019ordina ai lombard, qu\u00e8i che gh\u2019era r\u00e8staa alleaa, la distruzion de Milan… e scusee se l\u2019\u00e8 pocch. A ogni confederaa ghe ven assegnaa la distruzion d\u2019on rion, tirandel per\u00f2 su a sort, n\u00e8 p\u00f9 n\u00e8 men.. d\u2019ona p\u00e8sca real, dove nissun pesca ben e tucc peschen mal.
\nE insc\u00ec ai lodesan ghe tocca la distruzion de Porta Renza, ai cremones la Romana, ai paves la Ticines, ai novares la Vercellina, ai comasch la
\nComasina e ai abitant de Seprio e de la Martesana, Porta Noeuva. La cinta la ven quasi risp\u00e8ttada, come i s\u00e8des colonn de S. Lorenz; i monasteri e tutt qu\u00e8ll che gh\u2019\u00e8 de sacro, men i torr e i campanin. E intanta che la cittaa la ven sterminada, Barbarossa, el primm d\u2019April, l\u2019\u00e8 tranquillament in gesa de S. Ambroeus, ingenogiaa davanti a l\u2019altar maggior a ricev.. el ramosc\u00e8ll d\u2019olivo. E ch\u00ec me domandi se se p\u00f2 v\u00e8ss pussee… animal d\u2019insc\u00ec. In del Settember del 1164 el Barbarossa el torna in Germania. Intanta in del
\n\u201865 ven faa la gesa de S. Bartolomeo. In del \u201866 moeur l\u2019Arciv\u00e8scov
\nOberto I\u00b0 da Pirovano e dal Papa Alessandro III\u00b0 ven consacraa
\nArciv\u00e8scov de Milan el Cardinail Galdino. S\u00e8mm in del 1167.
\nI pover milanes, spantegaa on poo de per tutt, senza c\u00e0 n\u00e8 t\u00e8cc, dopo la distruzion de Milan, ri\u00e8ssen a riuniss e a giur\u00e0 mort al Barbarossa, i minister del qual, vann adree a seguit\u00e0 a perseguitai. La sort di milanes la moeuv a compassion i cittaa chi adree e ona quai voenna anca de qn\u00e8i che hann ajutaa a distrug Milan, e stabilissen de jut\u00e0 i milanes. Se forma ona specie d\u2019intesa. I
\ndelegaa de Milan cont qu\u00e8i de Cremona, Brescia, Bergom, Mantova e Ferrara se riunissen in l\u2019antich monasteri de Pontida e giuren de ridagh ai milanes la patria desolada e de faghela fin\u00ec al Barbarossa. La noeuva alleanza la ciappa el nomm de Lega Lombarda. I bergamasch, i brescian e i cremones hinn i primm a mandagh ajutt ai milanes che, incoraggiaa, rientren in Milan.. E per la veritaa devom di che i noster alleaa abbandonen minga i milanes fina che qu\u00e8sti poden v\u00e8ss sicur in c\u00e0 soa. Milan la ven fortificada de noeuv, ven rifaa el fossaa, ven ricostruii i bastion e assicuraa i port. I milanes cerchen e fann de tutt per pod\u00e8 tir\u00e0 da la soa anca i lodesan, m\u00e8ttend de part tutt i odi, ma i lodesan hinn pussee dur del mur e se refuden. Allora i miianes trann ins\u00e8mma on es\u00e8rcit cont el concors di alleaa de Bergom, Mantova,
\nBrescia e Cremona e assedien Lod. I lodesan tegnen dur ma dopo des di ghe tocca ced, insc\u00ec hinn staa costr\u00e8tt a fa per forza qu\u00e8ll.\u00a0
\nche hann minga vorruu fa per amor. I alleaa bergamasch e i alter, se porten sotta al cast\u00e8ll de Tr\u00e8zz, difes dal tedesch Ruino, e fann presonee tutt el presidi. In Settember qu\u00e8ll bon Barb\u00e0rossa, ei ven a Pavia e in la gesa de S. Peder l\u2019\u00e8 incoronaa de l\u2019antipapa
\nPasquale. La p\u00e8ste de la mar\u00e8ma la fa strage in l\u2019es\u00e8rcit dei Barbarossa e ghe lassen la p\u00e8ll anca: Ruinaldo, minister e favorito de l\u2019Imperat\u00f2r, e el storich Acerbo Morena. L\u2019\u00e8 on poo de giustizia di Dio che incomencia. Ei vintun de Settember Barbarossa el raduna on parlament a Pavia e ven decis de m\u00e8tt al bando de l\u2019Impero tucc i cittaa rib\u00e8lli ad eccezion per\u00f2 de Lod e Cremona. Cinqu d\u00ec dopo el Barbarossa cont el so es\u00e8rcit, al qual ghe s\u2019era unii paves, vercelles, novares e anca el cont de Briandate, spergiuro e traditor de la patria, l\u2019entra in Milan portand el vandalismo e la desolazion e fasend man bassa su tutt el b\u00e8ll e \u2018l bon..\u00a0 per compens.
