il milanese usato in questa pagina risale all\u2019inizio del XX\u00b0 secolo<\/p>\n
Intanta la povera Isab\u00e8lla la s\u2019\u00e8 ritirada a Napoli, vist che\u2019l so fioeu Francesch el p\u00f2 minga, come ghe sp\u00e8ttava de diritto, v\u00e8gh la succession del Ducaa, tutt ben intes, perch\u00e8
\nLodovico el gh\u2019aveva m\u00e8ttuu el sciampin. Lodovico, furb come l\u2019era, al Consilli dei maggiorenti l\u2019ha faa mostra, el loder, de propon el so nevodin Francesch come successor al Ducaa de Milan, ma el popul el g\u2019ha rispost che l\u2019era stuff de seguit\u00e0 a v\u00e8gh di Duca ancam\u00f2 de t\u00e8tta e di reggenz e che\u2019l vorreva un omm che sav\u00e8ss govern\u00e0 come se doveva e per conseguenza ghe n\u2019era minga vun che fuss staa m\u00e8i de lu… e l\u2019era qu\u00e8ll che\u2019l cercava l\u2019orb de ved\u00e8gh!…
\nLodovico, semper da qu\u00e8ll filon che l\u2019era, el fing de fass preg\u00e0… e l\u2019ha finii ad accett\u00e0… propi perch\u00e8 l\u2019hann obbligaa.
\nQuanti negoziant de tolla gh\u2019era per\u00f2 anca allora!… Intanta el
\nRe frances Carlo VIII\u00b0, che l\u2019era staa spint dal Moro, el riva a Napoli, ma vist la sua facil conquista, tutt i potentati d\u2019Italia se spaventen e Lodovico pussee de tucc e senza sta l\u00ec… tintora e menara, fann una Lega per pod\u00e8 and\u00e0 contra i frances. In sta Lega gh\u2019\u00e8: el Re de Spagna che, per chii le sav\u00e8ss no, l\u2019era anca Signore de l\u2019Isola de Sicilia, l\u2019Imperator e Lodovico, el qual el se mordeva i ung per v\u00e8ss staa lu st\u00e8ss a tirass la zappa sui pee, tanto p\u00f9 che\u2019l Duca d\u2019Orleans, da Asti, el comenciava a spungel un poo a causa del tradiment de div\u00e8rs cittadin che vedeven Lodovico come\u2019l fumm in di oeucc, e che gh\u2019aveven gi\u00e0 portaa via Novara. A Carlo VIII\u00b0, che gh\u2019era andaa a or\u00e8ggia l\u2019affari de la Lega combinada in l\u2019April del 1495, l\u2019\u00e8 tornaa pussee che a la sv\u00e8lta in del so regno.
\nBisogna per\u00f2 not\u00e0 che Carlo VIII\u00b0 el gh\u2019aveva cont lu un capitani de gran valor che l\u2019era el Gian Giacom Triulz, milanes puro sangue e nemis de malad\u00e8tt de Lodovico el Moro. Col temp Lodovico el torna a v\u00e8gh Novara per un accord special faa tra lu e el Carlo che, se voeurom v\u00e8ss giust, l\u2019era minga c\u00e8rt qu\u00e8ll che ghe dava pussee de grattass in coo, anca perch\u00e8, pover diavol, in del 1498, ghe ven on colp apopletich che le manda de la part de l\u00e0 a vintis\u00e8tt ann e l\u2019\u00e8 un poo dolorosa!… El Duca d\u2019Orleans el ciappa el post del Carlo cunt el nomm de Luigi XII\u00b0 e col titol de Re de Francia; e qu\u00e8st chi, per el Lodovico, l\u2019\u00e8 un oss\u00e8tt un poo pussee dur de resign\u00e0 del Carlo. A Asti ghe ven in ment al
\nLuis che in di v\u00e8nn ghe scorr el sanga di Viscont perch\u00e8 l\u2019era staa nevod de Valentina Visconti e allora el se cred in obbligh de v\u00e8ss, oltra che Re de Francia e Napoli, anca Duca de Mil\u00e0n.’
\nApriti cielo!… Ve l\u2019immaginee el Moro?… Disaster pussee gross ghe podeva minga c\u00e8rt capitagh, ma chii voeur, nient ghe doeur, dis el proverbi.
