il milanese usato in questa pagina risale all\u2019inizio del XX\u00b0 secolo<\/p>\n
Allora i frances cont el so Re, Francesch primm, hinn entraa in
\nMilan trionfalment e hann tegnuu el Ducaa per la bell\u00e8zza de ses ann e, per la veritaa, devom d\u00ec che hann faa del tutt… per non fass vorr\u00e8 ben e a consciamm in tutt i sals ghe pensava el Signore di Lotrecco che\u2019l governava in nomm del Re. I milanes, fina che hann poduu, hann portaa pazienza, ma quand n\u2019hann poduu p\u00f9, jutaa da Carlo d\u2019Austria e dal Papa Leone X\u00b0, hann faa ona Lega per ved\u00e8 de pod\u00e8 desfesci\u00e0 i frances da l\u2019Italia e specialment da Milan. Bisogna per\u00f2 conv\u00e8gn\u00ec che anca i frances ghe tegneven a fa ved\u00e8 che faseven quaicossa per el Ducaa de Milan. Francesch I\u00b0, per esempi, l\u2019ha tentaa de lass\u00e0 on monument de la soa beneficenza e l\u2019ha assegnaa des mila ducaa a l\u2019ann per di oper benefich. La m\u00e8taa de sta somma la doveva serv\u00ec, nientemen, che a fa ona specie de navilli tra Milan e el Lagh de Comm. E infatti hann faa di sopraluoghi a Malgraa e poeu in vall del Seves, e poeu taccaa a Ciass, ma hann trovaa di difficoltaa immens. Hann tentaa anca quell de Lugan e el Lagh Maggior, ma hann dovuu rimangiass l\u2019idea. La religion l\u2019era.., diroo… piena d\u2019intolleranz e ne faseven d\u2019ogni \u00e8rba on fass, El fraa, Bono da Cremona, per ved\u00e8 de pod\u00e8 m\u00e8ttegh on ripar, el fa on ricover per i donn che s\u2019eren convertii e che i ciamaven de Santa Valeria. El Senato, che cont el ricover el gh\u2019aveva a che fa, l\u2019ha decretaa che, se ona convertida de Santa Valeria l\u2019av\u00e8ss dom\u00e0 tentaa de scapp\u00e0, la doveva v\u00e8ss bollada in front cont on f\u00e8rr infogaa. A pocch a pocch \u00e8 vegnnu su di alter istitutt religios, i quai per\u00f2, bisogna dill, per quij pover crist che gh\u2019era ricoveraa, eren peg che v\u00e8ss a la reclusion! Se vedeva poeu attorna di pret cont di v\u00e8stii che faseva schivi e ona ber\u00e8tta tonda in t\u00e8sta e tucc senza capp\u00e8ll.
\nE minga c\u00e8rt perch\u00e8 el fud\u00e8ss de moda come incoeu… ma percb\u00e8 podeven minga toeull. Gh\u2019era anca la compagnia de le Dimesse, che eren tosann che portaven on pat\u00e8ll in t\u00e8sta e che andaven a cerca su… in c\u00e8rti d\u00ec de la settimana. Alla t\u00e8sta de stii oper benefich e confraternit, gh\u2019era la contessa Lodovica Torello de Guastalla. Sta contessa, che l\u2019era propi la beneficenza in persona, l\u2019aveva venduu el so domini ereditaa dal pader Achille Torello a don Ferrante
\nGonzaga e l\u2019aveva faa su el gran monasteri de S. Paol per le Dimesse e qu\u00e8ll del Crocifiss per le Converite; ma disgustada, perch\u00e8 le Dimesse s\u2019eren ridott a clausura, la s\u2019\u00e8 ritirada in del colleg de la Guastalla, fondaa da lee anca qu\u00e8ll, per l\u2019educazion di tosann pover che gh\u2019av\u00e8ssen in del sangu almen duu o trii quart de nobiltaa.
\nEd ecco che, senza vorr\u00e8ll, hoo ciappaa la solita scors\u00e8tta.
