il milanese usato in questa pagina risale all\u2019inizio del XX\u00b0 secolo<\/p>\n
I affari de la casa Imperial par che vaghen minga tropp per la quale, ma el Cardinal Flemy, primm minister de Francia, el propon a Vienna di preliminari de paas che hann poeu portaa a la conclusion del trattaa de
\nParis. Allora el t\u00e8rritori Milanes, tant per cambi\u00e0 e num v\u00e8ss mai padron de c\u00e0 nostra, cont el Mantovan, el Parmigian e el Piacentin, l\u2019hann batt\u00e8zzaa \u201c Lombardia Austriaca \u201c … e lassa che la vaga… che la va benone!.., Ven a governalla el general conte Otto
\nFerdinando Traun. Carlo VI, l\u2019aveva minga sbagliaa quattr\u2019ann prima, a fa riconoss a tucc i sovran d\u2019Europa la \u201c pragmatica sanzione \u201ce cio\u00e8, che podeven benissim v\u00e8ss erede imperial, minga dom\u00e0 i mas\u2019c ma anca i tosann che, segond lu, eren minga… i fioeu de la s\u00e8rva.
\nE l\u2019\u00e8 staa per qu\u00e8ll che Maria Teresa, l\u2019unica tosa che gh\u2019era r\u00e8staa a Carlo VI, dopo la mort de l\u2019Arciduca Leopold, l\u2019ha poduu cons\u00e8rvagh la Corona ai discendent di Habsbourg. Ma ciapp\u00e8mm minga la solita inviada… se no se salvom p\u00f9 n\u2019anca a piang! In del 1712 gh\u2019\u00e8 andaa Arciv\u00e8scov Monscior Benedetto Erba, ciappand el post che aveva lassaa el Cardinal Giuseppe Archinto. E l\u2019\u00e8 precisament a l\u2019Erba che ghe devom i ges de S. Bartolomeo, de S. Francesch de Paola e de S. Peder Celestin. De governator g\u2019hemm avuu, in del 1715, el conte
\nLuigi di Vendomo e in del 1717, qu\u00e8ll bon e bravo magistraa che l\u2019era el cont Girolom de Collaredo, del qual, ancam\u00f2 incoeu, per soa memoria \u00e8 r\u00e8staa i sbar del navilli, faa m\u00e8tt de lu, per la sicurezza di cittadin in del 1719. E chiss\u00e0 quanti ciocch ghe sarann staa riconoscent… per vess minga borlaa in del navilli.
\nL\u2019Imperator Carlo VI el moeur in del 1740 e siccome el gh\u2019aveva minga de mas\u2019c, va su\u2019l trono soa tosa Maria Teresa. L\u2019era austriaca, l\u2019\u00e8 vera… ma a Milan l\u2019ha faa tanto ben e i milanes d\u2019allora podeven basagh la t\u00e8rra dove la m\u00e8ttcva i pee e qu\u00e8i d\u2019incoeu deven pronunci\u00e0 el so nomm cont tutt el risp\u00e8tt immaginabil. Qu\u00e8ll de Maria Teresa se p\u00f2 ciamall el temp di gu\u00e8rr de succession, tant \u00e8 vera che app\u00e8na m\u00e8ttuu in t\u00e8sta lee la Corona che gh\u2019aveva lassaa s\u00f2 pader, Carlo VI, l\u2019\u00e8 stada subit contrastada e per conseguenza tacca ona gu\u00e8rra, ma propi de qu\u00e8i de malad\u00e8tt, che pareva la dov\u00e8ss fin\u00ec p\u00f9… e Milan el ghe borla ancam\u00f2 in di man ai spagnoeu.
\nAncam\u00f2 ai spagnoeu?! S\u00ec, ma stremives minga!… L\u2019\u00e8 staa on\u00a0 domini ch\u2019\u00e8 passaa come… on temporal d\u2019estaa. App\u00e8na
\nMaria Teresa la s\u2019\u00e8 trovada Imperatrice e Regina, l\u2019ha nominaa \u00abco-reggente\u00bb
\nso mar\u00ec, Francesch Steven, Gran Duca de Toscana ed ex Duca de Lorena.