\nIntanta Luis XlI\u00b0, app\u00e8na el g\u2019ha in coo la corona, el fa paas cont el Re de Spagna e lega cont Venezia. Lodovico n\u2019ha vorsuu p\u00f9 e disperaa de v\u00e8gh minga l\u2019appogg de l\u2019Imperator che semper el ghe prom\u00e8tteva ma mai el mantegneva, el s\u2019\u00e8 lassaa ciapp\u00e0 da un tal spagh\u00e8tt, al ponto de consigli\u00e0 fina el Sultano di Turch de dagh l\u2019assalt ai Venezian inventand che ghe minacciaven anca el so impero. App\u00e8na che s\u2019\u00e8 vegnuu a sav\u00e8 sta roba, vattafarti! Se incomincia a tra attorna la vos che Lodovico l\u2019era el nemis di cristian e podii immaginaff!… L\u2019era gi\u00e0 pocch in su\u2019l birla che l\u2019\u00e8 andaa gi\u00f2 del tutt. Lodovico, prima che vegn\u00e8ss i frances per la seconda volta in Italia, el gh\u2019aveva ancam\u00f2 un discr\u00e8tt es\u00e8rcit, ma i milanes podeven p\u00f9 soffrill, per conseguenza el decid de scapp\u00e0 in Germania da l\u2019Imperator, affidand el Cast\u00e8ll, che l\u2019era pien d\u2019ogni ben di Dio, de munizion e de omen, al paves Bernardino da Corte cont l\u2019ordin tassativ de difendel almen trii mes, dopo i quai l\u2019era c\u00e8rt de pod\u00e8 dagh man forte. Lodovico l\u2019\u00e8 fllaa al duu Settembre del 1499 e el d\u00ec ses entra in
\nMilan, a la t\u00e8sta de l\u2019es\u00e8rcit frances, Gian Giacom Triulz.
\nEl primm mestee l\u2019\u00e8 qu\u00e8ll de f\u00e0 arrend el Cast\u00e8ll.
\nBernardino da Corte el ten dur per ona donz\u00e8nna de d\u00ec, ma dopo el s\u2019\u00e8 lassaa corromp… insc\u00ec i port de qu\u00e8ll
\nCast\u00e8ll, che l\u2019era la maggior fort\u00e8zza del Ducaa, s\u2019hinn dervii. El traditor Bernardin, quand el s\u2019\u00e8 vist schiivaa de tucc come on app\u00e8staa e disprezzaa di st\u00e8ss frances, el s\u2019\u00e8 tolt la vita… e l\u2019ha faa benone. Milan el conta un vigliach e un traditor de men. La fuga del Moro l\u2019ha sbigottii tucc, perch\u00e8 nissun avaria mai pensaa ona roba simil! Parl\u00e8mm poeu minga di s\u00f2 amis che hinn r\u00e8staa l\u00ec come qu\u00e8i de la masch\u00e8rpa.
\nA ruvin\u00e0 Lodovico l\u2019\u00e8 stada la mania del lusso, roba de non cred adrittura, e per sta ben lu el faseva sta mal la popolazion e l\u2019ha giugaa la popolaritaa che\u2019l s\u2019era acquistaa in trent\u2019ann!… e che l\u2019era minga poca. El gh\u2019aveva poeu… che\u2019l se credeva invulnerabil e i milanes diseven: \u201cDio in cielo el Moro in terra savio sar\u00e0 chi intender\u00e0 questa guerra.\u201d E insc\u00ec torna per la segonda volta in Italia i frances… e lassa che la vaga! E intanta Milan l\u2019\u00e8 semper in man a can e borian.