\nAbbiee pazienza e torn\u00e8mm indree che, dopo tutt, i passeggiad fann minga mal, e poeu, anca se vorressom no bisogna torn\u00e0 indree per forza percb\u00e8 g\u2019hemm in c\u00e0 i frances, come avii vist, e voeurom disfesciai pussee che a la sv\u00e8lta. Maria Francesc\u00f2 II\u00b0, che l\u2019era frad\u00e8ll del M\u00e0ssimilian e per conseguenza fioeu de Lodovico el Moro, l\u2019aveva minga c\u00e8rt rinunciaa al Ducaa de Milan che\u2019l ghe sp\u00e8cciava de diritto e el fa de tutt per v\u00e8ghel.
\nMa l\u2019\u00e8 ben che durant la famosa battaglia de Marignan, Maria Francesch l\u2019era staa portaa in Germania!… L\u2019Imperator e tutt i potenz d\u2019Italia, men i Venezian, se m\u00e8tten ins\u00e8mma per rim\u00e8ttegh el
\nDucaa al Sforza e, a furia de dagh, ghee ri\u00e8ssen. Maria Francesch
\nII\u00b0 l\u2019entra in Milan accolt dai milanes cont gran dimostrazion de content\u00e8zza e de allegria el quatter April del 1522: \u201cFece la intrata in la citt\u00e0
\nMediolanense; e tutto il popolo con sonar de campane e sparare de artellaria, parendo rovinasse il mundo\u201d. I milanes speren tutt dal bon Duca e principalment qu\u00e8ll de pod\u00e8 v\u00e8ss on poo tranquij, ma purtropp la tranquillitaa e la paas l\u2019\u00e8 minga roba per lor. On Bonifacio Viscont, camerer de Cort, el branca a tradiment el Sforza tra Milan e Monza, e cont on pugnal el c\u00e8rca de mazzall, ma Dio l\u2019ha minga vorruu on\u2019infamia simil, perch\u00e8 el Duca el r\u00e8sta dom\u00e0 ferii leggerment.
\nEl camerer vigliacch el fa in temp a scapp\u00e0. On c\u00e8rto Galeazzo
\nBirago el tenta ona rivolta… ma el fa marron e insc\u00ec el ghe lassa la t\u00e8sta. Intanta Guglielmo de Gluffier, conossuu cont el nomm de
\nAmmiraglio Bonnivent, el ven gi\u00f2 cont l\u2019es\u00e8rcit de Francesch
\nI\u00b0, ma contra\u2019lu ghe va i Confederaa Imperiaj e Veneti comandaa del vicer\u00e8 de Napoli Carlo Lannoy. L\u2019Ammirali el se ferma a Biagrass per resping la milizia milanesa comandada dal Sforza st\u00e8ss, ma ghe tocca fil\u00e0 pussee che impr\u00e8ssa. La vittoria ottegnuda dai milanes, Milan l\u2019ha pagada cara. La p\u00e8ste che gh\u2019era in Abbiate, la ven ciappada da la milizia che torna indree e l\u2019\u00e8 on disaster:
\n\u201cAppiccata la peste crudelissima in epsa citt\u00e0 per le robe ammorbate de epso castello portate in dicta cittade de exstima moressero delle anime octanta milia (in di mes de Giugn, Luj e Agost 1524) e pi\u00f9 presto de pi\u00f9 che de manco\u201d. El Re de Francia, es\u00f2s come l\u2019era al ponto de v\u00e8ghen mai assee, l\u2019approfitta de la squallida miseria che l\u2019infieriss su Milan per vegnimm ancam\u00f2 a giramm intorna; ma el g\u2019ha el castigh che\u2019l se merita. El vinticinqu de Febbrar del 1525, el scior Re de Francia, che l\u2019\u00e8 poeu semper Francesch primm, combattend a Pavia el ghe borla in di sciamp ai Imperiaj. I duu soldaa spagnoeu Diego
\nAbila e Giovann d\u2019Urbieta el m\u00e8nen in la Certosa propi in del moment che i fraa cantaven: \u201cBonum mihi quia humiliasti, me ut discam iustificationes tuas\u201d. Ma sup\u00e8rb come l\u2019era se ne infischia altament del salmo, almen apparentement, perch\u00e8 la battosta l\u2019ha de av\u00e8lla sentida in pien, tant \u00e8 vera che dopo l\u2019ha scritt a soa mader i famos paroll:
