il milanese usato in questa pagina risale all\u2019inizio del XX\u00b0 secolo<\/p>\n
Mort Francesco Sforza II in del 1535, come hoo gi\u00e0 ditt, il milanese usato in questa pagina risale all\u2019inizio del XX\u00b0 secolo Mort Francesco Sforza II in del 1535, come hoo gi\u00e0 ditt, Antonio de Leyva el ciappa poss\u00e8ss del staat de Milan in nomm de Carlo V e dopo div\u00e8rs tentativ e prog\u00e8tt el Ducaa de Milan el passa in di man difinitivament ai Spagnoeu.\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2818","post","type-post","status-publish","format-standard","hentry","category-meneghino"],"yoast_head":"
\nAntonio de Leyva el ciappa poss\u00e8ss del staat de Milan in nomm de Carlo V e dopo div\u00e8rs tentativ e prog\u00e8tt el Ducaa de Milan el passa in di man difinitivament ai Spagnoeu. Milan el g\u2019ha p\u00f9 on princip s\u00f2, el p\u00e8rd ogni influenza politica e, ligaa man e pee, come ona piccola cittad\u00e8lla de provincia, el ven traa ins\u00e8mma al grand Impero Spagnoeu. El Re de Francia el vedeva de mal oeucc Carlo
\nV come padron de Milan e l\u2019andava adree a insist perch\u00e8 el Ducaa de Milan el ghe vegn\u00e8ss daa al so segond fioeu che l\u2019era poeu el
\nDuca d\u2019Orleans e che’ l discendeva da Valentina Visconti per via de Claudia soa mader. Ma l\u2019Imperator Carlo V se ne infischia de la sciora Valentina e de la Sciora Claudia; el lassa che l\u2019Orleans el discenda da dove el voeur lu, el va adree a toeu in gir el Re di frances, ma el Ducaa de Milan le molla on accident. El Re, che l\u2019ha capii l\u2019antifona e stuff de v\u00e8ss menaa per el nas, in del 1536 el manda el so es\u00e8rcit in Piemont, e \u20191 s\u2019impadroniss de tutt, fina a la Sesia. Carlo V, vist insc\u00ec, el se moeuv lu e el ri\u00e8ss a casci\u00e0 foeura d\u2019Italia i frances.
\nIn qu\u00e8lla gu\u00e8rra moeur Antonio de Leyva, e al so post ghe va el marches del Vasto, don Alfonso d\u2019Aroios. Francesco I el manda duu ambasciator, vun a Venezia e l\u2019alter a Constantinopoli, ma el marches del
\nVasto mi je fa ciapp\u00e0 su\u2019l Po, vesin a la foce del\u00a0 Tesin, e mi je fa massacr\u00e0 tucc e duu, per pod\u00e8 and\u00e0 in poss\u00e8ss di cart che avarien dovuu\u00a0 v\u00e8gh, ma l\u2019\u00e8 r\u00e8staa scornaa perch\u00e8 i cart. eren gi\u00e0 staa spedii prima a la soa destinazion. Quij duu delitt hann faa and\u00e0 in b\u00e8stia, e cont reson, el Re de Francia che, cont el so es\u00e8rcit, comandaa da Francesch
\nBorbon cont d\u2019Enguien, el ghe d\u00e0 ona bona p\u00e8ttenada a l\u2019esercit
\nImperial comandaa dal st\u00e8ss marches del Vasto, a Cerisola, el quattordes
\nApril 1544 C\u00e8rt el Borbon l\u2019avaria invas anca el Milanes se la paas de Crespy la gh\u2019av\u00e8ss minga impost la fin di ostilitaa.\u00a0 In qu\u00e8ll trattaa, era staa stabilii che l\u2019Imperator el gh\u2019avaria daa per miee al Duca d\u2019Orleans o la soa tosa Maria cont la dota de la Fiandra, o la tosa de so frad\u00e8ll Ferdinand, cont el Ducaa de Milan per dota.
\nEl Duca d\u2019Orleans el g\u2019ha minga rispost: qu\u00e8sta o qu\u00e8lla per me pari sono, ma di d\u00f2 l\u2019ha sc\u00e8lt la segonda, minga perch\u00e8 la fud\u00e8ss la pussee b\u00e8lla, ma perch\u00e8 la ghe portava, come se dis, el Ducaa de Milan in del scossaa. Ma el matrimoni el s\u2019\u00e8 poeu minga effettuaa, per la semplice reson che al Duca d\u2019Orleans ghe vegnuu in ment de mor\u00ec quasi subit, malgrado el fuss giovanissim. L\u2019imperator allora l\u2019ha pensaa ben de inv\u00e8st\u00ec subit del Ducaa de Milan el so fioeu Don Filipp. Intanta, al vundes de Marz del 1544, nass a Sorrento
\nTorquato Tasso. Moeur, in del Marz del 1546, a Vigeven, el Marches del
\nVasto, per lassagh el post a don Ferrante Gonzaga e cont lu, se Dio voeur, g\u2019hemm a che fa cont on galantomm! L\u2019\u00e8 a lu che Milan el ghe dev i bastion che in part se veden ancam\u00f2 incoeu e che hann unii a la cittaa tutt i borgh, perch\u00e8 come savii, la cinta de Milan, quand l\u2019hann slargada per la segonda volta, l\u2019andava dom\u00e0 fina al navilli.
