il milanese usato in questa pagina risale all\u2019inizio del XX\u00b0 secolo<\/p>\n
Gh\u2019\u00e8 staa anca fior de nobil milanes che faseven di b\u00e8i oper de caritaa che se i lassassi in la p\u00e8nna el saria on mal! E
\nsiccome de mal su la coscienza voe\u00f9ri minga v\u00e8ghen, insc\u00ec, tant per citann on quaivun, cominciaroo da Giovanni Ambrogio Melzi, perch\u00e8 l\u2019ha lassaa di limosin de vitto e de v\u00e8stii annualment e di somm minga indifferent per colloc\u00e0 i pover tosann on\u00e8st e levai dai pericol. El cont Bartolomeo Arese l\u2019ha faa ricostru\u00ec la gesa de Santa Maria a la Porta su dis\u00e8gn de Franc\u00e8sch Ricchini… e podari\u00e0 insc\u00ec seguit\u00e0. Anca le belle arti fioriven per merit de Cesare Dandolo, venezian, di duu frad\u00e8i Campi, d\u00ec frad\u00e8i Procaccini, ma anmo pussee per Daniele Crespi e Francesco
\nMazzucchelli de sangu lombard. E podaria nominann ona quantitaa. Ma qu\u00e8ll che tegni a ricord\u00e0 l\u2019\u00e8 el pader cappuccin, Giambattista
\nAggiugari de Monza, al qual ghe devom i capp\u00e8ll de la Madonna del
\nMont de Vares. Sigura… propi a lu ghi devom! Dovii sav\u00e8 che, anticament, esisteva ona specie de Santuari de la Beata Vergin, propi in scima come ad\u00e8ss, ma gh\u2019era minga i strad de and\u00e0 su. El pader cappuccin
\nGiambattista Aggiugari, cont i so predich, l\u2019\u00e8 staa bon de tir\u00e0 su pussee d\u2019on milion tra la popolazion de Vares, Gallaraa, Bust, Somma,
\nCarnagh e Caronn Ghiringh\u00e8ll e subit l\u2019ha spes per fa di b\u00e8i strad, i capp\u00e8ll e offr\u00ec qu\u00e8lla magnifica passeggiada da Vares a la Madonna del Mont, che l\u2019\u00e8 voeuna di pussee preferii dai milanes. E l\u2019\u00e8 b\u00e8lla de bon!
\n
Quanti milanes che ghe manca quatter e m\u00e8zz a fa cinqu sold e che, podend minga perm\u00e8ttess el lusso de fa el so mes de campagna, se limiten, ona quai f\u00e8sta ogni tant, a fa ona passeggiada fina a la prima Capp\u00e8lla e che stann l\u00e0 tutt el d\u00ec a respir\u00e0 qu\u00e8ll\u2019aria balsamica, che la Madonna la boffa gi\u00f2 senza economia!
\nMa ritorn\u00e8mm a qu\u00e8i car spagnoeu. Essend Carlo II senza fioeu, se comencia pens\u00e0 a chi andar\u00e0 a s\u00e8ttass gi\u00f2 su\u2019l trono de Spagna e, naturalment, salta foeura on bord\u00e8ll de pretendent. El primm l\u2019\u00e8 Leopoldo I, capp de la famiglia imperial
\nAustriaca de Germania, poeu ven el Delfino de Francia; perch\u00e8 l\u2019\u00e8 fioeu maggior de la sor\u00e8lla de Carlo II. El t\u00e8rz l\u2019\u00e8 el Duca de Savoja e a fa el quart vegnaria el princip elettor de Baviera, parent per via de donn. A contentai tucc l\u2019\u00e8 minga \u2018na roba facil!…
\nCome se fa? Ma mai paura!…\u00a0 Quantunque el Re el sia ancam\u00f2 viv, l\u2019Inghilterra e l\u2019Olanda se ciappen lor l\u2019arbitrio de dagh: Spagna,
\nIndia e Fiandra al princip de Baviera.\u00a0 I d\u00f2 Sicilli ghii dann a Filippo d\u2019Angi\u00f2, segond fioeu del Delfino, e Milan al segond fioeu de Leopoldo. Carlo II, vist che\u2019l restava a momenti nanca padron… de l\u2019appartament de foeura, el pensa ben de mor\u00ec in del 1700, lassand erede Filippo d\u2019Angi\u00f2. E chi, se ve fa nagott, finiss el domini spagnoeu in Milan dopo av\u00e8 duraa la be]l\u00e8zza de centsessantacinqu ann. Ma f\u00e8mmes minga di illusion per l\u2019amor del Signor!\u00a0 La famosa gu\u00e8rra per la succession de Spagna, la porta per la quarta volta i frances a occup\u00e0 Milan, ma gh\u2019\u00e8 minga de fassen meraviglia perch\u00e9 come v\u2019hoo gi\u00e0 ditt, i frances gh\u2019aveven el bigli\u00e8tt d\u2019andata e ritorno. Per\u00f2 in del 1706 el princip Eugenio de Savoja, el ghe d\u00e0 \u2018na bona p\u00e8ttenada ai frances attaccaa. a Turin e insc\u00ec \u00e8 staa proclamaa noster Duca Carlo II come Re de
\nSpagna e VI come Imperator, succeduu in del 1711 al frad\u00e8ll Gius\u00e8pp
\nI. Sotta Carlo VI la Lombardia l\u2019ha veduu p\u00f9 gu\u00e8rr fina in del 1733, ma l\u2019era come ghe fud\u00e8ssen, perch\u00e9 i pover milanes doveven pag\u00e0 i spes de qu\u00e8i che faseven in di alter part de l\u2019Impero.
\n
La gu\u00e8rra de Guastalla, s\u2019cioppada in del 1733, l\u2019ha propi faa gratt\u00e0 in coo, come se dis. Figureves che i lombard se sarien mai specciaa de dov\u00e8 v\u00e8rs\u00e0 el so sangu per la Polonia!
\nRoba de tra via el coo, ecco! Insci contra l\u2019Imperator gh\u2019\u00e8 andaa la Spagna, la Francia e el Re noeuv de Sardegna; Carlo Emanuele, el qual
\nRe, on poo tanto bellicos, el batt i Imperiaj e, come nagotta, el ven a impossessass de Milan. El domini l\u2019\u00e8 per\u00f2 minga staa longh perch\u00e9 l\u2019\u00e8 dur\u00e0 dom\u00e0 trii ann e cio\u00e8 dal 1733 al 1736. Ma per quanto l\u2019Imperator l\u2019abbia tornaa a ciapp\u00e0 el Ducaa de Milan, l\u2019ha dovuu tajaghen via on para de f\u00e8tt, e cio\u00e8, el Tortones e part del Novares, assegnaa, durant el trattaa de paas, a
\nRe Carlo Emannu\u00e8ll.<\/p>\n","protected":false},"excerpt":{"rendered":"
il milanese usato in questa pagina risale all\u2019inizio del XX\u00b0 secolo Gh\u2019\u00e8 staa anca fior de nobil milanes che faseven di b\u00e8i oper de caritaa che se i lassassi in la p\u00e8nna el saria on mal! E siccome de mal su la coscienza voe\u00f9ri minga v\u00e8ghen, insc\u00ec, tant per citann on quaivun, cominciaroo da Giovanni\u2026<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[25],"tags":[],"class_list":["post-2824","post","type-post","status-publish","format-standard","hentry","category-meneghino"],"yoast_head":"