\n\u201cTutto \u00e8 perduto fuorch\u00e8 l\u2019onore\u201d.\u00a0 Devi d\u00ec, per la verit\u00e0, che la vittoria la se ghe dev on poo tanto al milanes
\nGian Giacom De Medici detto, de soranomm, el Medeghino, che\u2019l vareva tanto or come\u2019l pesava, per el so valor, la soa astuzia e la soa furberia e Carlo
\nV\u00b0 le tegneva come vun di so pussee bravi capitani. Lu l\u2019era staa bon de penetr\u00e0 in Valtellina, ciapp\u00e0 Chiavenna che l\u2019era in di man di Grigioni e costring Francesch de Francia a distacc\u00e0 ses mila omen per difendes de stoo alter attacch del De Medici. Insc\u00ec essendes el nemis slegerii de forz su\u2019l Paves gh\u2019\u00e8 r\u00e8staa pussee facil ai Imperiaj, Lannoy, Pescara, Borbone resist e Antonio de Leyva l\u2019ha poduu sta in Pavia anca ben che i frances gh\u2019av\u00e8ssen gi\u00e0 faa ona br\u00e8ccia in di bastion. La potenza de l\u2019Imperator de Germania e, per bona misura, Re de tutta la Spagna, l\u2019era arrivada al ponto de minacci\u00e0 tutt i princip d\u2019Italia. El Papa Clement VII\u00b0, i Venezian, el Sforza cont el so cancellier Girolom Morone, aveven capii che gh\u2019era minga tant de dorm\u00ec su la cav\u00e8zza e se accorden de fa in manera de desfesci\u00e0 da la penisola i nemis che minacciaven l\u2019Italia. Essendegh andaa a l\u2019or\u00e8ggia al Morone che Ferdinando d\u2019Avalos, marches de Pescara, l\u2019era minga staa content de come l\u2019aveva ricompensaa Carlo V\u00b0 per tutt qu\u00e8ll che l\u2019aveva faa per lu, el cerca de faghel and\u00e0 gi\u00f2 del birla del tutt, prom\u00e8ttendegh a nomm del Papa, se\u2019l se m\u00e8tteva da la part de la Lega, la corona de Napoli. El Marches de Pescara l\u2019avaria accettaa se la soa miee, che l\u2019era la po\u00e8tessa Vittoria Colonna, l\u2019av\u00e8ss minga dissuas. Antonio de Leyva el ven a sav\u00e8 de la cospirazion e subit el m\u00e8tt denter el Moron el qual l\u2019ha poduu salv\u00e0 la t\u00e8sta pagand vint mila ducaa. El Sforza el ven dichiaraa m\u00e8zz matt e l\u2019\u00e8 miss in Cast\u00e8ll guardaa di soldaa spagnoeu. I milanes, davanti a tanta infamia, n\u2019hann vorsuu p\u00f9 e gh\u2019aveven minga tort, anca perch\u00e8 i saccheg eren a l\u2019ordin del giorno.
\nEl vintiquatter April 1526, el popol el se m\u00e8tt in armi e \u2018l se raduna in Cordus, e poeu el va a sfond\u00e0 i port del palazz Ducal e di preson. Per l\u2019intromission d\u2019on personagg, che l\u2019era el Francesco
\nVisconti, se p\u00f2 v\u00e8gh on poo de calma, ma in Giugn i milanes tornen de capp a radunass in via Bij, a la Scala, in di Cinqu Vij, al Bocch\u00e8tt, ma i spagnoeu e i Lanzichenecchi ri\u00e8ssen a v\u00e8gh reson lor e m\u00e8tten Milan a f\u00e8rr e foeugh. Intanta in Lombardia e a
\nMilan specialment, seguitava a v\u00e8gn\u00ec gi\u00f2 soldaa todesch e spagnoeu a martirizz\u00e0 i pover milanes. Saccheggen bottegh, ges, tutt! In ultim \u00e8 vegnuu gi\u00f9 do mila spagnoeu, pussee affamaa e strasciaa di alter al ponto che i milanes g\u2019hann miss de soranomm \u201cBisognosi\u201d.