\nQuand el Gonzaga el doveva ricev in Milan el princip don Filipp, el dava l\u2019ordin de m\u00e8tt la cittaa in condizion de pod\u00e8 ricevel ben e Filipp, per riconoscenza v\u00e8rs i milanes per tucc i attenzion e gentil\u00e8zz che ghe usaven, el vorreva regalagh la… Santa Inquisizion.
\nI milanes\u00a0 s\u2019hinn oppost in d\u2019ona manera insci energica che Filipp l\u2019ha miss la b\u00e8rta in sen… e se n\u2019\u00e8 parlaa p\u00f9. Non mancava propi che la Santa Inquisizion, per complet\u00e0 l\u2019opera! El
\nGonzaga l\u2019aveva faa sgrand\u00ec la Pi\u00e0zza del Domm fasend sbatt gi\u00f2 la gesa v\u00e8ggia de S. Tecla estiva e sbatt gi\u00f2 tanti poggioeu de l\u00e8gn e c\u00e8rti t\u00e8cc che faseven schivi.
\nQuaivun vorreva sbatt gi\u00f2 anca i Colonn de S. Lorenz, ma el Gonzaga l\u2019ha minga vorruu assolutament. App\u00e8na che Don Filipp el lassa Milan, per and\u00e0 a Bruxelles a trov\u00e0 so pader, el Gonzaga cont la soa brava truppa el va per assalt\u00e0 Parma e per strada el comencia a impadroniss de Bresc\u00e8ll e Colorno. Intanta ven tragicament mazzaa el Duca Pier Luigi Farnese, nevod del Papa Paolo III, el qual vedend, dopo la mort de so nevod, che i Imperiaj aveven occupaa Piacenza, el fa Lega cont Enrico II che l\u2019era el successor, in del reamm de Francia, de Francesch
\nI. Ma el Papa Giulio III che l\u2019era succeduu a Paol III, el se dichiara nemis del Re de Francia e el se uniss a l\u2019Imperator. Insci tacchen ona gu\u00e8rra tal, che per l\u2019Imperator l\u2019\u00e8 stada on ver disaster.
\nVen ciamaa da la Toscana el famoso Gian Giacomo de\u2019 Medici<\/a>, marches de Marignano, incoeu Melegnan, per m\u00e8ttel a la t\u00e8sta de l\u2019es\u00e8rcit, ma anca a lu ghe ven la malinconica idea de and\u00e0 al mond de l\u00e0 e nissun \u00e8 staa bon de fagh cambi\u00e0 parer, tant \u00e8 vera che\u2019l moeur el vott de November del 1555. Gian Giacom<\/a> l\u2019era, come hoo gi\u00e0 ditt, milanes puro sangue e fioeu de Bernardo de Medici e de Cecilia Serbelloni.
\nI milanes g\u2019hann faa l\u2019onor de seppelill in Domm, in ona magnifica tomba disegnada da Michelangiol, che la se ved ancam\u00f2 incoeu e che segond el Vasari la saria stada fada da Leone Aretino che l\u2019ha finida in del 1564 e ghe l\u2019hann pagada 7800 scud d\u2019or. I ses colonn che se ved sarien staa regalaa da Pio IV<\/a>. Finalment tutt i potentaa combinen ona tregua a Cambrai. Carlo V el ced el trono al so fioeu Filipp
\nII e lu l\u2019entra in d\u2019on convent in Spagna. Intanta Milan el va adree a abb\u00e8lliss. El genoves Tommaso Marino el fa su qu\u00e8ll p\u00f2 p\u00f2 de Palazz in pr\u00e8ja che incoeu l\u2019\u00e8 sede del Monicipi, su dis\u00e8gn de l\u2019archit\u00e8tt Galeazzo Alessi da Perugia. In del
\n1564 el Re de Francia l\u2019ordina che l\u2019ann l\u2019abbia de comenci\u00e0 al primm de Gennar e p\u00f9 a Pasqua.
\n
In l\u2019ist\u00e8ss ann nass, a Pisa, Galileo Galiei e propi el desdott de Febbrar che l\u2019\u00e8 el d\u00ec che moeur Michelangiol. A stoo mond l\u2019\u00e8 insc\u00ec, chii va e chii ven.\u00a0<\/strong><\/p>\n","protected":false},"excerpt":{"rendered":"