\nMa i milanes hinn pront a la riscossa e costringen el nemis, a ritirass.
\nIn del Dicember i cittadin de Venezia, Verona, Padova, Vicenza, Treviso,
\nFerrara, Brescia, Bergom, Milan, Lod, Piacenza, Parma, Modena e Bologna tegnen on gran congr\u00e8ss, ma minga de qu\u00e8i che lassen el temp che troeuven, e fann on giurament de alleanza offensiva e difensiva contra qualsiasi nemis. Al congr\u00e8ss ciappa viva part anca ona donna, Sofia di Colfosco, spos\u00e0 a Guercello Da Camino, detta Maria Trevigiana, ona donna d\u2019anim elevaa e de coragg, tant \u00e8 vera che la concorr cont tutta la gent che la g\u2019ha a la soa dipendenza. In del Marz del 1168, senza di n\u00e8 cr\u00e8ppa n\u00e8 s\u2019cioppa, Barbarossa, per la via de la Savoia, el fila a gamba levada in Germania. I milanes regordandes che, fidass l\u2019\u00e8 on ben ma a fidass no l\u2019\u00e8 m\u00e8i, per paura d\u2019ona quai sorpresa del Barbarossa, capace de qu\u00e8st e alter, pensen de garantiss e garant\u00ec anca Tortona dai continov scorrerij di paves e deciden de costru\u00ec ona cittaa su la sponda destra del
\nTanaro, la fortifichen a qu\u00e8ll biondo, fasendegh intorna ona gran fossa. A la noeuva cittaa i milanes ghe dann el nomm de Alessandria, in onor del Papa Alessandro, t\u00e8rz, promotor e capp della Lega Lombarda.
\nSiccome per la pr\u00e8ssa de fabbricala, i t\u00e8cc i hann faa de paja, Barbarossa, tant per fa del spirit, ma cont la bava a la bocca, la ciamava Alessandria de la Paja. I abitant, ch\u2019eren quasi tucc profugh milanes, s\u2019hinn costituii in repubblica sotta la protezion del Papa. I donn milanes in del 1169 venden tucc i so gio\u00e8j per pod\u00e8 ricostru\u00ec in part la gesa de S. Maria Maggior, rovinada dal campanin intanta che\u2019l boriava gi\u00f2, durant la distruzion ordinada dal Barbarossa. In del
\n1172 anca i Paves, che eren molto contrari, se deciden a entr\u00e0 in la Lega Lombarda e i so consol presten giurament. Intanta i milanes stann minga coi man su\u2019l consolaa, rifabbrichen in pr\u00e8ja i port de la cittaa che hinn vott e cio\u00e8: Ticinese, Vercellina, Giovia, Comasina,
\nNuova, Argentea, per la strada che portava a Argentolium, che l\u2019\u00e8 el nomm antigh che\u2019l gh\u2019aveva el paes de Gorgonzoeula, Tosa e Romana. La cittaa l\u2019\u00e8 divisa in tredes pust\u00e8rla: Fabbrica, S. Ambreus,
\nAzze, S. March, Noeuva, Monfort, S. Eufemia, Chiusa, Giovia, Tosa, Borgh
\nNoeuv, S. Steven e Bottonuu. Federico per\u00f2 l\u2019\u00e8 viv ancam\u00f2 e pussee rabbios de prima. Smanios semper de pesc\u00e0 in del torbid, sollecitaa dal marches del Monferraa e dai paves, quantunque str\u00e8tt alla Lega, el torna a vegn\u00ec in Italia cont on es\u00e8rcit formidabil.