\nLor de nott, cont i scai, andaven denter di poggioeu, di fin\u00e8ster, di t\u00e8cc, andaven in di c\u00e0 a spazza via el b\u00e8ll e el bon. Se poeu ghe borlava in di man quaighedun de nott, el sbiottaven come
\nDio l\u2019aveva creaa. Insomma l\u2019era peg del bosch de la m\u00e8rlada. Liberaa el Sforza, che l\u2019era mai staa matt, in del 1529 l\u2019otten, da Carlo V\u00b0, l\u2019inv\u00e8stidura del Ducaa de Milan pagandola 400.000 ducaa e l\u2019obbligh de dagh a Antoni de Leyva Pavia e la contea de Monza. Intanta moeur Girolom
\nMorone e va al so post de cancellier, Francesco Taverna. Al Sforza ghe ven daa, dal st\u00e8ss Carlo V\u00b0, la soa nevoda in sposa, la b\u00e8llissima
\nCristina, tosa de Cristiano II\u00b0, Re de la Danimarca e d\u2019Elisab\u00e8tta de Austria sor\u00e8lla de Carlo V\u00b0. E ad\u00e8ss, se ve fa nagotta, ghe doo la parola al c\u00e8rvelee Gianmarco Burigozzo. S\u00e8mm al trii de Magg del 1534. Guardee che l\u2019\u00e8 el c\u00e8rvellee che parla, nee!… \u201cSotto al baldacchino portato dai dottori era la sposa, tuta vestita di brocato d\u2019oro e alla franzetta; e appresso de lei ghera el Cardinal de Mantova. Per staffieri di sua Excellentia gherano dodici conti dei prima della citt\u00e0 nostra vestiti di brocato d\u2019oro con le sue berette con le penne dentro, che ciascheduno de loro pareano un imperatore; talch\u00e8 pareva che soa Excellentia fosse in un bosco in mezzo di quelli baroni per quelli penaggi bianchi tanto grandi quali avevano. De la bellezza di sua Excellentia veramente \u00e8 pi\u00f9 cera divina che umana. Intr\u00f2 per la Porta Ticinese e cos\u00ec rinand\u00f2 alla piazza del Castello fu tirata l\u2019artellaria d\u2019allegrezza\u201d. El c\u00e8rvellee che l\u2019aveva lassaa scritt a la b\u00e8ll e m\u00e8i tutt qu\u00e8ll che l\u2019aveva veduu dal 1500 al 1554, el finiss la soa cronaca disend: \u201cIl resto lo vedrete nella cronaca del mio filioro, imperciocch\u00e8 per la morte, che mi \u00e8 sopragiunta, non posso pi\u00f9 scrivere..\u201d El Sforza el ghe fa poca compagnia a la soa b\u00e8lla C\u00f9sina perch\u00e8 dopo on asin, e cio\u00e8 el primm November del 1535, el moeur de consonzion.
\nEl dolor provaa di milanes ve le dis ancam\u00f2 el c\u00e8rvellee… che allora l\u2019era minga nancam\u00f2 mort. \u201cIn Duomo framezzo al gran piangere messer Gualtero de Corbetta fece una sermone in laude de sua Excellentia che fu una cosa maravigliata\u201d Insc\u00ec dopo vottantacinqu ann finiss la sovranitaa de c\u00e0 Sforza… per incominci\u00e0 qu\u00e8lla
\nAustro Spagnoeula e anca cont lee… gh\u2019\u00e8 minga tant de sta s\u00f9 allegher! Ecco andada, cont l\u2019epoca Viscontea, anca qu\u00e8lla Sforzesca.