\nLuis XII\u00b0 el ven gi\u00f2 quasi… senza colpo ferire, come se dis, a occup\u00e0 el Ducaa de Milan el ses Ottober del 1499. Bisogna confess\u00e0 che in di vintis\u00e8tt d\u00ec che\u2019l Luis l\u2019\u00e8 staa chi, l\u2019ha faa di gran b\u00e8i robb e l\u2019ha miss fina el Senato. L\u2019omm, come omm, l\u2019era bon e l\u2019ha savuu acquistass la simpatia de tucc, ma siccome el prov\u00e8rbi el dis che minga tucc i giamb\u00e8ll ri\u00e8ssen cunt el bus, insc\u00ec de tucc i robb b\u00e8i che l\u2019ha faa voeuna la gh\u2019\u00e8 propi riussida mal, \u00e8 l\u2019\u00e8 stada precisament qu\u00e8lla de fa, prima de torn\u00e0 in Francia, governator de Milan el Triulz, dopo che l\u2019aveva creaa Maresciall de Francia. Lu el credeva de fa una roba ben fada, tanto p\u00f9 che l\u2019era anca milanes, ma la manera de comportass del Triulz coi so compatriott, l\u2019aveva tanto indisp\u00e8ttii i milanes che ghe n\u2019aveven fin dessoravia di cav\u00e8i, al punto de accusall come traditor del Re e de la Patria. Come hoo gi\u00e0 ditt, Luigi XII\u00b0, l\u2019\u00e8 staa chi circa un mes e quand l\u2019\u00e8 ritornaa in Francia el s\u2019\u00e8 portaa cunt lu Francesco Sforza e el fiueu piscinin del pover Galeazz Maria e de Isab\u00e8lla. Dato donca i b\u00e8i prod\u00e8zz del Triulz i milanes, che da la p\u00e0d\u00e8lla, senza vorr\u00e8ll, eren borlaa in la brasa, fann del tutt per fa torn\u00e0 indre\u00e8 Lodovico.\u00a0
\nEl Moro, quantunque in Germania ospite de l\u2019Imperator Massimilian, sentend la nostalgia per el Ducaa de Milan, el pensa, scortaa de palanch, e tanti, come l\u2019era, de tir\u00e0 apr\u00e8ss Svizzer e Borgognoni, e quatter mes dopo el torna in Lombardia e subit el ricupera i t\u00e8rr del Lagh de Comm. Savuu la roba, i milanes se armen per and\u00e0 contra i frances.
\nSbaren i strad, fann son\u00e0 campann e mart\u00e8ll fasendegh ciapp\u00e0
\n‘na tal paura al Triulz, el qual el cred ben de daghen ona f\u00e8tta.
\nLodovico l\u2019entra trionfalment in Milan applaudii da chii prima l\u2019aveven schivaa, al quatter Febbrar del 1500, el che voeur di cinqu mes e duu d\u00ec dopo che l\u2019era andaa via. Per\u00f2 el trionfo del Moro el dura poech.
\nSubit el va cont i so Svizzer per assedi\u00e0 Novara, ma el ven lu st\u00e8ss assediaa dal Triulz. Lodovico el se ved p\u00e8rs e inveci de segu\u00ec l\u2019esempi di so soldaa lombard \u00e8 fass largo cont la spada in man, el tenta de scapp\u00e0 trav\u00e8st\u00ec de fantaccin svizzer, ma l\u2019\u00e8 ricugnussuu, faa presonee e insc\u00ec consciaa el ven portaa davanti al so mortal nemis Gian Giacom Triulz. E qu\u00e8sta credi che la sia stada la sua pussee grand umiliazion. I milanes, o per di m\u00e8i i po\u00e8ta popolar, faseven parl\u00e0 insc\u00ec Lodovico:\u00a0<\/p>\n
Lodovico el comencia la sua via crucis. Guidaa da Monsignor de la Tremoja, capitani frances, cont tresent cavalier, el ven menaa in Francia. A Asti, la folla vedendel, la vusa furibonda: \u201cMora il Moro!\u201d e lu, ross come on pollon, el se quatta la faccia piangend come un fioeu. Luis XII\u00b0 l\u2019aveva daa ordin che\u2019l Duca tant in del v\u00e8stii come in del mangi\u00e0, el fuss trattaa come lu st\u00e8ss. Ma lu non el mangiava che frutta.
