Ve confèssi che dovè cuntaff su tutt quèll
che l’ha faa Maria Teresa, me senti a slargamm el coeur. In d’on Congrèss
tegnuu a Nizza de Provenza dà divèrsi potenz, ven stabilii,
su base solida, i affari d’Italia. Cont on trattaa d’alleanza
s’hinn obblìgaa a la reciproca difesa e hann stabilii, che tanto
el Regno di dò Sicili, come el Gran Ducaa de Toscana formassen,
andand avanti, come dò filiai de Casa d’Austria e Borbonica e finalment,
in del 1753, s’è decis, tra i Cort de Vienna e de Modena, che la
principèssa Beatrice, che la gh’aveva allora domà trii ann,
tosa del Princip Ercole Rinaldo e erede de tucc i domini Estensi, e cioè
Modena, Reggio, Mirandola, Massa e Carràra, l’avaria sposaa, a so
temp se capiss, l’Arciduca Ferdinand, tèrz fioeu de Mària
Teresa. L’Arciduca Ferdinand, quantunque l’avèss ottegnuu el Governo
e anca de vèss el capitani general de la Lombardia-Austriaca,
el gh’aveva bisogn de fa i oss, pcrchè l’era minorenne, quindi el
ven supplii dal Duca dé Modena Francesch III, el qual el s’è
dimostraa on gran bon omm e on governator cont tanto sal in zucca e cont
tanto coeur per i Lombard. Sì, ai Lombard el ghe vorreva propi ben
de bon e siccome el ben el tira el ben, anca i Lombard ghe dimostraven
tutta la soa affezion. Bisogna però ricognoss che al fianch el gh’aveva
el cont Beltramo Cristiani, minister plenipotenziari... che’l vareva tanto
or come’l pesava. Francesch III, che l’aveva ciappaa in man lu el ballin,
come se dis, in del 1754, el moeur in la soa bèlla villa de Vares
in del 1780, o per di mèi, noeuv ann dopo ch’era vegnuu a Milan
i spos e cioè: l’Arciduca Ferdinand e la soa Beatrice... che anca
lee l’aveva minga mangiaa per nagotta e l’era vegnuda granda. E chi l’è
propi el cas de ripètt quèll che ha scritt el Verri su Ferdinand
d’Austria: « Ferdinandò d’Austria nel fiore della gioventù,
dotato di amabile vivacità d’ingegno, seppe seriamente amare il
bene dello Stato e del popolo... non risguardò mai come abbietta
la povertà, non disprezzò che il vizio, ed in ogni condizione
rispettò l’Uomo. Ottenne la sola fortuna a cui possa aspirare chi
è collocato in sublime grado, cioè la stima e l’amore pubblico...
sentimenti nati dalla virtù e indipendenti dal timore e dalla riverenza...
E me par che stii pocch paroll sien assee per fa conoss la bontaa e la
correttèzza de Ferdinand d’Austria. Se pò propi di che’l
Regno de Maria Teresa, cont i consilli de l’Arciduca e di minister Antonio
Venceslao di Kaunitz-Rietberg, cont Cristiani e cont Firmian, abbien propi
minga sbagliaa a ciamall el Regno civilizzator de la Lombardia. Per Maria
Teresa la beneficenza l’era on bisogn del so coeur e la beneficava cont
bontaa, cont gentilèzza e anca cont sapienza. In del 1775 l’ha fissaa
on metodo noeuv de amministrà el Comun, metodo che, in gran part,
el va ancamò incoeu. L’ha perfczionaa el Catasto cont ona
giusta base per la ripartizion di tributi in del November del 1759, cont
l’ajutt de Pompeo Neri. L’ha istituii di ordin cavallerèsch, perchè
anca allora, come incoeu, l’omm el viveva minga domà de pan. L’ordin
de S. Steven, per l’ omm de Staat che le meritava, quèll de la Croce
Stellada per le dame, quèll de Maria Teresa per i soldaa valoros
e tanti altèr bèi robb distribuii forsi cont pussee criteri
de quèll del dì d’incoeu. In del 1762, Mana Teresa ‘ha dichiaraa
ciar, nètt e tond che i pret eren, davanti a la leg nè pù
nè men come i alter cittadin. E l’ha faa benone! Siccome poeu i
convent e tucc i comunitaa religios se permètteven el lusso de tegniss
per so cunt di preson, i mur di quai se avèssen poduu parlà
chissà cosa avarien - ditt, i ha faa sopprimm subit. On’altra
roba gh’aveven in su’l stomegh i milanes e l’era... la Santa Inquisizion
e lee l’ha mandada cont i gamb per aria anca quèlla. Insomma l’è
inutil nascondel, ai milanes ghe pareva de viv in d’on alter mond!... E
gh‘aveven minga tort! E l’è semper imperand Maria Teresa che
nass el Pio Albergo Triulz, regalaa da l’istèss princip Tolomeo
Triulz, per ricoverà i pover vèggion, da nun ciamaa i «
Bersaglier de la Signora », perchè el Pio Albergo l’era precisament
in via de la Signora. E in quèll’Albergo i noster bon veggion e
veggionn g’hinn staa dal 1774 al 1910, quand hann faa S. Michee per andà
a la Baggina, on sit veramcnt bèll e grandios, foeura de Porta Magenta.
