Computers
| Computers |
|
melegnano.net | |
|
| Se ghem de fa ... |
| Se ghem de fà. I mandarèm a
scòla
Ier sera me sunt mis adrèe a fà quater cunt. Hu legiü, me ricordi minga ndue, che el noster sindegh gha dà l'apalt di parchegg a una quaj ditta e gha dà anca la mèsa süi mült, el quindes percent. Mi me par una vacada, ma la sù, sunt nò una cima, i cunt i fu cui did, lü ghavarà vü el computer, l'avarà mis insèma tüt i sò ragiunament e ghe sarà vegnü föra che inscì l'era un mestè fà ben. Ma, se l'è vera quèl che disen, che dopu che l'ha tacà a quej che gheren anca i parchegg a pagament in via Ròma, in cuntrada lunga, in la via dela mutua e in quaj alter sit, dopu che gha scepà i ball a tüti quej che pudeva, l'ha catà sü dumà i danèe de l'an pasàa e ch'el gha fà anca la giunta de la mèsa süi mült, alura vurarà dì che 'l sò computer l'ha ciapà una ciuca de quej che se desmenteghen nò.. Prubabilment i dònn che pülissen i computer ghavaran duvrà l'alcul che, la sèm tücc el va ala tèsta, e el pover computer ghe sarà andà insema el cervèl, se de nò cuma l'è che te pödet spiegà una vacàda inscì. Dònn inveci de l'alcul, duvrì l'amuniaca, che almen quèla la tègn svèj e fursi sti ròbb chi sücedarissen nò. Sciur sindegh ciapesela nò, e, dam a trà, trà via el computer e ciapa un bel palotulier, che quel lì, anca se tel netèn cunt l'alcul, el s'inciuca nò. Pensa un pu che una quaj mala lingua, per una netada ala ciuca l'avarà pensà che vist i risültàa la ciuca fursi l'ha ciapada un quajdün d'alter, per la cuntentèssa de l'afar che l'aveva fà. Ma la malalingua la farèm sta cita, la mandarèm a scola a imparà i regul che ghem al dì d'incö: "cinq e cinq fà ses e per vès cuntent mi te du dès e se te basten nò di ses che te me dà te ne du indrè anca la metà". |
||
|
||
| Cosa dobbiamo fare, li manderemo a scuola
Ieri sera mi son messo a fare quattro conti. Ho letto, non mi ricordo dove, che il nostro sindaco ha dato l'appalto dei parcheggi ad una ditta e gli ha riconosciuto pure una provvigione sulle multe, il quindici per cento. A me sembra una scelta da mucca, ma lo sò di non essere una cima, i conti li faccio sulle dita, mentre lui avrà usato un computer, avrà considerato tutte le variabili e avrà concluso che quella era la scelta giusta. Ma, se è vero quello che dicono, e cioè che, oltre ai parcheggi precedentemente esistenti, ha aggiunto nella convenzione anche quelli nuovi di via Roma, di via Castellini, di via 8 giugno e di qualche altra zona, dopo aver fatto alterare quanti più poteva, ha raccolto la stessa cifra dell'anno precedente e, come bonus, ha pure aggiunto la provvigione sulle multe, allora vorrà dire che il suo computer deve essersi ubriacato ben bene. Probabilmente, gli addetti alle pulizie avranno pulito il computer con l'alcool, che come sappiamo tutti va alla testa e al povero computer si saranno confuse le idee, se no come si potrebbe spiegare una simile scelta da mucca. Donne invece di usare l'alcool, usate l'ammoniaca, che quella almeno tiene svegli e forse questi fatti non succederebbero più. Signor Sindaco non se la prenda e mi dia retta, butti via il computer e prenda un bel pallottoliere, che quello almeno, anche se te lo puliscono con l'alcool, non si ubriaca. Pensi che qualche malalingua, per colpa di una pulizia all'alcool, potrà aver pensato che, visti i risultati, l'ubriacatura l'avrà presa qualcun altro, per la felicità a seguito dell'affare fatto. Ma la malalingua la zittiremo, la manderemo a scuola ad apprendere le nuove regole del giorno d'oggi: "cinque più cinque uguale a sei, io ti do dieci e se non bastano, dei sei che mi hai dato ti rendo la metà". |