\nEl moeur in del Cast\u00e8ll de Loches nel Berry dove el gh\u2019\u00e8 staa per vott ann, al vintis\u00e8tt de Magg del 1508 a l\u2019etaa de cinquantas\u00e8tt ann, lassand indree duu fioeu, Massimilian e Francesch, ricoveraa a la cort de Francia. Anca Ascanio, cardinal e frad\u00e8ll del Moro, l\u2019\u00e8 staa faa presonee e portaa in Francia. E insc\u00ec ha finii la sua vita
\nLodovico el Moro. N\u00e8 podeva v\u00e8ss div\u00e8rs perch\u00e8 l\u2019\u00e8 inutil, o pr\u00e8st o tard i cattiv azion se paghen e in, su la coscienza, ghe n\u2019aveva div\u00e8rs: el sangu de Cicco Simon\u00e8tta e qu\u00e8ll de av\u00e8 privaa del Ducaa de Milan el fioeu de Galeazz
\nMaria. Per\u00f2 devom v\u00e8ss giust. Se Lodovico l\u2019aveva imitaa
\nTiberio in una bassa politica, l\u2019aveva per\u00f2 sorpassaa in munificenza
\nAugusto. Cont men ambizion, Lodovico el saria staa el princip pussee d\u00e8gn del so secol, perch\u00e8 cont talent innegabil e coeur generos, l\u2019ha daa spinta a ogni cultura e l\u2019ha faa oper taj che deven per forza d\u00e8st\u00e0 l\u2019ammirazion de tucc come el Lazzar\u00e8tt, la Madonna de S. C\u00e8ls, el Mont de Pietaa, l\u2019union di Navilli de l\u2019Adda e del Tesin, l\u2019introduzion di g\u00e8ls o mori dal qual, pararia, fuss vegnuu el soranomm de Moro.
\nEl s\u2019era poeu circundaa de artista e letteraa, come el Calcondilla, primm editor de Omero, el Merula, el Paccioli, el Calchi, el Bramante che l\u2019ha abbellii Milan, el Gafurio, president del primm Conservatori de musica che ghe fuss in Italia, el Vinci che l\u2019ha fondaa la Scuola Lombarda e che l\u2019ha pitturaa la famosa Cena degli Apostoli che n\u2019ha parlaa e ne parla anm\u00f2 tutt el mond. A Lodovico el Moro se ghe attribuiss anca l\u2019inizi del palazz universitari a Pavia che\u2019l saria poeu qu\u00e8ll in corrispondenza ai primm do cort d\u00e8stinaa per i dottor e per qu\u00e8i che studia leg. L\u2019ha regalaa vint mila p\u00e8rtegh de t\u00e8rren ai Domenican che gh\u2019aveven el convent taccaa a Vigeven che ancam\u00f2 incoeu se ciama la Sforzesca. Bisogna per\u00f2 di che l\u2019esempi de Lodovico l\u2019era imitaa anca da alter milanes, tant \u00e8 vera che\u2019l Dumenican Stefano da Seregno l\u2019ha fundaa la confraternita de S. Corona: \u201cCon una spiziaria, con il spiziario et medesine, et fu ordinato uno medego che andasse a visitare li infermi; et secondo le ricette facevano, cos\u00ec sid esse via, et ditti medici fudessero pagati, salvo quelli che facevano amore Dei.\u201d Bartolomeo Calchi, segretari de Cort, l\u2019ha fondaa i scoeul dei qu\u00e0i gh\u2019\u00e8 ancam\u00f2 incoeu traccia in di pension che ghe se d\u00e0 ai fioeu che g\u2019ha i so gent scars de palanch, in del collegio Calchi e Taeggi a Porta Vigentina.
\nLodovico el gh\u2019aveva anca una gran affezion per la sua Beatrice che, poverina, l\u2019\u00e8 morta a vintitrii ann! E la proeuva de sto grand amor l\u2019\u00e8 che prima de scapp\u00e0 in Germania l\u2019\u00e8 cors in Santa Maria di
\nGrazi, el s\u2019\u00e8 buttaa su\u2019l sarcofogh de la sua Beatrice e piangend el diseva che, pussee del Ducaa, ghe dispiaseva de abbandon\u00e0 qu\u00e8ll sass. La statua de Beatrice la se ved in la Certosa de Pavia, de fianch a qu\u00e8lla de so mar\u00ec. Se voeur che Lodovico el gh\u2019abbia avuu d\u00f2 relazion, voeuna cont Cecilia Gallerani e l\u2019altra cont Lucr\u00e8zia; sar\u00e0 benissim e gh\u2019\u00e8 propi nient de d\u00ec!… Si sa.., l\u2019uomo non vive di solo pane!<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo Intanta la povera Isab\u00e8lla la s\u2019\u00e8 ritirada a Napoli, vist che\u2019l so fioeu Francesch el p\u00f2 minga, come ghe sp\u00e8ttava de diritto, v\u00e8gh la succession del Ducaa, tutt ben intes, perch\u00e8 Lodovico el gh\u2019aveva m\u00e8ttuu el sciampin. Lodovico, furb come l\u2019era, al Consilli dei\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2815","post","type-post","status-publish","format-standard","hentry","category-meneghino"],"yoast_head":"