..

Computers		melegnano.net
		I autobus a dièta: ...

..

T’e sentü l’autobus ch’el riva de Milan el s’è fermà ancamò in sü la via Emilia, disen che ‘l gh’aveva pü de gasòli. Me par nò pusibil, ma gh’è nisün ch’el cuntròla? El sciafför  pudeva no dagh un ugiada al cuntör? E quej ch’el fan vegnì föra del garage ghe guarden nò al pien? Se l’è assee o s’el basta nò per ndue che ‘l g’ha de ndà cunt l’autobus. Ghe guarden sicür, l’è l’autobus che l’è un discul e el canna giò me ‘n disperà. Ma te par giüst che sti autobus chi gh’abien de fa föra un mar de gasòli, cun quèl ch’el custa al dì d’incöö? I avaran mis a dièta per punisiun, inscì imparen a bev tropp. Te vöret dì ? Pudaria anca vess, el bigliètt el custa semper l’istèss e lur gh’avaran dà l’istess import de prima de gasòli, se de liter ghe n’è de men  la culpa l’è del dollaro l’è minga de lur. Alura, se i autobus se fermen in mèss a la strada, la culpa l’è del Clinton.  El savevi che quel lì l’era un fujna, ma tacass al mè autobus, ques chì l’è trop, gh’avaria vöja de fagh la guèra a l’America dumà per quell.

Traduzione in lingua italiana  (per gli stranieri) Gli Autobus a dieta

Hai sentito, l'Autobus che arriva da Milano si è fermato un'altra volta sulla via emilia, dicono che non avesse più gasolio. Non mi sembra possibile, non c'è nessuno che controlla? L'autista non poteva controllare l'indicatore del serbatoio? Gli addetti dell'autorimessa non sono tenuti a controllare che l'autobus abbia il pieno? Non devono verificare se è sufficiente o meno per il percorso che l'autobus deve fare? Controlleranno senz'altro, ma non è colpa loro se l'autobus è indisciplinato e beve a più non posso. Ti sembra corretto che questi autobus debbano consumare tutto quel gasolio, con il prezzo che questo ha raggiunto al giorno d'oggi. Probabilmente li avranno messi a dieta per punizione, così imparano a bere smodatamente. Vuoi dire? Potrebbe anche essere, il biglietto non è rincarato e loro, di conseguenza, avranno messo nell'autobus lo stesso importo di gasolio, non la stessa quantità, se di litri ce n'è di meno è colpa del caro dollaro, loro non c'entrano. Allora se gli autobus si fermano in mezzo alla strada la colpa è di Clinton. Lo sapevo che Clinton era un furbastro, ma che arrivasse a curarsi del mio autobus, mi sembra che abbia esagerato, avrei voglia di dichiarare guerra all'America, solo per questo motivo.

.inizio pagina
sito curato da