il milanese usato in questa pagina risale all\u2019inizio del XX\u00b0 secolo<\/p>\n
Cont la mort de Gian Galeazz se entra in d\u2019on periodo on poo de decadenza e on poo anca per colpa del Gian Galeazz st\u00e8ss che l\u2019ha faa l\u2019asnada, in del t\u00e8stament, de divid el Staat in duu per lassaghen m\u00e8taa per un ai so duu car fioeu, duu beleritt propi de tir\u00e0 su cont la moeuja. El doveva ben cap\u00ec, fasend t\u00e8stament, che\u2019l so Staat l\u2019era compost de cittaa in part compraa e in part avuu cont la violenza e che per tegnill unii non gh\u2019era che conserva tutt i forz ins\u00e8mma inveci de dividi. Gh\u2019\u00e8 toccaa el titol de Duca de
\nMilan, cont el r\u00e8st, a Giovann Maria de quattordes ann, e a Filippo
\nMaria de des ann, el nomm de Conte de Pavia. Per\u00f2 el s\u2019\u00e8 regordaa anca del so fioeu natural, staa poeu legittimaa, de nomm Gabri\u00e8ll, lasandegh Pisa e Crema. Causa per\u00f2 la minor etaa di fioeu, Giovann
\nMaria e Filipp, s\u2019\u00e8 formaa ona reggenza tra la Caterina, vedova de Gian Galeazz e div\u00e8rs generai, ma tucc eren dominaa d\u2019on\u2019idea sola, qu\u00e8lla de fa el so inter\u00e8ss personal e in conseguenza de sta mancanza d\u2019accord, i nemis hann alzaa el coo e subit s\u2019\u00e8 movuu i Fiorentin, i Estensi, el Papa che, fiaccaa da Gian Galeazz, ghe pareva minga vera de vendicass sui fioeu. I Viscont hann dovuu moll\u00e0 a la sv\u00e8lta vari cittaa lontan, compres tutt qu\u00e8i de la Romagna e in la Reggenza g\u2019h\u2019era on malumor d\u2019inferno causa l\u2019arroganza e i crudeltaa del Barbavara, f\u00e0vorito de la Duch\u00e8ssa Caterina. El Staat a pocch a pocch el ven smembraa, malgrado che al servizi de la Reggenza ghe fuss di capitani valoros come Ottoboni Terzi, Pandolfo Malatesta e
\nFacino Cane. El Cane per\u00f2 el faseva mostra de combatt per i Viscont ma inveci, francament, in di sacchegg, che eren a l\u2019ordin del giorno, el pensava per lu, insc\u00ec in men de trii ann tutt el gran domini visconteo el s\u2019era rid\u00f2tt ai d\u00f2 sol residenz de Milan e Pavia e gh\u2019aveven minga tant de sta su allegher… i Viscont! Giovann Maria, che l\u2019era Duca de Milan, l\u2019era guardaa a vista in del palazz, de Cort e tegnuu in ostaggio cont la mader; el Filipp, inveci, l\u2019era tegnuu d\u2019oeucc a Pavia in man di
\nBeccaria che, volere o volare, eren pussee potent de lu. Mi credi che d\u00f2 paroll su la… gran bontaa di duu fioeu de Gian Gaieazz sien minga sbattuu via, \u00e8h ! Se ne disii?… Sii? Bene! L\u2019\u00e8 semper m\u00e8i sav\u00e8i i robb! Incominciaroo dal maggior Giovann Maria che oltre vess on impast de crudeltaa, l\u2019era anca on fior d\u2019on imbecille. El gh\u2019aveva poeu on corin che qu\u00e8ll de Nerone l\u2019era ona marmellada in so confront e minga per nagotta ghe diseven el Nerone milanes, e per conseguenza… capace de qu\u00e8st e alter. El Filipp, se l\u2019era minga pegg de so frad\u00e8ll, m\u00e8i no de c\u00e8rt. Impastaa de cattiveria, de superstizion e incostant, el se interessava dom\u00e0 de astrologia e i so confident eren i astrologh. De comand\u00e0 on esercit el vareva on fich, ma el gh\u2019aveva per\u00f2 bon nas in del catt\u00e0 foeura chii le doveva comand\u00e0, ma quand l\u2019aveva sc\u00e8lt el diventava gelos e diffident.