\nDopo ave incendiaa Susa, minacciaa Turin e ciappaa Asti, el streng d\u2019assedi
\nAlessandria. I paves se toeujen la maschera e se unissen ai todesch. El vundes de Marz del 1175 i milanes cont el Carroccio se porten a soccorr
\nAlessandria. La roba la ghe va a or\u00e8ggia al Barbarossa el qual el va incontra ai milanes che eren gi\u00e0 su\u2019l paves, se ven a patti tra
\nFilippo, Arciv\u00e8scov de Colonia, Guglielmo da Piozasca e on S. Nazzar de part de l\u2019Imperator e Girardo Pisto milanes, Alberto Gambara brescian e Gezzone da Verona per la Lega; patti che per\u00f2 l\u2019imperator Barbarossa el se guarda ben de risp\u00e8tt\u00e0. E intanta moeur S. Galdino
\nArciv\u00e8scov e al so post ven consacraa Algisio da Pirovano. Al vintinoeuv de Magg del 1176, Barbarossa, rinforzaa l\u2019e-s\u00e8rcit cont de la milizia veguuda da la Germania, el tenta de uniss ai paves e de portass a Milan.
\nI milanes v\u00e8gnen a sav\u00e8ll e volend ad ogni costo impedigh l\u2019union, ghe vann incontra e i duu es\u00e8rcit se troeuven in d\u2019ona pianura tra l\u2019Olona e el Tesin e ingaggen battaglia. A la t\u00e8sta de la milizia gh\u2019era el Carroccio e cio\u00e8 on carr che\u2019l v\u00e8gneva tiraa di boeu, cont in scima ona specie de globo doraa tra d\u00f2 bander bianch. Mancava minga l\u2019altar per di la soa brava. m\u00e8ssa e on gran crocefiss. El Carroccio l\u2019era guardaa dai soldaa pussee bon e de fidegh san, perch\u00e8 se \u2018l Carroccio el fud\u00e8ss andaa in man ai nemis l\u2019era ona disgrazia peg de la mort. Sui primm i milanes eren molto dubbios d\u00e8 la vittoria, ma quand hann vist tr\u00e8 colomb a vol\u00e0 intorna al Carroccio e poeu posass su\u2019l gran crocefiss, s\u2019hinn sentii a slarg\u00e0 el coeur a la speranza perch\u00e8 quij tr\u00e8 b\u00e8stioeul non podeven v\u00e8ss che de bon auguri. Se voeur che\u2019l pret Leone, i abbia veduu lu i tr\u00e8 colomb bianch a spicc\u00e0 el vol da l\u2019altar de Sant Sisinio, Martirio e Alessandro dove i corp di trii sant eren staa portaa da la vall de Non, taccaa a Trento, da S. Simplician e m\u00e8ttuu in la gesa batt\u00e8zzada poeu cont el so nomm e che se p\u00f2 ved\u00e8lla anm\u00f2 incoeu a metaa cors Garibaldi. Essend el vintinoeuv Magg la f\u00e8sta del pret Leon e qu\u00e8ll de ved\u00e8 i tr\u00e8 colomb bianch a vol\u00e0 a Legnan e fermass propi su\u2019l crocefiss del Carroccio in qu\u00e8ll di l\u2019era p\u00f9 possibil dubit\u00e0 de la protezion del Signor e la vittoria la podeva minga manc\u00e0. L\u2019\u00e8 vera o no? La battaglia l\u2019\u00e8 stada terribii, i milanes incom\u00e8ncien a retroced e g\u2019hann paura de p\u00e8rd el Carroccio, quand se fa avanti la Compagnia de la mort, composta de 900 giovinotti decis a tutt. Pieghen on genoeucc in t\u00e8rra e se consacren a Dio e a la Patria e dopo, cont ona furia de no d\u00ec, se scaraventen contra al nemis come leon e fann strage. La battaglia de Legnan l\u2019\u00e8 vera e propria gloria di milanes. Stravacchen de cavall Barbarossa che\u2019l p\u00e8rd scud e lancia e i bander finissen in man di milanes. La Compagnia de la mort l\u2019era capitanada da