\nNass, in del 1741, e propi al tredes de Marz, l\u2019erede dcsideraa e cio\u00e8, l\u2019Arciduca Gius\u00e8pp. L\u2019Imperatrice l\u2019ha vorruu ricev i omaggi di div\u00e8rs staat, ma la s\u2019\u00e8 trovada contra i Elettor de Baviera, de Sassonia cont el Re de Spagna. La Cort de Francia la ten i part del
\nDuca bavares Carlo Alb\u00e8rt e la ri\u00e8ss a proclamall Imperator cont el nomm de Carlo VII in del 1742. Vist el pericol, Maria Teresa, la dimostra ona forza d\u2019anim che difficilment se riscontra in d\u2019ona donna.
\nLa salven i so fedelissim Palatini d\u2019Ungheria che aveven giuraa fedeltaa a lee e al piccol Gius\u00e8pp, e per lee se arma anca l\u2019Olanda e l\u2019Inghilterra.
\nI Gallo-Ispani, guidaa da Francesch t\u00e8rz, Duca de Modena, dal generali
\nDe Gages e dal maresciall Maillebois, parten d\u00e0 Napoli e da la Provenza e ajutaa dai Genoves, entren per forza in provincia d\u2019Alessandria, Traun, cont i Austro-Sardi, el corr per combatti, ma i vantagg ottegnuu dai Gallo-Ispani m\u00e8nen a Milan l\u2019Infante Don Filipp, ma dopo trii mes ghe tocca fa el ball del ritorno. L\u2019era entraa, l\u2019\u00e8 vera, a Milan in pompa magna el desnoeuv Dicember del 1745, ma l\u2019hann spedii de nascondon la nott del desdott Marz del 1746. E di che de qu\u00e8ll spagnoeu l\u00ec vorreven fann on Duca de Milan! B\u00e8ll\u2019affari che avarien faa! In di trii mes che l\u2019\u00e8 staa chi no\u2019l s\u2019interessava che de teater, de f\u00e8st, de baldori e de tutt el r\u00e8st… se ne lavava i man pussee che Pilatt.
\nEppur hinn minga mancaa quij taj che, al floeu del Re Filipp\u00a0 g\u2019hann d\u00e8rvii i brasc. Ma ghe n\u2019aveven minga avuu assee di spagnoeu?…
\nPer fortuna eren pocch e Maria Teresa l\u2019ha poduu castigai tucc come se meritaven. Moeur intanta Carlo VII al cinqu de Giugn del 1746 e Filipp
\nV el ghe va adree al d\u00ec noeuv d\u2019Agost. Insci, l\u2019incoronazion de
\nFranc\u00e8sch I e la vittoria di Imperiaj a Piacenza, cambien on poo i robb. De Gages e Maillebois ripassen i Alp in disordin e la Lombardia l\u2019\u00e8 restituida al domini Austriach. Anca Genova l\u2019ubbidiss a Maria
\nTeresa, ma on\u2019 imprudenza del comandant general Botta Adorno, l\u2019\u00e8 causa de l\u2019ammutinament di cittadin e de la ritirada de la guarnigion alemanna.
\nPer ved\u00e8 de ricuper\u00e0 Genova, corr el Scoulemberg, el Braun e el Pallavicino.\u00a0 La paas desiderada de tucc la ven conclusa a Aix-la-Chapelle per cura dei minister Rietberg, conte de Kaunitz. E ad\u00e8ss se ve fa nagotta, podom tir\u00e0 on poo de fiaa, perch\u00e8 de gu\u00e8rr per quarantott\u2019 ann se ne parla p\u00f9, va ben? ? Sia lodato Iddio!.~.
\nS\u00ec… e sempre sia!
\n
L\u2019\u00e8 vera che se la gu\u00e8rra ghe l\u2019avevom p\u00f9 in c\u00e0 nostra. ..la faseven i alter. .. e i spes mi faseven pag\u00e0 de nun!\u2026 E qu\u00e8st per non famm p\u00e8rd l\u2019abitudin, ma puttost de v\u00e8gh la gu\u00e8rra e i spes\u2026 l\u2019era m\u00e8i che andava a l\u2019inf\u00e8rno dom\u00e0 i palanch. L\u2019\u00e8 vera o no?<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo I affari de la casa Imperial par che vaghen minga tropp per la quale, ma el Cardinal Flemy, primm minister de Francia, el propon a Vienna di preliminari de paas che hann poeu portaa a la conclusion del trattaa de Paris. Allora el t\u00e8rritori\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2823","post","type-post","status-publish","format-standard","hentry","category-meneghino"],"yoast_head":"