\nAd\u00e8ss che podii v\u00e8ghen on\u2019idea de quij duu b\u00e8i robb l\u00ec che l\u2019ha lassaa indree de regall ai milanes el bon Gian Galeazz, bisogna v\u00e8gh pazienza e torn\u00e0 indree on pass. Vun di pussee b\u00e8i divertiment de Giovann Maria l\u2019era de sta’ l\u00ec a ved\u00e8 a sbran\u00e0 i omen dai so can mastin che lu el mantegneva apposta.
\nLa per\u00f2 minga mancaa de fa sbran\u00e0 anca di bambitt!.. – Santo
\nDio, in d\u2019ona quai manera el doveva ben falla pass\u00e0 la giornada!
\nL\u2019\u00e8 vera o no?… A procuragh stii b\u00e8i spettacol ghe pensava el famoso Squarcia Girami, on\u2019altra canaja che andava benone! La Duch\u00e8ssa
\nCaterina che la se fidava pocch o nagott a conviv cont so fioeu Giovann
\nMaria, l\u2019ha pensaa ben de ritirass a Monza, custodida da Giovanni Pusterla, e dove poeu la moeur el ders\u00e8tt Ottober 1404, on poo per i dispies\u00e8 e i spavent… ma anca per el velen che l\u2019ajutaa ona man e minga mal, a mandalla al creator. Vittima di can l\u2019\u00e8 staa anca Giovanni Pusterla accusaa d\u2019ave\u00e8 mazzaa la Duch\u00e8ssa, e poeu on so fiol\u00e8tt, el qual, pover bambin, fina i can s\u2018eren refudaa d\u00f2 volt de saltagh adoss, per quanto andassen adree a aizzai. Lor st\u00e8ss gh\u2019aveven compassion de qu\u00e8ll pover angiol che\u2019l ciamava pietaa strengendes ai genoeucc de Giovann Maria el qual l\u2019ordina minaccios ai Squarcia de finill e qu\u00e8ll, come nient, le scanna. El Pusteria, tolt ancam\u00f2 viv dai sciamp di can, el ven decapitaa. Se dis anca che on d\u00ec, Giovann Maria Viscont, passand de la gesa de S. Tomas, el ved ona donna che la vosava come on strascee cont el prevost che\u2019l vorreva minga fa sotterr\u00e0 el mar\u00ec se prima la miee non la pagava el dovuto, ma sta, povera diavola de danee ghe n\u2019ha no e savend minga come fa, l\u2019andava adree a piang e vos\u00e0 come on\u2019anima disperada. El Duca, che per combinazion el passava in qu\u00e8lla, el se ferma e el voeur vess informaa de la question. Sentii come l\u2019era la storia, l\u2019ordina ai prevost de fa seppell\u00ec el mort gratis et amoris e lu ins\u00e8mma. L\u2019avuu insc\u00ec de piang e sgarr\u00ec el prevost, ma el Duca l\u2019\u00e8 staa irremovibil e gh\u2019\u00e8 toccaa lassass seppell\u00ec viv. I barbaritaa de Giovann Maria g\u2019hann minga fin. In del 1409 i Ghibellin blocchen Milan e subit se ne sent i conseguenz e la prima l\u2019\u00e8 qu\u00e8lla de manc\u00e0 el pan. On d\u00ec el Duca el ven circondaa da la popolazion affamada che l\u2019implora la paas!
\nQu\u00e8i la parola paas la fa imb\u00e8stial\u00ec el Duca al ponto de comandagh ai so guardi de slanciass su la folla e fa strage. Se l\u2019hann minga faa di d\u00f2 volt e pusse\u00e8 de dusent g\u2019hann lassaa la vita e la p\u00e8na de mort l\u2019era poeu ris\u00e8rvada a tucc chii av\u00e8ss pronunciaa ancam\u00f2 la parola paas. Ma la paas, dopo on poo, per amor o per forza l\u2019ha dovuu falla l\u2019ist\u00e8ss. Intanta da la Cort s\u2019era allontanaa Jacopo Dal Verme, rivale di Bonifacio Cane detto Facino, ch\u2019eren i duu capitani de ventura de Gian Galeazz e che gh\u2019aveven vos in capitol.
\nSe sa che la gelosia l\u2019\u00e8 mai morta e Bonifacio l\u2019ha faa tant che l\u2019\u00e8 riussii a fagh cred al Duca che\u2019l Dal Verme l\u2019era on nemis.