Alberto da Giussano, soo minga se\u2019l ciamaven da Giussano perch\u00e8 l\u2019era nassuu a Giussan o perch\u00e8 qu\u00e8ll el fuss el nomm de la soa famiglia, ma qu\u00e8ll che podi assicuraff, per\u00f2, che lu l\u2019ha decis de la gran vittoria e l\u2019ha salvaa el Carroccio; per la soa forza e per la soa alta statura ghe diseven el Gigant. Federico l\u2019\u00e8 ritegnuu per mort, ma inveci errante e misero per i bosch el ri\u00e8ss, dopo on poo de d\u00ec, a compar\u00ec a Pavia. E finalment al primm d\u2019Agost del 1177, in Venezia, citt\u00e0 neutral, Federico el giura ona tregua de ses ann ai rappresentant de la Lega Lombarda. Barbarossa cont l\u2019avanz del so es\u00e8rcit el rientra in Germania in del 1179 l\u2019ann che Milan l\u2019edifica el Brol\u00e8tt noeuv, li dove gh\u2019era el palazz del
\nComun del qual faseva part la loggia degli Osii e cont l\u2019and\u00e0 del temp, batt\u00e8zzaa Piazza Mercant. Ei Brol\u00e8tt v\u00e8gg, inveci, l\u2019era l\u00ec dove incoeu gh\u2019\u00e8 el Palazz Real col brolo che\u2019l faseva part de l\u2019Arcivescovaa e el comprendeva S. Vittor\u00e8ll, S.
\nNazzar, Bottonuu, contrada Larga, contrada del Broglio, S. Steven e S.
\nNazzar in Broglio, allora foeura de la cinta. In de l\u2019ist\u00e8ss ann s\u2019\u00e8 scavaa la Vettabbia e el navilii grand. Spiraa el termin di ses ann de tregua stabilii cont la Lega e cio\u00e8 in del 1183, Barbarossa l\u2019invida i rappresentant de la Lega Lombarda a on congr\u00e8ss in la cittaa de Costanza e l\u00e0, se Dio voeur, ven definitivament conclus la paas e riconossuu solennement la repubblica milanese. Meno male! Dopo on ann, torna a Milan el Barbarossa, el sta chi on mes\u00e8tt. E in del 1185, tra i rappresentant de Milan e lu, se stipola on trattaa de alleanza e ai milanes ghe ven conc\u00e8ss on bord\u00e8ll de privileg. Moeur l\u2019Arciv\u00e8scov Adalgisio e ven faa Arciv\u00e8scov Uberto Crivelli destinaa poeu a v\u00e8ss faa Papa cont el nomm de Urbano III\u00b0. Torna a fa on\u2019altra passeggiadina a Milan Federico I\u00b0 e l\u2019\u00e8 ospite fin del monaster de S. Ambroeus e la Z\u00e8cca, per fagh onor, la batt moneda d\u2019argent de tr\u00e8 qualitaa. D\u00f2, porten la iscrizion:
\n\u201cFiedricus\u201d davanti e \u201cMediolanum\u201d dedree, e l\u2019altra, davanti \u201cAugustus\u201d
\ne dedree \u201cMediolanum\u201d. El vintis\u00e8tt Gennar 1186 se sposa a S. Ambroeus,
\nEnrico, fioeu de Federico cont Costanza de Sicilia, tosa del Re Guglielmo e col sposalizi gh\u2019\u00e8 anca l\u2019incoronazion de Enrico e Filippo. Ven nominaa, semper da l\u2019Imperator, Uberto Visconti, piacentin, Podest\u00e0 de Milan. Ai milanes, per\u00f2, el ghe v\u00e0 pocch, ma manden gi\u00f2 amar per spuv\u00e0 dolz. Stii podest\u00e0 forestee eren veri dittator e faseven lor el b\u00e8ll e el brutt temp e i milanes, che i hann vorsuu, eren saltaa da la pad\u00e8lla in la brasa. Amizone Carentano el fa scav\u00e0 el canal de la Muzza, Aldrado da Trezzeno el pensa ben de brus\u00e0 i eretich e Beno dei Gozzadini el fa v\u00e8gn\u00ec l\u2019acqua del Tesin in la foppa ch\u00e8 gira attorna a Milan. Beno l\u2019\u00e8 