\nDe dodes Viscont, s\u00e8tt hann faa ona fin de m\u00e0lad\u00e8tt e de ses Sforza, quatter hinn mort massacraa, velenaa o in preson. L\u2019\u00e8 pero on fatto che, tanto i Viscont che i Sforza, se n\u2019hann faa on poo de tutt i color, hann faa anca di oper che hinn r\u00e8staa e che Milan l\u2019\u00e8 orgoglios de v\u00e8gh, e, se non me sbali, me par anca de av\u00e8i gi\u00e0 citaa, ma forsi minga tucc. Per esempi in del 1450, sotta Francesco Sforza, i ingegnee Ducai, Filippo degli Organi, modenes, e Fioravanti, de Bologna, hann inventaa i conch, che tanti voeuren che sien staa ideaa da Leonardo da Vinci, e l\u2019\u00e8 on b\u00e8ll gamber che ciappen. Per el bisogn de fa avvicin\u00e0 pussee che l\u2019era possibil al Domm, i barch che portaven el marmo per fall su, e cbe\u2019l tiraven foeura di cav de la montagna ciamada Candoglia che se troeuva su la sponda del fiumm Toce vesin al lagh\u00e8tt de Mergozo, i duu ingegnee hann donca ideaa i conch per m\u00e8tt al liv\u00e8ll l\u2019acqua del navilli grand de Porta Cines, cont qu\u00e8lla del navilli interno e pod\u00e8 v\u00e8gn\u00ec cont i barch fina a la gesa de S. Steven, dove gh\u2019era on laghett, sta faa apposta per qu\u00e8ii. El lagh\u00e8tt l\u2019\u00e8 staa poeu quattaa in del 1857, e incoeu non gh\u2019\u00e8 r\u00e8staa, per soa memoria, che la via Lagh\u00e8tt e qu\u00e8lla de Poslagh\u00e8tt. Minga per nagotta el temp di Sforza l\u2019\u00e8 staa nominaa el secol d\u2019or, anca per arti e letter.\u00a0 E l\u2019\u00e8 semper per merit de Francesco Sforza II\u00b0, che i orfan\u00e8i g\u2019hann avuu ona c\u00e0. L\u2019Orfanotrofi l\u2019\u00e8 nassuu in del 1530. Ha comenciaa a ciappass a coeur quij pover fioeu abbandonaa,
\nS. Girolom Emilian, e tutt quij bagajtt che\u2019l trovava abbandonaa per Milan je menava in d\u2019on local che\u2019l gh\u2019aveva l\u00ec a San Sepolcher, ma siccome el local l\u2019era minga de soa proprietaa on b\u00e8ll d\u00ec gh\u2019\u00e8 toccaa spazz\u00e0 e l\u2019\u00e8 andaa a fen\u00ec in del Crocefiss dove poeu \u00e8 staa faa anca el Rifugio de S. Maria Egiziaca. El rifugio el gh\u2019\u00e8 poo ma la via Crocefiss la gh\u2019\u00e8 ancam\u00f2 incoeu.
\nFrancesco Sforza el se ciappa subit a coeur i orfan\u00e8i e l\u2019Ospizi che gh\u2019era adree a nass per merit de Emilian\u00a0 dal Crocefiss je manda in d\u2019on local pussee b\u00e8ll e pussee comod, in via del Giardin, incoeu via Manzon. E siccome el local l\u2019era vesin a la ges\u00e8tta de S. Martin, i bagaj ricoveraa hann ciappaa el nomm de Martinin che cons\u00e8rven ancam\u00f2 incoeu. S. Girolom l\u2019ha poeu traa ins\u00e8mma i Padri
\nSomaschi col titol de Servitor di pover orfan\u00e8i. E ad\u00e8ss f\u00e8mm on poo de conoscenza coi spagnoeu che per nun, francament parland, l\u2019era m\u00e8i p\u00e8rdi che trovai. Pensee che sotta qu\u00e8ll so car domini ghe s\u2019hemm staa la bell\u00e8zza de centsessantacinqu ann e tutt qu\u00e8ll che hann faa de b\u00e8ll in qu\u00e8ll temp per
\nMilan, non l\u2019\u00e8 staa che sgarbel\u00e0 a man salva. Per fortuna che in qu\u00e8ll\u2019epoca g\u2019hemm avuu on Carlo Borromeo, se de no in dove andavom a fen\u00ec le saveva nanca Pinco.\u00a0<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo Allora i frances cont el so Re, Francesch primm, hinn entraa in Milan trionfalment e hann tegnuu el Ducaa per la bell\u00e8zza de ses ann e, per la veritaa, devom d\u00ec che hann faa del tutt… per non fass vorr\u00e8 ben e a consciamm\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2819","post","type-post","status-publish","format-standard","hentry","category-meneghino"],"yoast_head":"