\nMa el Dal Verme el ven a sav\u00e8ll e ghe le perdona minga. El ritorna fort e visin a Binasch el ghe d\u00e0 ona p\u00e8ttenada coi fiocch al Cane che gh\u2019\u00e8 toccaa daghela a gamba levada. S\u00e8mm in del
\n1412, Facino Cane, che non l\u2019era che on popolan del Monferraa ma tutt\u2019alter che stupid, el fa tesor de l\u2019imbecillitaa grassa di duu fioeu de Gian Galeazz, el ghe gira intorna a Giovann Maria el qual le crea so Governator e ona tal nomina l\u2019\u00e8 approvada anca da Filipp Maria. El Facino el diventa el ver padron de Milan e de Pavia e i duu Viscont i so schiavi e per soramaross el ghe lassava manc\u00e0 anca el necessari. A onor del vero i milanes, al Cane, ghe tegneven, ma l\u2019\u00e8 ben che\u2019l se mala de malad\u00e8tt e i milanes per paura de p\u00e8rdel e che Milan el tornass a borlagh in di man ai Guelfi, incomencen a pens\u00e0 a la manera de desfesciass del Duca Giovann Maria. In la congiura preparada gh\u2019\u00e8 duu Baggi, on Pusterla e div\u00e8rsi de la famiglia del Maino, tutta gent che vorreven fagh pag\u00e0 al Duca i parent che lu el gh\u2019aveva faa mazz\u00e0 o sbran\u00e0. S\u00e8mm a la mattina del sedes Magg 1412. Giovann Maria
\nViscont, intanta che\u2019l va a la m\u00e8ssa… de bon cristian in la soa gesa de S. Gottard, i congiuraa ghe salten adoss e a furia de pugnalad me\u2019l distenden per t\u00e8rra mort, lassand l\u00e0 el cadaver che poeu in l\u2019ist\u00e8ss d\u00ec l\u2019\u00e8 staa portaa in Domm senza che ghe fuss adree on can. Se dis che ona donna sola la gh\u2019abbia portaa di ros. Qu\u00e8ll che l\u2019\u00e8 l\u2019\u00e8 che al so cadaver gh\u2019\u00e8 minga sta daa sepoltura e l\u2019hann sbattuu su ona meda de letamm o in d\u2019ona cist\u00e8rna. Qu\u00e8ll\u2019impast de cattiveria e de crudelt\u00e0, che se ciamava Giovann Maria Visconti, non el gh\u2019aveva che vintiquattr\u2019ann de vita! L\u2019era molto gioven s\u00ec, ma l\u2019era scampaa fin tropp! I congiuraa, dopo v\u00e8gh faa la f\u00e8sta a Giovann Maria, proclamen so successor
\nEttore Visconti, che\u2019l ciamaven el capitani senza paura, faa vegn\u00ec da Monza cont el so nevod Giancarlo. La soa, per\u00f2, l\u2019\u00e8 stada ona sign\u00f2ria che ha duraa pocch, forsi nanca on mes. Contemporaneament a Giovann Maria, \u00e8 mort de podagra a Pavia anca Facino Cane, che l\u2019era diventaa Signore de Tortona, Vercelli, Novara e Alessandria. L\u2019era vun che saveva fa i so robb polit. A Filippo Maria, dopo la mort del frad\u00e8ll e qu\u00e8lla del Cane, ghe rinass la speranz\u00e0 de\u2019 ottegn\u00ec el Ducaa de Milan. El comencia cont el spos\u00e0 Beatrice Tenda, vedova de Facino Cane, e cont la miee el gh\u2019avuu i beni del suocero e se capiss anca l\u2019esercit. Filipp non el gh\u2019aveva che vint ann e Beatrice on poo pussee tanti de lu, ma lu l\u2019\u00e8 minga staa l\u00ec a guard\u00e0 quij bambanad li, tanto p\u00f9 che allora se ona miee la dava fastidi s\u2019e faseva pr\u00e8st anca a disfesciassen. Subit el se m\u00e8tt in moto v\u00e8rs Milan, e dopo, per non tra via temp, el comencia a espugn\u00e0
\nMonza dove staven saraa denter qu\u00e8i che aveven mazzaa so frad\u00e8ll e su tucc el se vendica, lassand tra i cadaver anca qu\u00e8ll de Ettore
\nVisconti che’ l\u2019\u00e8 poeu staa faa secc\u00e0 come una mummia e portaa in del cimiteri attaccaa a la Basilica de S. Giovann. Dato la vittoria,
\nFilippo Maria, el se convinc semper de p\u00f9 che, per govern\u00e0, ghe voeur gu\u00e8rr, carneficin, corruzion, perfidia e crudeltaa, ma malgrado qu\u00e8st, el g\u2019ha paura a fass ved\u00e8, el sta semper sconduu in di so cast\u00e8i o de Porta Giovia o de Biagrass. In dodes ann l\u2019ha ottegnuu on bord\u00e8ll de vittori, dovuu al merit e a la spada di pussee quotaa condottier d\u2019Italia Francesco Bussone conte di Carmagnola,
\nNiccol\u00f2 Piccinino e Francesco Sforza. A Filippo Maria ghe ven in odi la miee Beatrice Tenda, e el cerca tutti i m\u00e8zzi per liberassen.