Maria Teresa la pensa a l’Orfanotrofi Maschil. Sopprèss i duu ospedai,
quèll di Pellegrin de S. Giacom a Porta Vercellina e quèll
de S. Peder e Paol a Porta Romana, la passa el so patrimoni al Loeugh Pij
de S. Martin ordinand, in l’istèss temp, de fabbricà on Orfanotrofi
noeuv. Intanta el Cardinal Arcivèscov de Milan cont on decrètt
del vint April del 1772, el sopprimm el convent dei Cassinesi de S. Peder
in Gessaa e Maria Teresa la ciappa, come se dis, la palla al balzo e la
ghe dà i sostanz del convent al Loeugh Pij de S. Martin compres
la gesa e el fabbricaa, per fa su quèll bèll palazzon in
Piazza S. Peder in Gessaa e Cors Vittoria, allora de Porta Tosa,
che ancamò incoeu l’è la cà di noster car martinitt.
Allora, i noster Martinitt, eren minga vèstii come adèss
che paren tanti bèi soldaritt, ma portaven, come i veggion, el frak
faa d’on pann pelos color ciccolatt cont in coo on mèzz cilinder
cìccolatt anca luu come’l frak. I veggion portaven i calzètt
longh e i calzon curt fina al genoeucc. Se i veggion staven minga ben,
i martinitt staven peg ancamò!... I Stellinn, pover tosann, portaven
on vèll e eren pettenaa in d’ona manera de parì... tanti
vedov sconsolaa! I veggionn gh’aveven el scossaa bianch e la scuffia idem...come
fudèssen tucc donn de servizi. Ma cont el temp tutt s’è cambiaa!...
Ai veggion, g’hann tajaa via i fald del frak e g’hann slongaa i calzon
e scurtaa i calzètt. I stellinn g’hann nient de invidià ai
‘alter colleg, perchè g’hann fina el so bravo cappèllin.
El sarà forsi minga propi l’ultim modèll de Paris.. - ma
el cappèllin el gh’è!... I martinitt paren pù quèi
cèrt!... Incoeu hinn come militarizzaa e marcen... cont tant de
musica in tèsta. I veggionn g’bann pù la parvenza de donn
de servizi! Pù de scussaa bianch nè scuffia, in strada ben
intes, ma la soa giacca e el so vèll. I vèstii hinn minga
tailleur, ma fann la soa bèlla figura. L’Imperatrice Maria
Teresa, ascoltand semper l’impuls del so coeur chc l’era grand, la va adree
a fa del ben a Milan. La fa costruì on caseggiaa grandios,
pien d’aria e de lus, come casa de correzion per podè rimètt
su la bona strada i piccol delinquent cont di mèzzi uman, che eren
minga cèrt quèi che usaven in di preson che gh’era in di
convent e che Maria Teresa l’aveva faa ben a sopprimm. E semper cont lee
al potere, è staa faa el canal de Paderno per el qual, i barcon,
da Lècch vègnen a Milan. E semper durant el so Regno el Piermarini
el fa el Teater de la Scala, el Teater de la Cannobbiana, incoeu Lirico,
la Piazza Fontana, el Palazz Real, i palazz Greppi e Belgioios, la facciada
de Brera, de l’Arcivescovaa e la Villa Real a Monza. I so duu scolar, Cantoni
e Pollak, hann faa el palazz Serbelloni, el palazz Mellerio e la Villa
Real che g’hemm ai Giardin Pubblich. Emèrg, tra i Universitaa d’Europa,
quèlla de Pavia, dove hinn andaa come professor el Mascheroni, el
Spallanzani, el Volta e tanti d’alter. I milanes hann vist la spècola
astronomica de Brera, diretta da Ruggero Boscowich, el ginnasi real e la
ricchissima biblioteca avèrta per tucc i studios in del Convent
dei Gesuita de Brera, staa sopprèss. E poeu i scol cul Palatin per
l’insegnament de l’economia politica e la gran sala di Mercant destinada
per el deposit de tucc i att notarij del Ducaa. Per andà su a l’Archivi
se ved ancamò ona lapida de marmo cont ona iscrizion latina, la
traduzion de la qual l’è: « Le liti
sono miserande sorgenti d’inimicizia: dalle liti conseguono i gravi dispendii,
le angoscie dell’animo, le giornaliere fatiche del corpo e molti abbominevoli
delitti. I litiganti trascurano , le oneste ed utili opere: quando sperano
di vincere non di raro sono vinti; e se pur vincono, fatto il compito degli
incomodi e delle spese, nulla guadagnano.» Tomaso da Caponago fece
1445. Ecco ona lapide che l’andaria mèssa in tucc i tribunai
e in tucc i pretur, e la faria minga mal sicur nanca incoeu ! - Va minga
dimenticaa el Museo de Storia Natural, visin ai scoeul de S. Alessander,
dirètt dal benemerit barnabita Ermenegildo Pini. E’ nassuu la Societaa
Patriottica per l’incoraggiament de l’Industria e del Commercio e, per
evità i innondazion, s’e incominciaa a fa i strad a schèna
de mul, per fa che l’acqua l’avèss de scolà, e quèst
ghe’l devom a l’architètt Pietro Parea che l’ha faa in manera che
tutt scolass in del Rèdefoss e quèst, a soa volta, l’andass
a fenì in del Lamber. E l’è propi in stoo periodo de temp
che emerg el valor de Andrea Appiani, ritegnuu da tanti l’erede del geni
del Luini, Angiol Maria Crivèll ditt de soranomm “ Crivellon” che,
cont el so fioeu Jacopo, el s’è distint molto in del riprodù
i bèsti e el Londonio acquistandes celebritaa a pitturà soggètt
pastorai e animai. Se per stii omen, che hinn passaa a la storia, mi me
sont limitaa a citai, podi però minga cavamela inscì cont
pocch, cont Giuseppe Parini, cont Gaetana Agnesi, cont Pietro Verri e cont
Cesare Beccaria. ? Ve par no ?
? Giustissim |
Computers
