Tanti tempus fait a s'orbescidroxu de una dì de Istadi, su Soli no iat agattau accanta sa Luna, sa sposa sua stimàda. Insaras Issu postu si fiat a dha  circai in donnya logu, cun disisperu mannu e cun su coru in trumentu.
Postu si fiat a corrovai in tottu su mundu, terras, maris e montis, in donnya furrungoni, in donnya tuppa, cugutzu e cresura, a perda furriada, alluinendi, cun su luxentori de is arrayus, po fintzas su scuriu de su sperefundu de su mari e de is intranyas de sa terra.
Sa Luna invecis, eguedda callenti, si fiat lassàda imbodrogai me is losingas de su gurrei mannu de su Limpu, Jovi, trasseri, improseri e coddadori, e cuàda fiat me in cussa tuppas intipidas de Pranasu, stentàda, sa pudredda, cun su fanceddu, me in su druciori de s'apprapuddu e de s'affricoxu mannu.
Su Soli, arroxu de cumpudai in donnya sperrima de sa terra, de su mari e de su celu, iat detzidiu de si nci torrai a domu sua. Me in su mentris ki fiat passendi asuba de su Mari Nostu, biu iat un'isuledda ki dhi fiat praxa meda, meda: " Ita bellixedda - si fiat fatu - jei dha ia a bolli conosci mellus"!
E callau nci fiat in cussa terra limpia e sintzilla e de accanta dhi fiat pàta ancora prus bella. Fiat abarrau ingunis tempus e tempus castiendidha cun ogus amainaus de tanti bellesa e si ndi fiat innamorau. Fintzas a candu sa tribulìa de su disiju dhi iat postu scinitzu mannu e su coru in trumentu. Insaras dha iat preguntàda a sposa. A Issa, prena de bregunja, dhi fiant fattas is trempas arrubias ke fogu. Ma alluinàda e amainàda de su luxentori e de sa bellesa de cussu sposu, a sa pregunta no iat scipiu nai ca no! E dh'iat cuntzediu is gratzias e tottus is prendas allogadas me is intranyas suas de tanti tempus cun virtudi e coidau.
Su Soli, prenu de amori e de disiju, balla ca si dho-y fiat stentau in cussu gosu mannu, iscarescendi po fintzas sa Luna.
E-y cussa Isula ìnnida fiat bessìda sempri prus bella.
De insaras, donny'annu cussu Sposu luxenti, abarrat tempus e tempus ingunis, accanta de-y cussa Sposa bregunjosa; e dha castiat e dha stimat sempri de prus amainau de sa bellesa sua.
E de insandus, candu arribat Beranu, Cussa Terra luxenti, po ispantu mannu, me is pranus, me is serras e me is cuccurus si prenit de unu 'yaxi de frorixeddus grogus e bellus ki parrint solixeddus, poita ca assimbillant a su babbu insoru. - su caragàntzu –

Peppi 

Tanto tempo fa, all'alba di un giorno d'estate, il Sole non trovò più,vicino a se, la Luna, sua sposa adorata. Allora si mise a cercarla in tutti i posti, con grande sconforto e col cuore in angoscia.
Si mise a frugare in tutto il mondo, nelle terre, nei mari e nei monti, in ogni nascondiglio, in ogni bosco, cespuglio e siepe con accanimento, illuminando, con la luce intensa dei suoi raggi, persino l'oscurità degli abissi del mare e delle viscere della terra.
La Luna invece, cavallina in calore, s'era lasciata adescare dalle lusinghe del grande re dell'Olimpo, Giove, astuto, intrigante e donnaiolo, ed era nascosta nel folto della macchia del Parnaso, in eccitazione, la puledrina, col concubino, nel diletto dell'amplesso e della sensualità.
Il Sole, stanco di rovistare in ogni angolo della terra, del mare e del cielo, decise di tornarsene a casa. Ma mentre transitava sopra il mare Mediterraneo (Mare Nostrum), scorse un' isola che lo attrasse fortemente: " Quanto è bella - sospirò - per certo la voglio conoscere meglio"!
E scese in quella terra pura e vergine e da vicino gli apparve ancora più bella. Rimase tanto tempo ad ammirarla con gli occhi ammaliati da tanta bellezza e se ne innamorò. Sino a che, turbato dal desiderio ed in preda al delirio d'amore, decise di chiederla in sposa. A Lei, piena di trepidazione, le guance diventarono rosse come il fuoco. Ma illuminata e stregata dallo splendore e dal fascino di quello sposo, alla domanda non seppe dire di no! E a Lui concesse le grazie ed i tesori ben custoditi nella sua intimità da tantissimo tempo con verecondia e diligenza.
Il Sole, pieno d'amore e di desiderio, per certo rimase a lungo preso da quell'estremo piacere, scordandosi persino della Luna.
E quell'Isola sino a quel momento incontaminata, divenne  sempre più bella!
Da allora, tutti gli anni, quel fulgido Sposo, rimane per diverso tempo lì, vicino alla sua timida adorata; e la guarda e l'ama, sempre più invaghito dalla sua bellezza.
Sin da quel tempo lontano, quando arriva la Primavera, quella splendida Terra, quasi per miracolo, nelle valli, nelle colline, nelle montagne, si ricopre interamente di tantissimi fiorellini gialli e belli, che sembrano piccoli soli, perchè assomigliano al loro genitore! - su caragàntzu - ( il crisantemo selvatico ).

Peppe