\nRoba subit fada! El fa corr in gir ona falsa accusa de adulteri e la duch\u00e8ssa malgrado la soa virt\u00f9 e la soa etaa, la ven m\u00e8ttuda a la corda in del 1418. E bench\u00e8 innocente, a sta povera donna, ghe ven tajaa el coo in del palazz ducal de Binasch. Stoo misfatt, perch\u00e8 se p\u00f2 minga ciamall div\u00e8rsament, el proeva ona volta de p\u00f9 come la sia impastada de infamia e crudeltaa l\u2019anima nera de Filippo Maria.
\nMa i so prod\u00e8zz se fermen minga chi. EL fa mor\u00ec de famm, in d\u2019ona gabbia de f\u00e8rr, Giovann da Vignate cont la soa Beatrice, el ghe fa taj\u00e0 el coo a Michele Orombelli, el fa mor\u00ec avvelenaa in preson Niccol\u00f2 da Valentino, el m\u00e8tt su la forca, a Castelleone,
\nGabrino Fondulo, el fa assassin\u00e0 el pret Eusebio Canni… e podaria seguit\u00e0 fina doman a parl\u00e0 di vittim faa da la perv\u00e8rsitaa de qu\u00e8ll car scior Filipp Maria Viscont. Siccome c\u00e8rti capitani de ventura g\u2019hann ona part minga indifferent in sta storia, insc\u00ec me perm\u00e8tti de parlann on poo diffusament. El primm l\u2019\u00e8 el celebre Francesco Carmagnola de umilissima origin faa dal Duca, per fedelt\u00e0 e valor, so primm capitani. L\u2019\u00e8 lu che ha ricuperaa Monza, Alessandria e Piacenza! L\u2019\u00e8 staa lu, che dopo sconfitt i Malatesta el ghe rid\u00e0 al Duca, Bergom e Brescia e poeu Cremona,e Parma e,finalment, in del
\n1422, el porta i arma Ducai sotta Genova e la conquista cont Albenga e
\nSavona. Magara sarii bon de cred che Filippo Maria el ghe fuss staa riconoscent?
\nTirevesel foeura del coo! Anzi, l\u2019era gelos e invidios al ponto de toeugh el comand de la milizia, e de mandall governator a Genova, riservandes poeu dopo de\u2019 toeugh anca el comand de quij pocch tresent cavalier che\u2019i gh\u2019aveva sotta de lu e che gh\u2019eren affezionaa. El Carmagnola, vedendes trattaa a qu\u00e8lla manera, el ven a Milan, el se porta a Biagrass, dove el Duca per paura el stava semper sconduu, per pod\u00e8 fa foeura i so reson cont lu, ma p\u00f9sillanim come l\u2019era, el se refuda de ricevel e el pover Carmagnola, cont el velen al stomegh, el va a mettes al soldo de la Repubblica Veneta e in del 1426 el m\u00e8tt contra ai Viscont ona lega formidabil de Venezian, Fiorentin, e signori de Mantova, Ferrara,
\nSavoia e del Monferraa, de la qual lega el Carmagnola l\u2019\u00e8 el generalissim.
\nSubit el ghe toeu al Duca Brescia e Bergom. Filippo Maria el comencia a sent\u00ec el savor de la soa,ingratitudin e l\u2019\u00e8 costr\u00e8tt a ciam\u00e0 la soa gent da la Romagna e cedegh al Papa, Forl\u00ec,
\nImola e Forlimpopoli. El Viscont per amor o per forza el dev v\u00e8gn\u00ec a ona paas per lu poca onorevol. E chi salta foeura Francesco Sforza.<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo Cont la mort de Gian Galeazz se entra in d\u2019on periodo on poo de decadenza e on poo anca per colpa del Gian Galeazz st\u00e8ss che l\u2019ha faa l\u2019asnada, in del t\u00e8stament, de divid el Staat in duu per lassaghen m\u00e8taa per un ai\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2812","post","type-post","status-publish","format-standard","hentry","category-meneghino"],"yoast_head":"