i\u2019ultim de stii podest\u00e0 che g\u2019ha ona potenza propria ma i milanes ghe l\u2019hann cont lu a mort, tant \u00e8 vera che\u2019l furor popolar el ghe d\u00e0 sepoltura propi in qu\u00e8ll navilli che per Milan l\u2019\u00e8 poeu staa fonte d\u2019agiat\u00e8zza. E tutt per cosa? Per d\u00f2 robb. Prima perch\u00e8 come president de l\u2019Uffizi di Gab\u00e8ll, esp\u00e8rt come l\u2019era in affari de finanza, vist i condizion miserabil del Comun, l\u2019ha applicaa i tass che\u2019l credeva ben de m\u00e8tt senza riguard per nissun, ricordand, da integerrim magistraa, che la legge la doveva v\u00e8ss egual per tucc, e poeu perch\u00e8 s\u2019eren m\u00e8ttuu in t\u00e8sta che l\u2019acqua che\u2019l faseva v\u00e8gn\u00ec a Milan la portava di malatij contagios. L\u2019hann faa neg\u00e0 el cinqu Dicember del 1257, propi l\u2019ann che l\u2019hann faa podest\u00e0 e che l\u2019era adree a sistem\u00e0 el Tesin\u00e8ll, che l\u2019\u00e8 poeu el navilli de Biagrass. Pover Beno dei Gozzadini, ona fin insc\u00ec se le meritava propi no! In del 1190 Federico Barbarossa, in Palestina, combattend contra i Greci e i Turch, el moeur per av\u00e8 vorsuu fa on bagn, sudaa come l\u2019era, in del fiumm Cidno e i cittaa italian ristabilissen, come ghe par la soa libertaa e la soa indipendenza. Chii l\u2019\u00e8 che credaria che\u2019l Barbarossa, che dom\u00e0 a nominali el faseva vegn\u00ec la p\u00e8ll d\u2019oca, el fud\u00e8ss on po\u00e8ta e la proeuva ghe l\u2019avii in sto madrigal in lode ai nazion rip\u00e0raa a l\u2019ombra de la bandera imperial:
\nPiace a me il cavaliero Francese<\/strong>
\n
E la donna Catalana,<\/strong>
\n
L\u2019onorar del Genovese<\/strong>
\n
E la corte Castigliana,<\/strong>
\n
il cantar Provincialese<\/strong>
\n
E la danza Trivigiana<\/strong>
\n
Ed il corpo Arragonese<\/strong>
\n
E la perla Iuliana,<\/strong>
\n
Mano e cera dell\u2019inglese<\/strong>
\n
E il donzello di Toscana.<\/strong>
\nI lodesan, in del 1193, tornen a fa trebul\u00e0 i milanes i quai, per on poo e duu poo tasen, ma dopo ghe la fann d\u00ec. Ma dopo de av\u00e8 ciappaa la mastegada, i lodesan hinn minga soddisfaa nancam\u00f2 e i milanes ghe dann el r\u00e8st. Enrico de Germania, fioeu de tanto pader, el cerca tutt i m\u00e8zzi per tegn\u00ec viv l\u2019odi di comasch, paves, lodesan, cremones e brescian contra i milanes, ma vist che\u2019l ri\u00e8ssiva a nagot, el ven a Cremona, el m\u00e8tt al bando Milan, Crema e Brescia.
\nIntanta l\u2019Arciv\u00e8scov Milone da Cardano el moeur e al so post ghe va l\u2019Arcipret de Monza Oberto da Terzago. Tacca sotta ancam\u00f2 i cremones coi milancs i quai per\u00f2 ghe dann on bon tegnament. Nel 1196 se rovina la gesa de S. Ambroeus e specialment la cupola e subit l\u2019Arciv\u00e8scov
\nObert el pensa a falla restaur\u00e0,
\n
ma al quindes de Giugn el moeur e Filippo da Lampugnano el va al so post. Malgrado el bando Enrico el ven a Milan fasend mostra de regordass p\u00f9 de nagotta e coi b\u00e8i e coi bonn el ghe fa r\u00e8stitu\u00ec i presonee ai cremones e la gu\u00e8rra cont Cremona la g\u2019ha fin.<\/p>\n","protected":false},"excerpt":{"rendered":"