| Mi avaria poduu andà avanti a cuntaff su la storia disend,
senza interrompom, tutt quèll che doveva diff, ma mi me pias andà
d'accord e quand gh'è l'accord. … se se moeur minga prima… se scampa
cent ann. El Parini el nass in del 1729 a Bosisio, in Brianza, visin
al lagh de Pusian. Dio, mèttendel al mond, el g'ha daa on ingègn
e ona ment che se sbaglia no a ciamalla superior. A so temp, Maria Teresa,
le ciama a tegnì la cattedra in di. scoeul Palatinn e le ten per
la bellèzza de trent'ann, insegnand filosofia cont ona tal eloquenza
ritegnuda pussee unica che rara. El so gran poèma ironich e satirich
che l'è «Il giorno» l'ha servii molto a la storia e
a la moral, perchè in quij vèrs gh'era tiitt el so coeur
bon e onèst. Siccome poeu mancava minga la staffilada a cèrti
patrizi infingard che s'eren daa al vizi e dedicaa cornpletament... al
dolce far niente, el g'ha faa capì che lor gh'aveven di obbligh
sacrosant vèrs l'umanitaa e precisament per la soa condizion social
privilegiada... e cioè, quèll de vèss nassuu in la
grassa e per conseguenza l'era vergognos vcdè di personn che podeveri
vèss molto util a lor e ai alter, limitass a fa la vita del beato...
compagn de S. Antoni. El cont Firmian, avend sentii de la satira del Parini
e de l'intenzion de stampalla, l'ha ditt subit: « Ottimamente!...
Ve n'ha estremo bisogno! ». L'abate Carlo Innocenzo Frugoni, che
l'era on poèta de vaglia, quand l'ha leggiuu «Il Mattino»
del Parini, l'ha subit ditt: « Ora conosco di non aver mai saputo
fare versi sciolti ». Hann capii quant hinn i or i poèta de
la giornada... che nassen come i ortigh? Parini l'è scampaa settant'
ann. L'è rnort in del 1799, in mèzz a la riverenza e a l'amor
di so concittadin e l'è staa seppèliii in del cimiteri de
Porta Comasina, dètt de la Mojazza e che incoeu gh'è pù.
Maria Gaetana Agnesi, nassuda da famiglia nobil in Milan al sèdes
Magg del 1718, l'era dotada d'ona intelligenza verament straordinaria e
d'on coeur eccellent per bontaa e umiìtaa. Giovanissima la s'è
dedicada ai studi e a dodes ann l'ha tradott dal latin i «Supplementi»
di Freinsconio in la bellèzza de quatter lingu: italiana, francesa,
tedesca e greca. Prima di vint'ann la s'è dada a la matematica,
al ponto de meritass dal Papa Benedetto XIX la nomina onoraria a la cattedra
de Analisi de l'Università de Bologna. El so liber «Istituzioni
analitiche» el g'ha procuraa on encomi da l'Accademia de Paris. Nient
affatt vanitosa, nè per la celebritaa, nè per la soa bèlla
giovinèzza, nè per la fortuna, nè per tutt quèll
che la podeva ottegnì da Maria Teresa, dal Papa, dal noster
Arcivèscov Pozzobonelli, leè la s'è dada a consolà
l'umanitaa sofferente. Minga assee de vèss fada povera per 1'amor
di pover, l'ha vorruu ced anca la soa cà e i so rcndit. In di ultim
so quindcsann de vita l'è stada la direttrice, l'amisa, l'infermera
di noster pover veggionn al Pio Albergo Triulz dove l'è morta celibe
a vottant'ann. Pronunciand el nomm de Maria Gaetana Agnesi se sent in nun
come ona specie de venerazion e non el pò vèss divèrsament.
Nass in del 1728 el cont Pietro Verri e destinaa a copri i caricb pussee
alt de la magistratura, che lu l'ha onoraa cont el so coragg e cont la
soa sapienza. A lu se ghe dev la riforma economica che l'ha liberaa la
patria dal giogo del così dètt «fermieri generali»
cbe sfruttaven el staat e el popol. I regalij del sal, de la polver e del
tabacch, hinn staa appaltaa, per merit so, cont el titol de «Ferma
mista» cont on contratt in forza del qual el Governo el gh'aveva
la tèrza part di util e col temp, poeu, staa riunii sotta on' amministrazion
sola. E bastava domà sta riforma per mètt el Verri tra i
minister dègn d'on monument. EI Verri l'è staa nominaa president
de la Societaa Patriottica e a quèll post l'è minga staa
cèrt cont i man su'l consolaa, ma l'ha lavoraa dandegh increment
a l'agraria, a la manifattura e a le arti. El Verri, l'è minga on'esagerazion
a dill, l'ha ajutaa, e tanto, a dissedà foeura la Lombardia che
pareva che la dormiss de la quarta come i bigatt... o on pover moribond
che gh'avessen appèna portaa el Signor. L'opera che pussee de tucc
g'ha procuraa al Verri la celebritaa l'è «Meditazioni sull'economia
politica», stada stampada in divèrs lingu e tanti volt ristampada.
El pover Verri el moeur el vintott de Giugn del 1797. Ceser Beccaria, nassuu
in del 1753, el se contenta de sta al mond domà cinquantott ann.
Tutti sann, e se ghe fuss on quaivun che le savèss no ghe'l disi
mi, che Ceser Beccaria Bonesana l'è circondaa da ona aureola de
celebritaa che durarà fina chc a stoo mond durarà el sentiment
de la riconoscenza. Ai tcmp del Beccaria gh'era ancamo certi barbari che,
volere o volare, inquinaven la giurisprudenza criminal; ma minga domà
in Lombardia nee, ma in tutta l'Europa. La soa opera “ Dei delitti e delle
pene “ l'è on'opera, come disom nun milanes, cont i rognon e minga
per nagotta l'è stada tradotta in tutt i lingu e acclamada in Francia,
in Germania, in Inghilterra, in America e in Russia. Caterina II, Imperatrice
de Russia. la cerca de portamel via offrendegh titol e cattedre in la soa
Pietroburgo, ma el princip Kaunitz, che'l vorreva minga cèrt lassassel
scappà, el scriv a la Cort de Vienna e quèlla la istituiss
la cattedra de le scienze in di scoeul Palatinn per tegnill chi come professor
e lu ben volontera el ghe staa. EI Beccaria, primm propugnador de l'abolizion
de la pèna de mort, el manca ai viv in del 1793. El Parini l'è
ricordaa cont ona contrada e on monument del scultor Secchi in Piazza Cordus,
Pietro Verri cont ona contrada, Gaetana Agnesi cont òna scoeula
superior a Porta Romana e ona via, Ceser Beccaria cont on monunient del
scultor Grandi e ona piazza in centro de la cittaa. |
Computers
