![\"Disegno](\"https:\/\/www.melegnano.net\/wp-content\/uploads\/legacy\/images\/duomo01.jpg\")
del\n Domm abbien concors tucc i milanes ognidun segond i so forz. Intanta incominc\u00e8mm a di che tucc lavoraven gratis e che el Podest\u00e0, i pret, i nodar, i avvocatt e i nobil se vedeven ins\u00e8mma al magutt de mestee a port\u00e0 el g\u00e8rlo o la s\u00e8ggia, Tucc daven el so obol e ogni tant, per tir\u00e0 su danee, faseven di specie de passeggiad de beneficenza, che gh\u2019aveven per\u00f2 de la procession perch\u00e8 gh\u2019era ona fila de tosann v\u00e8stii de bianch che intanta che cercaven su, cantaven accompagnaa da tromh e piffer. Tanti daven gio\u00e8j, pelizz, formagg, farina, gran, polaster e per fina di asnitt, che l\u2019amministrazion de la Fabbrica la m\u00e8tteva a l\u2019asta. S\u2019\u00e8 verificaa di scen\u00e8tt pietos e commovent, come qu\u00e8lla d\u2019ona povera donna che non savend cosa d\u00e0 per ajut\u00e0 anca lee a fa su el Domm, la se tira gi\u00f2 el mant\u00e8ll strasc che la g\u2019ha sui spall e l\u2019offre a la Fabbrica. On scior, present a la sc\u00e8na, el compra el mant\u00e8ll e gile le rim\u00e8tt sui spall a qu\u00e8lla povera donna che la se ciamava Caterina de Abiate. Mi disaria che l\u2019\u00e8 minga el caso che abbiom de fa ona malattia seria, ve par? L\u2019important l\u2019\u00e8 che\u2019l Dumm el ghe sia e che nun milanes siom orgoglios de v\u00e8ghel.
\n C\u00e8rt che se Gian Galeazz l\u2019ha miss di palanch per la fabbrica del
\n Domm, anca el Sforza l\u2019\u00e8 minga staa indree sicur. La fabbrica del
\n Domm incominciada in del 1386 l\u2019\u00e8 durada pussee de quatter secol.
\n In del 1490 fina al 1500 G. A. Amodeo e Giovanni Dolcebuono fann la cupola.
\n In del 1576 fina al 1584 Carlo Borromeo cont l\u2019archit\u00e8tt Pellegrino
\n Tibaldi, detto Pellegrini, stabilissen i prog\u00e8tt per la facciada, ma mort el Borromeo e andaa in Spagna el Pellegrini la facciada l\u2019ha sta l\u00ec a sp\u00e8cci\u00e0 che… \u00e8rba cr\u00e8ssa. In del
\n 1603 se m\u00e8tt i fondament per la facciada e l\u2019Arciv\u00e8scov Federico
\n Borromeo, in del 1609, l\u2019ordina che la facciada la v\u00e8gna fada segond el prog\u00e8tt del Pellegrini. In del 1629 fina al 1658 ven nominaa capp de la Fabbrica del Domm l\u2019archit\u00e8tt Carlo Buzzi, che\u2019l prog\u00e8tt del Pellegrini l\u2019oss\u00e8rva fina a on c\u00e8rto pont. In del 1653 el concr\u00e8ta on prog\u00e8tt dcfinitiv che\u2019l ven approvaa. In del
\n 1658 moeur el Buzzi e incomencen i critich su\u2019i so prog\u00e8tt che hinn la causa de lass\u00e0 l\u00ec la facciada pussee de cinquant\u2019ann a specci\u00e0 che la v\u00e8gna bona. In del 1765 fina al 1769 l\u2019archit\u00e8tt
\n Croce el fa la guglia maggior. In del 1790 fina al 1805 l\u2019archit\u00e8tt
\n Soave el fa la fin\u00e8stra central e i d\u00f2 lateral. Per ordin de Napoleon, in del 1807, i archit\u00e8tt Amati e Zanoia completen la facciada e tiren su i guli dandegh adree fina al 1813 e dal 1813 al 1858 continoa el lavor\u00e0 de ornament e statuari. Tucc sann che\u2019l Domm l\u2019\u00e8 l\u2019ottava meraviglia del mond, ma chii propi le cognoss ben, s\u00e8mm minga c\u00e8rt nun milanes. Nun su\u2019l Domm s\u00e8mm andaa tanti volt, ma minga dom\u00e0 per ved\u00e8 i bell\u00e8zz che ghe n\u2019\u00e8 a biz\u00e8ff, ma anca per mangi\u00e0 pan e salamm, roba che quand s\u2019era on piv\u00e8ll se faseva de sp\u00e8ss e me regordi anm\u00f2 la canzon che allora l\u2019era molto in voga:\u00a0<\/p>\n